Ad’u Tinda 20:7 - Bible azumeina

⁷ Ki tchetchemba, ang hulong atchad’a hi sa mámid’a. Kayam mam mi ma djogon vunana, mam mba mi tchenen kangû, wani va mba mi lang ngi. Le ang hulongômzi nga d’uo ni, ang wala ang mba mit ki sum mangâ pet.

Ad’u Tinda 20:7 ပူးပေါင်းရင်းမြစ်များ

Ad’u Tinda 12:15

Suma nglo suma sunda hamulâ Faron-na a wad’u, a yorot zlat avoromu, a vat it avo hatamu.

Ad’u Tinda 12:17

Wani Ma didina mi tum Faron ki suma avo hatama kandjaf tugud’eid’a teteng, kayam mi ve Sarai atchad’a hi Abram-mba.

Ad’u Tinda 2:17

wani ang te vud’agu ma tak we djivid’a ki tchod’ina d’i. Bur ma ang le tum wa ni, ang mba mid’a.

Ad’u Tinda 20:18

Kayam adjeu Ma didina mi b’al arop suma avo hi Abimele’â gendreged’a, kayam mi ve Sara atchad’a hi Abraham-mba.

Ad’u Tinda 20:3

Wani Alona mba mi de mi Abimelek adïd’a andjege ala: Ang mba mit kayam atcha d’a ang vata, kayam ndat natchad’a hi sanid’a.

Ad’u Tinda 20:8

Abimelek mi nde yorogo tcholol, mi yi azungeî mama pet, mi dazi zla ndata pet; azi le mandarâ ngola.

Ad’u Tinda 23:6

Sama ngolâ, ang humumiya. Alona mi tining ngola adigamiya; ang tos mat mangâ kur zul mami d’a djivi d’a kala; sama adigami ma mba mi d’eleng yam zul mamba á tos mad’amanga kuana nga d’i.

2 Samuel 24:17

Ata yima David mi we malaika ma nga mi tchi sumina, mi de mi Ma didina ala: Gola! Ni an ba ni le tchod’a! Ni an ba ni so vuna! Wani sum ndazina a le ni me ge? Ar ang ngobon ni an ki sum mana.

1 Amuleina 13:6

Atogo hina zak amulâ mi de sana hAlonina ala: Ang tchen Ma didina Alo mangâ mi vat hurum mbei kanu, mi mbud’un abon blangâm ma adjeuna. Sana hAlonina mi tchen Ma didina; amulâ abom mi mbut blangâm ma adjeuna mi.

2 Amuleina 5:11

Wani Näman hurum zala, mi ge tam mi iya, nga mi dala: An djib’er ala ma djok vun Alona mi ndeï ini woi avo hatam á mba gevenu, mba mi tchen Ma didina Alo mama, mba mi tin abom ata yan ma mbilâ ba, libi mana mba mi yak keyo.

1 Sunda Hamuleinid’a 16:22

Mi dazi ala: Agi dogi man suma an manazina d’i. agi lagi man suma djok vuna vama tcho d’uo mi.

2 Sunda Hamuleinid’a 30:18

Ablau suma a mbut nga tazi yed’et tuo na, ngolozi ni suma hi Efraim-ma, suma hi Manase-na, suma hi Isakar-râ ki suma hi Zabulon-na. Wani a te nga Pa’â ata yam d’igi a b’ir kur gata na d’i. Kayam ndata, Ezekiyas mi tchen Alona kazi ala: Ang Ma didina ni Ma djivina. Ar ang vat hurung ngei

Wana ni mbaktumba hi Job-pa 34:19

Alona nga mi man sana yam ngol mamba d’i, nga mi wal ir sama ndjondjoîna ki sama houd’a d’uo mi, kayam azi djak ni sun nda mam lat kabomba.

Wana ni mbaktumba hi Job-pa 42:8

Ki tchetchemba, agi i yogï amuzleina kid’iziya ki gamlâna kid’iziya mi. Agi igi gen azong mana Job, i hagizi he d’a hawa d’a ngala. Azong mana Job mba mi tchen kagiya; an mba ni humumu, an mba ni lagi tchod’a yam lili magid’a d’i, kayambala agi dagi nga zla d’a gagazid’a kan d’igi azong mana Job na d’uo d’a.

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

Buzuk ka Abud’a 18:17

Moise akunoma mi dum ala: Ahle suma ang lazi wana nga djivi d’i!

Buzuk ka Abud’a 4:16

Mam mba mi vrak blangâng á de zlad’a mi suma, mam mba mi mbut vunangû; ang mba vrak blangân an Alona á dum zlad’a mi.

Buzuk ka Abud’a 7:1

Ma didina mi de mi Moise ala: Gola! An mba ni vragang blangân avok Faron, wiyengâ Aron mba mi djogong vunang ngeyo.

Jeremi 14:11

Ma didina mi dan ala: Ar ang tchenen yam sum ndazina ala an lazi djivid’a d’i.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 27:18

Jeremi mi de kua ala: Le azi ni suma djok vun suma gagazina, le Ma didina mi hazi zla mamba abozi gagaziya ni, ar a tchen Ma didin ma ad’engêm kal petna ka tchetchem ala ar ahle suma ar kur gong mam mba kud’orina kahle suma kur azì ma amula hamul ma Juda-na ki suma kur Jerusalem-ma, ar a yozi a i ki sed’ezi Babilon ndi.

Ezekiyel 3:18

Le an de mi sama asa’atna ala: Ang mba mit gagazi, le ang gum nga humam yam zla ndata d’uo, le ang ge nga ma asa’at máma humam tala mi ar tit mam mba tchod’a woi á sut tam mbuo d’a ni, mba mi mit kur sun mam mba ata yat tuo d’a, wani an mba ni djobom mad’am natang angû.

Ezekiyel 33:8

Le an de mi sama asa’atna ala: Ang mba mit gagazi, le ang gum nga humam á mbut hurum yam tit mamba d’uo ni, mba mi mit kur sun mam mba ata yat tuo d’a, wani an mba ni djobom mad’am natang angû.

Sunda hi suma hi Levi-nid’a 6:4

Bugola, mi fok baru mama woyo, mi tchuk baru ma dingâ atam á yo butna á tchugum mbei bugol kangâ ata yima a tinim iram vam á tchuk butna kuana.

Sunda hi suma hi Levi-nid’a 6:7

Ma didina mi de kua ala: Wana ni gat ta yam he d’a hawad’a hafutid’a: Ar Aron groma a hat mi an Ma didina ni azi avok yima ngal ahle suma ngat buzuna.

Sunda hi suma a sunuzinid’a 8:24

Simon mi hulong dum ala: Agi tchenegi Salad’a kanu, kayam ahle suma agi dazi wana a mba kan ndi.

1 Korente-na 14:4

Sama nga mi de zlad’a ki vuna hi suma tetengâ, mi wulî he gagazi mamba tata akulo. Wani sama nga mi djok vun Alonina, mi wulî he gagazi d’a hed’a hi suma Tokid’a pet akulo.

Hebre-na 1:1

Adjeu Alona mi de zlad’a yam ablaud’a mabuyoi ngolo ki lovod’ot teteng navun mam suma djok vuna.

Hebre-na 13:4

Ar tela ti ka’î vama hud’a avok suma pet. Ar atchad’a ki ndjuvut a ka’î suma d’engzengâ aduk taziya, kayam Alona mba mi ka sariyad’a yam suma e’eûd’a ki suma mizeuna.

1 Jean 5:16

Le sana mi we wiyema mi le tcho d’a ndak á im kur matna d’uo d’a ni, mi tchen Alona kamu. Hina wani, Alona mba mi hum arid’a, nala, nga mi he arid’a mi suma le nga tcho d’a ndak á izi matna d’uo d’a. Wani tcho d’a le d’a ding nga ndak á i sana kur matnid’a ti nga. Ni kayam ndata ba, an nga ni dala: Ar mi tchen Alona kad’u d’i.

1 Samuel 12:19

a de mi Samuel ala: Ang tchen Ma didina Alo mangâ yam ami azungeî mangâ, kayam ami bomi woi d’i; ami lami tcho d’a ngola yam ndrata kua, kayamba ami halami amulîd’a.

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.

1 Samuel 7:5

Samuel mi he vuna ala: Agi togogi Israel-lâ pet avo Mispa. An mba ni tchen Alona kagiya.

1 Samuel 7:8

a de mi Samuel ala: Ang ar bei tchen Ma didina Alo meina kei d’i, kayam mi sud’i woi abo suma Filistê-na.