Ad’u Tinda 21:1 - Bible azumeina

¹ Ma didina mi djib’er yam Sara d’igi mam dadjeu na, mi le ki sed’et d’igi mam de na.

Ad’u Tinda 21:1 ပူးပေါင်းရင်းမြစ်များ

Ad’u Tinda 17:16

An mba ni b’e vunan kad’u, an mba ni hang gorâ ki sed’ed’u; an mba ni b’e vunan kad’u, mba d’i vut andjaf suma ablauna; andjaf amuleina ablaud’a a mba buzugï ni kurud’u.

Ad’u Tinda 17:19

Alona mi de mi Abraham ala: Nga na d’i! Amanga Sara mba d’i vut gor mandjufâ, ang mba yum ala Isak. An mba ni djin vunan ki sed’em kandjavam ma blogoma; ni vun man ma djin ma didina.

Ad’u Tinda 17:21

Wani an mba ni djin vunan ki Isak ma Sara mba d’i vud’ungzi dama hina dedegena.

Ad’u Tinda 18:10

Ma dingâ tu adigazi mi dum ala: Gagazi, an mba ni hulongî dama hina dedege wani, amanga Sara mba d’i vut gorâ. Wani Sara ti nga avun zlub’ud’a blogomu, ti huma,

Ad’u Tinda 18:14

Na ni vama hle Ma didina abod’ina nga zu? An hulongî avo hatang dama hina dedege wani, Sara nga ki gorâ abod’u.

Ad’u Tinda 24:36

Sara atchad’a hi salana Abraham-mba, ti vud’um gorâ ki mamarad’u; mam hum ahle mama pet abomu.

Ad’u Tinda 50:24

Josef mi de mi b’oziyoma ala: An nga ni mit ni mid’a; wani gagazi, Alona mba mi mba á ndjunugiya, mba mi yogi woi ka hî á hulongôgi kur ambas sa mam hle vunam kat ki gun tad’a mi Abraham, mi Isak ki Jakob-pa.

2 Amuleina 4:17

Wani atcha ndata ti ve wirâ, tcha dama blangâtna hina dedege ti vut gorâ d’igi Elise mi dat na mi.

Sawal la giled’a 106:4

Ma didina, ata yima ang we hohowa sum mangîna, ang djib’er kanu; ata yima ang sud’uzina, ang ndjunun

Sawal la giled’a 12:6

Ma didina mi dala: Ki tchetchemba, an nga ni tchol akulo á sut suma suma a nga golozi isâ, kayam a nga las suma hohoud’a, suma houd’a a nga zam tazi mi.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Buzuk ka Abud’a 3:16

Ang i tok suma nglo suma Israel-lâ, ang dazi ala: Ma didina, Alona habuyogi ma nde tam mbei irana, Alona hi Abraham-ma, Alona hi Isa’â, Alona hi Jakob-ma, mi dan ala: An mba á ndjunugi gagazi, kayam an wahle suma suma a nga lagizi avo Ezipte-na.

Buzuk ka Abud’a 4:31

Sum ndazina a he gagazid’a, a wala Ma didina mi mba wa gevezi á ndjunuziya, mi wazi wa ndak mazid’a. A tchuk guguvazi kä, a kud’uromu.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Wana ni Zla d’a Djivi d’a Luc mi b’irita 1:68

Ar ei gileigi Ma didina Alona hi Israel-lîna, kayam mi djib’er yam sum mama á wurak kaziya.

Wana ni Zla d’a Djivi d’a Luc mi b’irita 19:44

Azi mba b’lagagi woi ki sum magina pet, a mba ar ahina yam ndrat akulo d’i, kayam me agi wagi nga bur ma Alona mi mba á ndjunugina d’i.

Galat-na 4:23

Wani ma magomba vud’uma ni ata minda hi sanid’a, wani ma gor vuta vud’uma, a vud’umî yam vun ma hled’a hAlonina.

Galat-na 4:28

Kayam ndata, b’oziyona, agi ni gro suma yam vun ma hled’a hAlonina d’igi Isak na.

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.

Wana ni mbaktum mba a b’irit yam Rut-ta 1:6

Naomi ti hum sä Mowap ala: Ma didina mi we wa hohowa sum mama, mi hazi wa tena ngola mi. Ata yi máma ti min tat á hulong yam ambas mata kakuniyôtna.

1 Samuel 1:19

Tcha yorogod’a Elkana ki sum mama a i grif kä avok Ma didina, a hulong avo hatazi Rama. Elkana mi zlap kamamba Anne. Ma didina mi hum tchen mata.

1 Samuel 2:21

Ma didina mi djib’er yam Anne, ti vut gro andjofâ kua hindi, gro aropma mbà mi. Wani Samuel nga mi wul avok Ma didina.