Ad’u Tinda 22:14 - Bible azumeina

¹⁴ Abraham mi yi yi máma ala Ma didina nga mi he. Kayam ndata gak ini suma a nga dala: Ni yam ahinad’a hi Ma didinid’a ba, mam mba mi he.

Ad’u Tinda 22:14 ပူးပေါင်းရင်းမြစ်များ

Ad’u Tinda 22:13

Abraham mi hle iram akulo, mi gol blogomu, mi we gamlâna nga tchola adivim nga haka aduk azlupa, mi vumu, mi ngad’am balum goroma Isak.

Ad’u Tinda 22:15

Malaikana hi Ma didinina mi yï Abraham akulo kua yam á mbàd’a,

Ad’u Tinda 22:8

Abraham mi hulong dum ala: Gorona, Alona tamba mba mi hei ini gor timina á ngata. Azi djak a nga i ad’u taziya.

Ad’u Tinda 28:19

Mi yi yi máma ala Betel. Adjeu a yi yi máma ala Lus.

Ad’u Tinda 32:30

Jakob mi yi yi máma ala Peniyel, kayam mi dala: An wAlona ki iranu, an nga karid’a mi.

1 Amuleina 17:8

Ata yi máma Ma didina mi de mi Elie ala:

Buzuk ka Abud’a 17:15

Moise mi min yima ngal ahle suma ngat buzuna, mi yum ala: Ma didina ni Bangâ mana.

Ezekiyel 48:35

Gulumun ma ngui azì ma ngol mámina, fiyagam pet ni metred’a 9000. Ar avok hî a mba yi azì ma ngol máma ala Ma didina mi nga kaka ka hî.

Mise 4:10

Agi tchagi tata abo ndaka, agi zamagi tagi d’igi atcha d’a ti nde vutid’a na, agi buzugugi woi kur azì ma ngolâ, agi i kagagi sä abageya, agi igi gak Babilon. Ata yi máma Ma didina mba mi prud’ugi woyo, mba mi prud’ugi woi kua abo magi suma djangûna.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Suma ka sariyad’a 6:24

Zedeyon mi min yima ngal ahle suma ngat buzuna mi Ma didina ata yi máma. Mi yi yi máma ala Ma didina ni halasa. Yi máma mi nga gak ini avo Ofra d’a hi Abiyezer-ra.

1 Samuel 29:10

Ki tchetchemba, ang ki suma a mba ki sed’engâ, agi tchologi yorogo tcholol; le yina fo ni, agi igiya.

1 Samuel 7:12

Samuel mi hle ahinad’a, mi pat aduk Mispa ki Sen, mi yat ala Ebenezer, mi dala: Gak ini Ma didina nga mi ndjuniya.