Ad’u Tinda 22:4 - Bible azumeina

⁴ Kur bur ma hindina Abraham mi hle iram akulo, mi we yi máma sä woi dei,

Ad’u Tinda 22:4 ပူးပေါင်းရင်းမြစ်များ

Ad’u Tinda 22:3

Abraham mi nde iram yorogo tcholol, mi zlup koro mama, mi yo azungeî mama mbà zlapa ki goroma Isak, mi wak agu ma a ngal ki vama ngat buzunina, mi i ata yima Alona mi tagamzina.

Ad’u Tinda 22:5

mi de mazungeî mama ala: Agi kagagi nga ka hî ki korona; ami ki gorona imi sä hî á kud’uromi Alona, ami mba hulongômi gevegi tua.

2 Amuleina 20:5

Ang hulong gen Ezekiyas amulâ hi sum manina, ang dum ala: Ma didina Alona habung ngolo David-na mi dala: An hum tchen manga, an we simi mangâ mi. Gola! An nga ni tcholong akulo. Kur bur ma hindina ang mba fad’enga á i kur gong man nda kud’ora.

Ester 5:1

Kid’a bur ma hindina ndaka, Ester ti tchuk baru mat ma amula atad’u, ti kal krovo avok amulâ kur azì mam ma amula avun gong mamba. Amulâ mi nga kaka kur aziyam ma amula yam zlam mam mba ngagad’a yam avun agrek ma kala.

Buzuk ka Abud’a 15:22

Moise mi tchol ki Israel-lâ avun alum ma ngol ma Tchereuna. A hle lovot ta i abo ma hur ful ma Sur-rîd’a, a tit abagei hur fulâ burâ hindi bei fe mbiyo ma tched’a.

Buzuk ka Abud’a 19:11

Ar azi min tazi gak burâ hindi, kayam kur bur ma hindi máma an Ma didina mba ni tchugï asen kä yam ahina d’a Sinai-d’a ir Israel-lâ pet.

Buzuk ka Abud’a 19:15

Mi dazi ala: Agi minigi tagi gak burâ hindi, ar agi zlabagi kamiyôgina d’uo mi.

Buzuk ka Abud’a 5:3

Moise azi ki Aron a dum ala: Alona hi Hebre-nina mi nde tam mbei iramiya. Kayam ndata, ami nga tchenengû, ang arami lovota á tita burâ hindi abagei hur fulâ á hahle suma ngat buzuna mi Ma didina Alo mamina, kayam mi ar tugud’ei d’a tcho d’a tchi matna ti tchami d’oze mi dabami woi avun ayîna d’uo mi.

Wana ni mbaktumba hi Oze-d’a 6:2

Kur bur ma mbàna mba mi tchiliya, kur bur ma hindina mba mi tcholei akulo, ei mba kagei ki irei avoromu.

Sunda hi suma hi Levi-nid’a 7:17

Le mi ar akulo kua ni, mi ngalam mbei kur bur ma hindina.

Ndumba 10:33

A tchol yam ahinad’a hi Ma didinid’a a i á tit burâ hindi. Zandu’â hi Ma didinina nga mi i avorozi á hal yima azi tuk tazi kuana.

Ndumba 19:12

Mi mbut tam yed’et ki mbiyo máma kur bur ma hindina ki ma kid’iziyana, mba mi mbut yed’et kuru. Wani le mi mbut nga tam yed’et kur bur ma hindina ki ma kid’iziyana d’uo ni, mba mi mbut yed’et ti.

Ndumba 19:19

Sama yed’etna mi yam mbiyo máma yam sama ndjendjed’a kur bur ma hindina ki bur ma kid’iziyana. Hina wani, mba mi mbud’um yed’et kur bur ma kid’iziyana. Bugola, mi mbus baru mama woyo, mi mbus tam mbei mi. Ki fladeged’a mba mi mbut yed’et.

Ndumba 31:19

Agi i vagiza anguvora woi bugol kangâ gak burâ kid’iziya. Suma adigagi suma a tchi matnina d’oze a do matnina pet, a mbut tazi yed’et kur bur ma hindina ki ma kid’iziyana, agi tagid’a zlapa ki suma agi yozi magombina mi.

Matiye 17:23

Azi mba tchanu, wani kur bur ma hindina, an mba ni tchol akulo aduk suma matna. Mam suma hata a yor tazi ngola.

Wana ni Zla d’a Djivi d’a Luc mi b’irita 13:32

Mi dazi ala: Agi i dagi mi bayak ndata ala: Gola! An nga ni dik muzuk ma tchona, nga ni sut suma tugud’eid’a ini kavini, kur bur ma hindina an mba dap vun sun manda.

1 Korente-na 15:4

a tozomu, wani mi tchol akulo aduk suma matna kur bur ma hindina d’igi mbaktumba hAlonid’a ti de na;

Josue 1:11

Agi igi kur kangâ, agi hagi vuna mi suma, agi dazi ala: Agi minigi tagi kahle suma tena, kayam ar burâ hindi agi mba djagagi alum ma Jurdê ma wana á hlambas sa Ma didina Alo magina nga mi hagizid’a.

1 Samuel 26:13

David mi djak sä woi abo hora abo hî, mi tchol sä woi akulo yam ahinad’a hina dei, adigazi woi d’uluk.