Ad’u Tinda 22:12 - Bible azumeina

¹² Malaikana mi hulong dum kua ala: Ang tin abong ata gorongâ d’i, ang lum va d’uo mi. Ki tchetchemba, an wala ang nga le mandara Alona, kayam ang d’elen nga gorong ma tu gid’engâ bei hed’a d’i.

Ad’u Tinda 22:12 ပူးပေါင်းရင်းမြစ်များ

Ad’u Tinda 20:11

Abraham mi hulong dum ala: An djib’er ala suma ka hina a nga le mandara Alona d’i, a mba tchan yam amanda.

Ad’u Tinda 22:13

Abraham mi hle iram akulo, mi gol blogomu, mi we gamlâna nga tchola adivim nga haka aduk azlupa, mi vumu, mi ngad’am balum goroma Isak.

Ad’u Tinda 22:16

mi dum ala: Ma didina nga mi dang ala: Kayamba ang le hina ang d’elen nga gorong ma tu gid’engâ d’uo d’a, an gun tan ki an tanda,

Ad’u Tinda 22:2

Alona mi dum kua ala: Ang ve gorongâ Isak ma tu gid’eng ma ang le kam heîna, ang i yam ambas sa Moriya-d’a, ang handji vama ngat buzu ma ngala yam ahina d’a an mba ni tagangzid’a.

Ad’u Tinda 26:5

kayam Abraham mi humun vunanu, mi ge yam kä ad’u zla manda ki vun ma he mana ki zla man nda an dumzid’a ki gat manda mi.

Ad’u Tinda 42:18

Kur bur ma hindina Josef mi dazi ala: An ni sama le mandara Alona; le agi min sud’ugi tagiya ni, agi lagi hina.

Nehemi 5:15

Wani suma a mba a te yam suma avorona a tin aneka yam suma, a nga tar avungôna ki süm guguzlud’a aboziya, burâ ki burâ a nga ve bege d’a hapa abozi dok fid’i dok fid’i; azungeî mazina pî, a nga hazi ndaka mi. Wani yam mandara Alona, an le nga hina d’i.

Wana ni mbaktumba hi Job-pa 1:1

Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na.

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Wana ni mbaktumba hi Job-pa 5:19

Mba mi sud’ung ngei kur ndaka yam karagaya. Le ndaka mba kang yat kid’iziya pî, mba d’i dong nguo mi.

Sawal la giled’a 1:6

Ma didina nga mi ngom suma d’engzengâ kur tit mazid’a, wani suma asa’atna a i ni kur bad’a.

Sawal la giled’a 111:10

Le mandara Ma didina nad’u tinda hi ned’id’a. Suma pet suma a nga le hina na ni suma a nga ki djib’er ra djivid’ina. Ar suma a gilem gak didin!

Sawal la giled’a 147:11

Ma didina tam nga d’i lum djivid’a ni yam suma a nga lum mandarama, ni yam suma a tin huruzi yam o mam mba didindina mi.

Sawal la giled’a 2:11

Agi lagi sunda mi Ma didina ki mandarâ, agi lagi furîd’a, agi zlagagi avorom mi.

Sawal la giled’a 25:12

Sama mi le mandara Ma didinina, ni Ma didina ba, mi tagam lovot ta mbeî mi manata.

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

Buzuk ka Abud’a 20:20

Moise mi de mi Israel-lâ ala: Agi lagi mandar ri, kayam ni vama kuka kagi ala Alona mi mba ni kayambala agi lum mandaram tala agi lagi tchod’a d’uo d’a.

Zla d’a d’ogolâ 1:7

Le mandara Ma didina nad’u tinda hi wad’ud’id’a. Suma lilid’a a nga gol ned’a ki hata is.

Ma tchi wala 12:13

Zlad’a hi suma ned’id’a ni d’igi kawei ma vunam feta ma a hat kamuzleinina na, ni d’igi ponde ma a b’alam kä ad’enga ngingina na. Zla ndata ni zla d’a ti ndeï avun Ma pol ma tunid’a.

Jeremi 19:5

Azi min yina akulo ata yima ndingâ mi Bäl á hum grozina he d’a hawa d’a ngala. Nahle suma an he nga vuna kazi d’oze ni de nga zla kazi d’oze a tcholï nga nata djib’er manda d’uo na mi.

Jeremi 32:40

An mba ni djin vun Ma djin ma didina ki sed’eziya, an mba ni wal lei ki sed’ezi d’i. An mba ni lazi djivid’a, an mba ni kal mandar mana kuruziya, kayambala azi wal lei ki sed’en nduo d’angû d’a.

Matiye 16:24

Ata yi máma, Jesus mi de mi mam suma hata ala: Le sana mi min á tit ad’unu ni, ar mi noî tamu, mi hlagu mam ma b’ala kamu, mi tit ad’unu.

Matiye 19:29

Nge nge pî ma ar aziyam mbei d’oze b’oziyom suma andjuveina d’oze b’oziyom suma aropma d’oze abum mboze asum mboze groma d’oze asinem mbei yam an na, mba mi fe yam vama lara pî kikis, mba mi fe ari d’a didinda mi.

Matiye 5:16

Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Sunda hi suma a sunuzinid’a 9:31

Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Romê-na 5:8

Wani Alona mi tagei o mam mba keid’a woi ala kid’a ei ni suma le tchod’a tua d’a, Christ mi mit keya.

Romê-na 8:32

Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge?

1 Korente-na 10:13

Kuk ka lara ge pet ta nga d’i kugugid’a nandjaf kuk ka nga d’i kuk sumid’a mi. Alona ni Ma d’engzengâ, mba mi ar kuka kal yam ad’eng magid’a d’i, wani kur kuka, mba mi hagi lovota á ndagi woi kur á vagi tagi ad’enga.

2 Korente-na 8:12

Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

Hebre-na 11:19

Abraham mi djib’er ala Alona mi ndak á tchol sana akulo aduk suma matna. Ni kayam ndata ba, mi hulong mi fe Isak d’igi sama tchol akulo aduk suma matnina na.

Hebre-na 12:28

Kayam ndata, ei suma kalei kur leu d’a bei gigeta na d’a, ar ei lei mersi mAlona kayam ndata. Ar ei kud’orei Alona ki kud’or ra lum tam djivid’id’a ki mandarâ ki zlaka,

Jacques 2:18

Wani sama dingâ mba mi dala: Ang nga ki he gagazid’a, wani an nga ki sunda. Ata yi máma, an mba ni hulong dum ala: Ang tagan he gagazi mang nga bei sunuta, wani sun manda mba d’i tagang he gagazi manda.

Vama ndum mbeina 19:5

An hum dela ti tcholï ata yima zlam mba amula, ti dala: Agi azungeî mama pet suma lum mandaram suma nglona ki gugureina, agi gilegi Alo meina.

1 Samuel 15:22

Samuel mi dum ala: Na ni Ma didina tam mbi lum djivid’a yam he d’a hawa d’a ngala ki vama ngat buzuna kal ge yam mba kä ad’u zla mambid’a zu? Nga na d’i! Wani ge yam mba kä d’a kal ahle suma ngat buzuna; hum vun Alona kal ahok suma mbul suma a ngad’amzina.