Ad’u Tinda 22:2 - Bible azumeina

² Alona mi dum kua ala: Ang ve gorongâ Isak ma tu gid’eng ma ang le kam heîna, ang i yam ambas sa Moriya-d’a, ang handji vama ngat buzu ma ngala yam ahina d’a an mba ni tagangzid’a.

Ad’u Tinda 22:2 ပူးပေါင်းရင်းမြစ်များ

Ad’u Tinda 17:19

Alona mi de mi Abraham ala: Nga na d’i! Amanga Sara mba d’i vut gor mandjufâ, ang mba yum ala Isak. An mba ni djin vunan ki sed’em kandjavam ma blogoma; ni vun man ma djin ma didina.

Ad’u Tinda 21:12

Wani Alona mi de mi Abraham ala: Ar hurung zal yam zlad’a hi gorâ ki magom mangid’a d’i. Vama Sara ti duma ang humumu, kayam nandjafâ hi Isa’â hol ba, a mba ndumum andjavangû.

Ad’u Tinda 21:3

Abraham mi yi gorom ma Sara vud’umzina ala Isak.

Ad’u Tinda 22:12

Malaikana mi hulong dum kua ala: Ang tin abong ata gorongâ d’i, ang lum va d’uo mi. Ki tchetchemba, an wala ang nga le mandara Alona, kayam ang d’elen nga gorong ma tu gid’engâ bei hed’a d’i.

Ad’u Tinda 22:16

mi dum ala: Ma didina nga mi dang ala: Kayamba ang le hina ang d’elen nga gorong ma tu gid’engâ d’uo d’a, an gun tan ki an tanda,

Ad’u Tinda 22:3

Abraham mi nde iram yorogo tcholol, mi zlup koro mama, mi yo azungeî mama mbà zlapa ki goroma Isak, mi wak agu ma a ngal ki vama ngat buzunina, mi i ata yima Alona mi tagamzina.

Ad’u Tinda 22:9

Kid’a azi mbaza ata yima Alona mi dum kamid’a, Abraham i mi min yima ngal ahle suma ngat buzuna, mi ndja aguna kamu, mi djin goroma Isak, mi gum yam yi máma akulo yam aguna,

Ad’u Tinda 8:20

Noe mi min yima ngal ahle suma ngat buzuna mi Ma didina mi tinim iram vamu, mi yo aduk ahle suma djivina, aduk aluwei suma djivina pet, mi ngad’aziya, mi ngalazi woi pet yam yima ngal ahle suma ngat buzu máma.

2 Amuleina 3:27

Ata yi máma amul ma Mowap-ma mi ve gorom ma ngol ma mba mi vrak tamula blangâma, mi hum vama ngat buzu ma ngala yam gulumuna hazinina. Kayam ndata, Israel-lâ huruzi zal ngola. Kayam ndata, a tchol a hulong avo hataziya.

2 Sunda Hamuleinid’a 3:1

Salomon mi tin ad’u min gong nga kud’ora hi Ma didinid’a avo Jerusalem yam ahina d’a Moriya-d’a, ata yima Ma didina mi nde tam mbei kua ir abum David kur ambid’a’â hi Ornan ma Jebus-sîna.

Mise 6:7

Ma didina mi min ni gamlâ ma dudubuna d’oze mbul ma mi djang d’igi mbiyo aluma na na zu? Ei hei ni gurei suma a vut avo’â vama ngat buzu ma ngala yam tchila meid’a ki tcho meid’a zu?

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Romê-na 5:8

Wani Alona mi tagei o mam mba keid’a woi ala kid’a ei ni suma le tchod’a tua d’a, Christ mi mit keya.

Romê-na 8:32

Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge?

Hebre-na 11:17

Ni yam he gagazid’a ba, Abraham mi he goroma Isak vama ngat buzuna ata yima Alona kuguma. Ni Abraham ma Alona mi hlum vunama ba, mi he gorom ma tu gid’engâ vama ngat buzuna.

Suma ka sariyad’a 11:31

kur hulong man nda avo ki furîd’id’a, sama lara ma mi ndeï avo hatan avok kikidji á d’ugulona, an mba ni tinim iram vam mi ang Ma didina, an ni hangzi vama ngat buzu ma ngala.

Suma ka sariyad’a 11:39

Kur dabid’a hi til ma mbànid’a, ti hulongî ti mba avo gen abud’u, mi ndak vun vun ma hle ma mam hluma ki sed’ed’u. Ti zlap nga ki mandjuf fi. Kur bur máma a tin zla ndata aduk Israel-lâ á tit kad’u,