Ad’u Tinda 20:5 - Bible azumeina

⁵ Ni mam ba, mi dan ala ndat ni wiyemba d’uo zu? Ndat pî ti dan ala mam mi wiyetna mi. An lahle ndazina nata lovod’oziya, abon do nga vama tcho d’i.

Ad’u Tinda 20:5 ပူးပေါင်းရင်းမြစ်များ

Ad’u Tinda 12:13

An nga ni dagu, ndak dazi ala nda’î wiyenda, kayam azi lan djivid’a kagu. Hina wani, azi mba aran bei tchid’a kagu.

Ad’u Tinda 20:13

Wani kid’a Alona mi walan ndei kazina habunid’a, an de mamanda Sara ala: Djivi d’a ndak mba lat ki sed’enda ba wana: Ata yima lara ma ei i kuana, ndak dala an ni wiye’â.

Ad’u Tinda 20:16

Abimelek mi de mi Sara ala: Gola! An hé beged’a dubu mi wiye’â; beged’a ni vama zlup yam zulo ma’â ir suma pet suma ndak nga ki sed’ezina; kayam ndata, nda’î atchad’a bei zla d’a kaka.

1 Amuleina 9:4

Wani le ang nga tit avoron ki hurung tu d’ingêr d’igi abung David na, le ang nga lahlena pet suma an hang vuna kazina, le ang nga ge yang kä ad’u gat man nda tetenga ni,

2 Amuleina 20:3

Ma didina, ang djib’er yam tit ta an nga ni tit avorong memet ki hur ma tuna burâ ki burîd’a; an nga ni le sun nda djivid’a avorong burâ ki burâ mi. Ezekiyas mi tchi ngola.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Wana ni mbaktumba hi Job-pa 33:9

An ni ma yed’etna, an tchila nga d’i, zla nga kan ndi, tcho nga kurun nduo mi.

Sawal la giled’a 24:4

Ni sama abom nga mi do vama tcho d’uo na, ni sama hurum yed’etna, ni sama nga mi he tam yam ahle suma hawa ya’â d’uo na, ni sama bei gun tam ir gurzula ba na.

Sawal la giled’a 25:21

An tin hurun ni kang angû; ang ngomon kur d’engzenga ki d’ingêra.

Sawal la giled’a 26:6

An mbuza wa abon ndei á tak kei ala zla nga kan ndi. Ma didina, an nga ni ngui yi mang ma ngal ahle suma ngat buzuna

Sawal la giled’a 7:8

Ar andjaf suma pet a tok nguyungû, ar ang kak yam zlam mang nga amula, ang te kazi akulo.

Sawal la giled’a 7:9

Ma didina, ang ka sariyad’a yam andjaf suma; Ma didina, ang le glangâsâ yam d’ingêr manda, yam vama abon dom nga d’uo na mi.

Sawal la giled’a 73:13

Gagazi, an mbut tan yed’et á tak kei ala zla nga kan nduo ni wal tan ndei ki tchod’a ni hawa na yak!

Sawal la giled’a 78:72

David mi polozi ki hur ma tuna, mi polozi ki d’alâ mi.

Zla d’a d’ogolâ 11:3

Suma iratna d’ingêr mazid’a nga d’i tagazi lovota, wani suma mbut ira a nga ba woi kur sun mazi d’a ata yat tuo d’a.

Zla d’a d’ogolâ 20:7

Sama d’ingêr ma nga mi tit kur d’engzeng mambina, grom suma a mba ar blogoma a mba fe djivid’a!

Daniel 6:22

Gagazi, Alo mana mi sunï malaika mama á duk vun azlona! Mi lan nga vama tcho d’i, kayam an le nga vama tcho avorom mbi, an le nga vama tcho avorong ang nguo mi.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

1 Tasaloni’â 2:10

Agi kAlona ni suma glangâs mamina, agi wagi ala tit mami d’a adigagi agi suma hagi gagazid’ina ni yed’et, ni d’ingêra bei zlad’a kami ba mi.

1 Timote 1:13

Adjeu an ni ma las Alona, ni ma djop vun suma, ni ma ngul suma mi. Wani Alona mi wan hohowonu, kayam an le hina ni bei wed’a, bei he gagazid’a mi.

Josue 22:22

Alona, Alona, Ma didina, Alona, Alona, Ma didina! Mi we, agi Israel-lâ, agi wagi mi. Le ami lami ni sun nda ata yat tuo d’a, le ami tchilami ni yam gata avok Ma didina ni, ar mi sud’umi kur bur ma wana d’i.