Ad’u Tinda 24:3 - Bible azumeina

³ ang gunun tang avok Ma didina, Alo ma lakulod’a kandagad’ina ala ang mba ve gora hi suma Kanan suma an nga kaka adigazina mi goron na d’i.

Ad’u Tinda 24:3 ပူးပေါင်းရင်းမြစ်များ

Ad’u Tinda 14:19

Mi b’e vunam yam Abram, mi dala: Alo ma sä akulo ma kal tegles ma lakulod’a kandagad’ina, mi b’e vunam kangû.

Ad’u Tinda 14:22

Abram mi hulong de mamul ma Sodom-ma ala: An hlabon akulo avok Ma didina Alo ma sä akulo ma kal tegles ma lakulod’a kandagad’ina.

Ad’u Tinda 21:23

Ki tchetchemba, ang gunun tang avok Alona ka hî ala ang mba mbud’un iran ki grona ki gron ngolona d’i. Ang lan djivid’a yam andaga d’a ang nga kaka kurut wanda d’igi an lang djivid’a na mi.

Ad’u Tinda 24:7

Ma didina Alo ma lakulod’a ma vanï woi kur azina habuna yam andaga d’a an vut kur ma mi dan ala: An gunung tanu, andaga d’a wanda, an mba ni hat mandjavangû na, mam mba mi sun malaika mama avorong sä hî; ang mba veï atchad’a mi gorona.

Ad’u Tinda 27:46

Rebeka ti de mi Isak ala: An kau wa abo akuniyôna Het groma. Le Jakob mi vatchad’a aduk gro arop suma yam andaga d’a kä wandina ni, kak man nda adigazid’a, djivi mata ni me ge?

Ad’u Tinda 28:1

Isak mi yi Jakob, mi b’e vunam kamu, mi gad’am ala: Ang vatchad’a aduk gro arop suma Kanan-na d’i.

Ad’u Tinda 28:8

Kayam ndata, Esau mi wala gro arop suma Kanan-na a nga djivi ir abum mbi,

Ad’u Tinda 34:9

Ei veigi teya, agi hami grogina, ami hagi mamina mi.

Ad’u Tinda 38:2

Sama Kanan-na simiyêm ala Suwa, mi nga kua. Juda mi we goromba, mi vat atchad’a, mi gat huyogomu.

Ad’u Tinda 47:31

Jakob mi de mi Josef ala: Ang gunun tang tua. Josef mi gunum tamu. Israel mi grif kä yam va mam mba d’igal yamba.

Ad’u Tinda 50:25

Josef mi gun Israel groma ala: Gagazi, Alona mba mi mba á ndjunugiya; agi yon ndi asogon igi ki sed’em mbei dei ki yima ka hina.

Ad’u Tinda 6:2

Alona groma a we gro arop ndazina a djif irazi heî, a man suma a nde irazina, a vigiziya.

Ad’u Tinda 6:4

Kur bur máma suma fuyogeina a nga yam andagad’a tua, ata yima Alona groma a mba a zlap ki gro aropmina, a vut grona; azi ni suma ad’eng suma a nga adjeuna, ni suma simiyêzi nde yina heîna.

2 Amuleina 19:15

Bugola, mi nde tchenda ala: Ma didina, Alona hi Israel-lîna, ang ma nga kaka yam zlam mang nga amula aduk tcherebênina, angî Alo ma tu ma yam leu d’a pet ta yam andagad’id’a, angî Ma lakulod’a kandagad’ina mi.

2 Sunda Hamuleinid’a 2:12

Hiram mi de kua ala: An le mersi mi Ma didina Alona hi Israel-lâ ma mi lakulod’a kandagad’ina, kayam mi hamulâ David gor ma ned’a ma d’alâ ma wad’ud’a ma ndak á min gong nga kud’ora mi Ma didina ki gong nga amula yam mam tambina.

Esdras 5:11

Wana ni hum mba azi hulongômizid’a: A dami ala: Ami nazungeîna hAlo ma lakulod’a kandagad’ina, ami nga hulong minimi gong nga kud’or ra amul ma ngolâ hi Israel-lîna mi minit adjeu mi dabat bizat kal ngolid’a akulo.

Nehemi 13:25

An ngoboziya, an nguluziya, an to suma dingâ, an ndjud’uzi tumus sa kazid’a woyo, an gunuzi ki simiyê Alona ala: Ar agi hagi grogi suma aropma mi grozina d’i, ar agi vigizi grozi suma aropma mi grogina d’oze mi agi tagid’a d’uo mi.

Nehemi 9:6

Ni ang Ma didina tu ba, lakulod’a kahle suma kurutna pet, andagad’a kahle suma kurutna pet, alum ma nglona kahle suma kuruma pet mi. Ahle ndazina pet ang hazi arid’a, ahle suma akulona pet a nga grif kä avorong mi.

Sawal la giled’a 115:15

Ar Ma didin ma lakulod’a kandagad’ina, mi b’e vunam kagiya!

Sawal la giled’a 136:26

Agi gilegi Alo ma sä akulona, kayam o mamba nga d’i dap pi.

Buzuk ka Abud’a 20:7

Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.

Buzuk ka Abud’a 22:11

agi tinigi gunda aduk suma mbà ndazina ki simiyên an Ma didina. Sama a hum vana abom á golina, mi de woi avogon an Alona ala mam do nga abom ata va máma d’i, wani sala va máma mi min yam gun ndata mi. Hina wani, wuraka nga d’i.

Buzuk ka Abud’a 23:13

Agi ngomogi ahle suma an dagizina pet. Ar agi yagi simiyê alo ma ding ngi, ar a humum simiyêm avunagi d’uo mi.

Buzuk ka Abud’a 34:16

Ar agi vigizi grozina mi grogina tala azi mbud’uzi ndjendjed’a á tuwal alo mazina d’oze á lobozi vunazi á mbud’uzi ndjendjed’a kalo mazina d’uo mi d’a.

Isai 45:23

An nga ni gun tan ki an tanda. Zla d’a ndavunda ni zla d’a irata. An mba djok vunan ndi. Suma pet a mba tchuk guguvazi kä avoronu, suma pet a mba gun tazi ki simiyên mi.

Isai 48:1

Agi suma hi Jakob suma nga yagi tagi ki simiyê Israel-lîna, agi suma buzugugi ad’u andjafâ hi Juda-nina, agi suma nga gunugi tagi ki simiyê Ma didinina, agi suma nga tchenegi Alona hi Israel-lâ bei gagazid’a bei d’ingêra ba na, agi humugiya.

Isai 65:16

Sama mi min ala mi b’e vuna kam ki simiyê ambasa na, mba mi b’e vuna kamî ki simiyên an Alo ma gagazina. Sama mi min gun tam ki simiyê ambasina mba mi gun tamî ki simiyên an Alo ma d’engzengâ, kayam ndak ka kal leid’a a mba mar rei kad’u, a mba ngeyet tei iran mi.

Jeremi 10:11

Ang dazi ala: Alo ma teteng ma mi le nga akulod’a kandagad’a d’uo na, a mba b’lagam mbei yam andagad’a, a mba fum ka hî yam andagad’a d’uo d’a.

Jeremi 12:16

Le azi a hat gata hi sum manid’a, le azi nga gun tazi ki simiyên ala Ma didina ni ma bei matna ba na d’igi adjeu azi hat sum mana a gun tazi ki simiyê Bäl na ni, an mba ni tinizi aduk sum mana tua.

Jeremi 29:6

agi vigigi aropma, agi vud’ugi gro andjofâ ki gro aropma; agi vigigi grogina aropma, agi hagi grogi suma aropma ndjufâ, ar azi vut gro andjofâ ki gro aropma. Agi zulugi ata yima agi nga kuana, ar agi feyêgi d’i.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Sunda hi suma hi Levi-nid’a 19:12

Agi gunugi tagi ir gurzula ki simiyên ndala agi lazan simiyên an Alo mangîna d’uo d’a, kayam an ni Ma didina.

Sofoni 1:5

An mba ni dap suma a djak akulo yam azuweina á kud’or tchitchiud’ina, ki suma a kud’uron suma a gun tazi ki simiyên suma a i gun tazi kalo ma a yum ala Milkom-mina woyo.

Ndumba 5:21

ar Ma didina mi ngobogu, mi b’alak gendreged’a, mi gizik keyo. Wani ndak mba d’i mbut ni vama taka mi sum ma’â á yi kahlena yam suma.

1 Korente-na 7:39

Ata yima atchad’a ndjuvut mi nga ki iram tua na, gata ti djinid’u. Wani le ndjuvut mit wa ni, ti but wa woi kur gata á ve ndjuf ma ndat minima. Djivid’a ti ve ni kretiyêna hol.

Gat ta a hat á mbàd’id’a 10:20

Agi lagi mandara Ma didina Alo magina, agi lum sunda, agi reyêgi tagi ki sed’emu, agi gunugi tagi ni ki simiyêm mi.

Gat ta a hat á mbàd’id’a 6:13

Agi lagi mandara Ma didina Alo magina, agi lum sunda ni mam tu go, agi gunugi tagi ni ki simiyêm hol mi.

Hebre-na 6:16

Kayam suma a nga gun tazi ni ki vama ngol ma kalazina, hina wani gun ta ndata mba d’i d’el tuguyod’a adigaziya.

Josue 2:12

Ki tchetchemba, agi gunun tagi ki simiyê Ma didina tala agi lagi djivid’a ki sum mana d’igi an le djivid’a ki sed’egi na mi d’a, agi tagan vama simat ma mba mi kak vama simat ma gagazinina.

Suma ka sariyad’a 14:3

Abum azi kasum a dum ala: Na ni gro aropma a nga aduk b’oziyongâ grozina d’oze aduk sum meina ka hî d’uo ba, ang i veï atchad’a aduk suma Filistê suma bei ngat bayâd’a zu? Samson mi de mabum ala: Ang vandjiya, kayam ti nde iran heî!

1 Samuel 20:17

Jonatan mi gun tam avok David kua, kayam mam hurum vum heî, kayam mam le kamî d’igi mam tamba na.

1 Samuel 30:15

David mi dum ala: Ang min tinin ata yima azigar ndazina a nga kuana zu? Mi hulong dum ala: Ang gunun tang avok Alona ala ang mba tchan ndoze ang han abo salana d’i. Hina wani, an mba ni tagang yima azigarâ a nga kuana.