Ad’u Tinda 22:7 - Bible azumeina

⁷ Isak mi de mabum ala: Iba. Abum mi hulong dum ala: An huma, gorona! Isak mi djobom ala: Gola! Akud’a kaguna wana: Gor timi ma ei ï ngad’ama, mi nga ni lara ge?

Ad’u Tinda 22:7 ပူးပေါင်းရင်းမြစ်များ

Ad’u Tinda 22:8

Abraham mi hulong dum ala: Gorona, Alona tamba mba mi hei ini gor timina á ngata. Azi djak a nga i ad’u taziya.

Ad’u Tinda 8:20

Noe mi min yima ngal ahle suma ngat buzuna mi Ma didina mi tinim iram vamu, mi yo aduk ahle suma djivina, aduk aluwei suma djivina pet, mi ngad’aziya, mi ngalazi woi pet yam yima ngal ahle suma ngat buzu máma.

Buzuk ka Abud’a 12:3

Agi dagi Israel-lâ pet ala: Kur bur ma dogona hi til ma wanina, ar nge nge pî mi ve gor timina yam sum mama avun azina gagang.

Buzuk ka Abud’a 29:38

Ma didina mi de kua ala: Wana nahle suma ang mba hazi yam yima ngal ahle suma ngat buzunina: Tumiyô suma bizazi tutuna mbàmbà burâ ki burâ gak didin.

Matiye 26:39

Mi hut sä avok hina nde, mi ge tam kä, mi tchen ala: Abunu, le ndak hina ni, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Matiye 26:42

Mi i yam á mbàd’a, mi tchen ala: Abunu, le kop ma wana ndak á kal lei kan bei an tchumu ni, ang le nata min manga.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Jean 1:36

Mi we Jesus nga mi kala, mi dazi ala: Agi gologi Gor timina hAlonina.

Jean 18:11

Kayam ndata, Jesus mi de mi Pierre ala: Ang hulong nik mbigeu manga kur aziyad’u. Kop ma Abun handjina, an tchum mbuo zu?

Romê-na 8:15

Kayam Muzuk ma Alona mi hagizina mi mbud’ugi ni magumeina d’i, ná lagi mandar ruo mi, wani mi mbud’ugi Alona groma. Hina, yam ad’enga hi Muzuk mamid’a, ei nga yi Alona ala Aba, nala, Abunu.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.