Ad’u Tinda 24:22 - Bible azumeina

²² Kid’a djambala ndak dad’a, mi hle ngangam ma lor ma ngal wiwilik ma anegem ndak grama karagayana, mi nigittchi atchinad’u, mi yo wulak ka lor ra mbà d’a aneget kal grama kisa, mi tchuguttchi del abot abot mi,

Ad’u Tinda 24:22 ပူးပေါင်းရင်းမြစ်များ

Ad’u Tinda 24:10

Azong máma mi yo djambala hi salamid’a dogo, mi i kahle suma djivina teteng suma salama humuzi aboma, mi tchol mi i yam andaga d’a Mesopotami-d’a kur azina hi Nahor-râ.

Ad’u Tinda 24:23

mi dat ala: Ndak danu, nda’î nge goromba ge? Yina nga avo habuk ndak kami á burâ ko zu?

Ad’u Tinda 24:30

Kayam mi we ngangama ki wulaka abo wiyemba, mi hum zla d’a wiyemba Rebeka dumzi ala: Sa máma mi dan na, mi dan na d’a, mi i gen sama nga tchola ki djambala avun golongina.

Ad’u Tinda 24:47

An djobot ala: Nda’î nge goromba ge? Ti dan ala: An ni Betuwel ma Milka vud’um mi Nahor-râ goromba. Ata yi máma an nigit ngangama atchinad’u, an tchugut wulaka del abot mi.

Ad’u Tinda 24:53

Mi buzugï ahle suma a yorozi ki kawei ma hapma ki lorina woi abu ngola ki baruna, mi hazi mi Rebeka, mi hahle suma guzuzi kal teglesâ mi wiyetna kasut mi.

Ester 5:1

Kid’a bur ma hindina ndaka, Ester ti tchuk baru mat ma amula atad’u, ti kal krovo avok amulâ kur azì mam ma amula avun gong mamba. Amulâ mi nga kaka kur aziyam ma amula yam zlam mam mba ngagad’a yam avun agrek ma kala.

Wana ni mbaktumba hi Job-pa 28:1

Yima a djugot zula á fe kawei ma hapma kuana mi nga, yima a sal lora kuana mi nga mi.

Jeremi 2:32

Na ni gor weid’a ti mar ahle mat suma ti tchuguzi atat á djif ki tatna, d’oze gor weid’a a teleta, ti mar yam vama ti djinim furutna zu? Wani agi sum mana, agi maran ndei nadjeu dedei burâ ablaud’a bei ndumba ba.

Jeremi 32:9

An gus asinena abo Hanamel abun ma dingâ goroma mam ma sä Anatot-na, an guzum ki bege d’a hapa dogo yam kid’iziya.

1 Pierre 3:3

Ar agi halagi djif ma woi abu pid’a’â á ge yamba ki hed’eu ma ngal wiwili’â d’oze baru ma djif ma kalâ d’i.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.