Ad’u Tinda 22:17 - Bible azumeina

¹⁷ an mba ni b’e vunan kangû, an mba ni zulung andjavang avok d’igi tchitchiud’a na, d’igi les ma avun alum ma ngolîna na mi. Andjavang mba mi kus yam mam suma djangûna.

Ad’u Tinda 22:17 ပူးပေါင်းရင်းမြစ်များ

Ad’u Tinda 12:2

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.

Ad’u Tinda 13:16

An mba ni zulung andjavang d’igi andaga d’a gugud’upa na; le sana mi ndak á ndum andaga d’a gugud’upa ni, mi mba mi ndumung andjavang mi.

Ad’u Tinda 15:5

Mi nde ki sed’em abua, mi dum ala: Ang gol irang akulo; ang le ndak á ndum tchitchiud’a ni, ang ndumud’u. Andjavang mba mi zulî hina dedege mi.

Ad’u Tinda 17:6

An mba ni arang ang mba vut grona ablaud’a, azi mba vut andjaf suma teteng; amuleina a mba buzugï nad’u andjavangû.

Ad’u Tinda 24:60

Azi b’e vunazi kad’u, a dala: Wiyemid’a, ar andjavak mi zul dudubud’a dogo, ar andjavak mi hlazina hi mam suma djangûnina.

Ad’u Tinda 25:11

Bugol matna hi Abraham-ma, Alona mi b’e vunam yam goroma Isak; mam i mi kak avun golong nga Lahai-Royi-d’a.

Ad’u Tinda 26:24

Ma didina mi nde tam mbei iram kur andjege ndata, mi dum ala: An nAlona habung Abraham-ma; ang le mandar ri, kayam an nga ki sed’engû. An mba ni b’e vunan kangû, an mba ni zulung andjavang ngola yam azong mana Abraham.

Ad’u Tinda 26:4

An mba ni zulung andjavangî d’igi tchitchiud’a na. An mba ni hum andaga ndata pet. Ni kayam mam ba, an mba ni b’e vunan yam andjaf suma yam andagad’ina pet,

Ad’u Tinda 28:3

Ar Alo ma ad’engêm kal petna mi b’e vunam kangû, ang vut grona ablaud’a, ang zul ndjondjoî, kayam ang mbut nandjaf ma ngolâ.

Ad’u Tinda 28:4

Alona mi b’e vunam kang kandjavang d’igi mi b’e vunam yam Abraham hina, kayam ang te yam andaga d’a ang nga kaka kat angeina wanda d’a Alona hat mi Abraham-mba.

Ad’u Tinda 32:12

Ni ang ma dan ala ang mba lan djivid’a, ang mba zulun andjavan d’igi les ma avun alum ma ngol ma sa mi ndak á ndumum mbuo na na na.

Ad’u Tinda 32:13

Kur andjege ndata Jakob mi bur ata yi máma, mi yo ahle suma ding suma mi min hazi mi wiyema Esau-na,

2 Samuel 17:11

D’al ma an dangzina ba wana: Ang tok Israel-lâ geveng pet, tinï ad’ud’a Dan dei gak mba Berseba. Ablawazi to’î d’igi les ma avun alum ma ngolîna na. Ang tanga i dur ayîna ki sed’eziya.

1 Amuleina 4:20

Suma kur ambas sa Juda-d’ina ki suma kur ambas sa Israel-lina a zul d’igi les ma avun alum ma ngolîna na; a nga te, a nga tche, a nga le furîd’a.

1 Amuleina 9:26

Amulâ Salomon mi min batod’a ablaud’a kur azì ma Esiyon-Geber ma go ki Elat avun alum ma ngol ma Tchereuna kur ambas sa Edom-mbina.

1 Sunda Hamuleinid’a 27:23

David mi ndum nga suma bizazi ndak dok mbà d’oze suma bizazi kal dok mbàna d’i, kayam Ma didina mi dala mam mba mi zul Israel-lâ d’igi tchitchiu d’a akulod’a na.

2 Sunda Hamuleinid’a 1:9

Ki tchetchemba, Ma didina Alona, zla d’a ang dat mabun David-ta ti ndak wa. Ang tinin wa á vrak tamula yam suma a ablaud’a d’igi andaga d’a gugud’upa na na.

Nehemi 9:23

Ang zuluzi grozina d’igi tchitchiud’a na, ang kalazi yam ambas sa ang de kat ala ang mba hat mabuyozi á te kad’u d’a.

Buzuk ka Abud’a 32:13

Ang djib’er yam Abraham azi ki Isak ki Israel, azungeî mang suma ang dazi ala: An gun tan ki an tanda, an mba ni zulugi andjavagi d’igi tchitchiud’a na, an mba ni hazi andaga d’a pet ta an de kata, azi mba tat djona burâ ki burâ na.

Isai 48:19

Grogi suma kurugina a mba zulî d’igi lesâ na, grogi ngolona a mba zulî d’igi les ma avun alum ma ngolîna na mi. An mba ni hazazi simiyêzi woi d’i, d’oze an mba ni tchazi simiyêzi woi avoron nduo mi.

Jeremi 32:22

Ang haziya wa ambas sa ang gun tang kat mabuyozi ngolo á hazizid’a. Nambas sa ambira ki mbul ayuma a nga sor kä kuad’a mi.

Jeremi 33:22

D’igi sana mi ndak á ndum ahle suma akulona d’oze mi ndak á nga les ma avun alum ma ngolîna d’uo na, an mba ni zul andjafâ hazong mana David-na ki suma hi Levi suma a lan sundina ni hina dedege mi.

Wana ni mbaktumba hi Oze-d’a 2:1

Ma didina mi de kua ala: Hina pet pî, Israel-lâ a mba zul d’igi les ma avun alum ma ngol ma sa ndak á ngam mboze á ndumum mbuo na na. Ata yima a mba dagi ala: agi nga ni sum mana d’uo na, a mba dagi ala: Agi nAlo ma bei matna groma.

Mise 1:9

Ka d’a a ka azì ma ngol ma Samari-na mbilîd’a, mbil mama mi mbut ni mbil ma bei tchila gak mi i yam ambas sa Juda-d’a, gak mi i avun agrek ma Jerusalem-ma ata yima sum mana a nga kaka kuana.

Romê-na 4:13

Vun ma hle ma Alona mi hle vunam mi Abraham kandjavam ala andaga d’a wanda mba d’i arî d’igi djo mazina na d’a, ni yam mba Abraham mi ge yam kä ad’u gata hi Moise-sa d’i, wani ni yam he gagazi mamba.

Romê-na 9:27

Isai mi de ki delem akulo yam Israel-lâ ala: Ndumba hi gro Israel-lîd’a, ti le ni d’igi les ma avun alum ma ngolîna na pî, nad’uzi d’a ara ba, a mba fe suta.

1 Korente-na 15:57

Wani mersi mAlo ma hei ad’enga á kusa zlapa ki Saleina Jesus Christ-sâ.

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

Gat ta a hat á mbàd’id’a 1:10

Ma didina Alo magina mi zulugiya wa. Agi zulugi ini ablaud’a d’igi tchitchiu d’a akulod’a na.

Gat ta a hat á mbàd’id’a 1:11

Ar Ma didina Alona habuyogi ngolona, mi zulugi avogovok kam kua dudubu, mi b’e vunam kagi d’igi mi hlagi vunam na.

Gat ta a hat á mbàd’id’a 10:22

Abuyogi ngolo suma a i Ezipte-na ablawazi ni dok kid’iziya. Ki tchetchemba, Ma didina Alo magina mi zulugi andjavagi d’igi tchitchiud’a na.

Gat ta a hat á mbàd’id’a 13:17

Ar agi hlagi ahle suma agi b’lagazi woina abogi d’i, kayambala Ma didina hurum vat tei kur ayî mam ma bibiliuna d’a. Le agi gagi yagi kä ad’u zlad’a hi Ma didina Alo maginid’a, le agi ngomogi vun ma he mama pet ma an hagizi inina, le agi lagi sun nda d’ingêra avok Ma didina Alo magina ni, mam mba mi wagi hohowogiya, mba mi zulugi ablaud’a d’igi mam hle vunam mabuyogi ngolo na mi.

Gat ta a hat á mbàd’id’a 21:19

a vum a i ki sed’em gen suma nglo suma hur azì mámina, avun agre’â hazì ma mam nga kaka kuana.

Hebre-na 11:12

Kayam ndata, ata sama tu ma mi mbut d’igi sama matna na na, andjavam zul grona ablaud’a d’igi tchitchiu d’a akulod’a na, d’igi les ma avun alum ma ngol ma sana mi ndak á ndumum mbuo na na mi.

Hebre-na 6:14

Mi dala: Gagazi, an mba ni b’e vunan kangû, an mba ni zulung andjavang mi.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.