Ad’u Tinda 2:7 - Bible azumeina

⁷ Ata yima Ma didina Alona mi min sana kandaga d’a gugud’upina, mi fom muzugam ma he arid’ina atchinamu, sa máma mi mbut sama arina.

Ad’u Tinda 2:7 ပူးပေါင်းရင်းမြစ်များ

Ad’u Tinda 1:27

Hina Alona mi le sana d’igi mam na, mi lum hle tam d’igi mam na; mi le mandjufâ katchad’a mi.

Ad’u Tinda 2:6

Vana nga mi d’us akulo yam andagad’a d’igi andosâ na, mi lab’at yad’u.

Ad’u Tinda 3:19

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

Ad’u Tinda 3:23

Kayam ndata, Ma didina Alona mi digim mbei kur asine ma Eden-na, kayam mi zum andaga d’a mi lum ki d’a.

Ad’u Tinda 7:22

Ahlena pet suma a nga muzuk katchinazi suma a nga yam andagad’ina pet, a bo woyo.

Wana ni mbaktumba hi Job-pa 27:3

Ata yima an nga ni fona, ata yima muzuka hAlonid’a ti nga atchinan tua na,

Wana ni mbaktumba hi Job-pa 33:4

Ni Muzu’â hAlonina ba, mi lanu, ni muzuka hi Ma ad’engêm kal petnid’a ba, ti han arid’a mi.

Wana ni mbaktumba hi Job-pa 33:6

Gola! Avok Alona an ni d’igi ang na, a lan ni ki lubu ma ab’lorina d’igi ang na mi.

Wana ni mbaktumba hi Job-pa 4:19

mba mi fe tchod’a ata suma a nga kaka kur azì ma andagad’ina kal luo zu? Azi ni sumala a tcholï naduk andaga d’a gugud’upa suma a nga hazlazi woi d’igi ndjuvul ma gureina na na!

Sawal la giled’a 100:3

Ar agi wagi ala Ma didina nAlona. Mi lei ni mamu, ei ni sum mama, ei nades tumiyô mam suma mi poleina.

Sawal la giled’a 103:14

Mi we vama mi lei ki na, mi djib’er ala ei nandaga d’a gugud’upa.

Zla d’a d’ogolâ 20:27

Muzu’â hi sanina ni lalamba hi Ma didina d’a nga d’i fek hur sana fefeka.

Ma tchi wala 12:7

Ang mba le mandarâ abo ahle suma fuyogeina, ang mba le mandarâ abo ahle suma gloveina, tumuzung mba d’i mbut hapa d’igi b’od’a hagu amandenid’a na, ang mba gal d’igi djer ra ndjongâ na d’uo d’a, zlezleû manga mba d’i dap pei mi. Kayam sana nga mi i ata yam ma kak ma didina, suma tchina a mba tit ir palumba mi.

Ma tchi wala 3:7

yima haû woina mi nga, yima dupa mi nga mi; yima bei de zlad’a mi nga, yima de zlad’a mi nga mi;

Isai 2:22

Agi tinigi hurugi yam sama nga mi muzuk katchinama d’uo d’a. Sana zlamî zla me ko ge?

Isai 64:8

Ma didina, ar hurung zal kal lei kang ngi, ar ang djib’er yam tcho mamid’a teteu d’uo mi. Ar ang wami ala ami pet ni sum mangâ.

Hor ma tchina 4:20

Ma ei nga ki arid’a kama, ni ma Ma didina mi manam mi tinim amulina, ni mam ba, ei nga dei kam ala ei nga ni kaka ad’u anguzumu, ei mba kagei aduk andjaf suma kamu na, gola, a vum wa ki dau mazina!

Ezekiyel 37:5

Ma didina mi de masok ma wana ala: Gola! An mba ni mba ki muzu’â kurungû, ang mba zlit akulo.

Ezekiyel 37:6

An mba ni mba ki sideina atangû, an mba sang hliwingû, an mba ni zlubung babaka atangû, an mba ni hang muzu’â, ang mba zlit akulo, ang mba wala an ni Ma didina.

Zakari 12:1

Wana ni zla d’a Ma didina mi ngop ki Israel-lîd’a: Ma didin ma b’eng akulod’a ma gäd’u andagad’a ma le muzu’â kur sanina, mi dala:

Ndumba 16:22

Moise azi ki Aron a grif kä andaga ki iraziya, a dala: Alo mamina, angî ma he arid’a mi suma petna, sama tuna mi le tchod’a ni mamu; ang hurung zal yam ablaud’a hina pet tchu?

Ndumba 27:16

Ma didina, angî Alo ma he arid’a mi suma petna; ar ang tin sana yam ablaud’a.

Jean 20:22

Kid’a mi de hina d’a, mi fo muzugam kaziya, mi dazi ala: Agi vagi Muzuk ma bei tchod’a ba na kurugiya.

Sunda hi suma a sunuzinid’a 17:25

Nga mi min suma á ndjunum mbi, kayam nga mi kid’ak va d’i, kayam mam mi ma he arid’a mi sumina, mi hazi muzuka kahlena pet mi.

Romê-na 9:20

Wani ang sana, angî nge ba, ang hulong zla d’a ded’a mAlona ge? Deina mba mi de mi sama minima ala: Ni kayam me ba, ang minin hina ge zu?

1 Korente-na 15:45

Kayam mbaktumba hAlonid’a ti dala: Adam mi sama avo’â, Alona mi mbud’um sama arina, wani Adam ma danana ni Muzuk ma mi he arid’a mi sumina.

1 Korente-na 15:47

Adam ma avo’â, Alona mi lumî kandaga d’a gugud’upa, wani Adam ma mbàna mi tcholï nakulo.

2 Korente-na 4:7

Wani ami ni d’igi dei ma lubu ma nga mi zi ndjondjoîd’a hAlona d’a wanda kuana, á tak kei tetet ala ad’eng nga kal papa ndata ti tcholï nata Alona, nga nata ami d’i.

2 Korente-na 5:1

Ami wami ala le zlub’u mami d’a yam andaga d’a ka hid’a ti b’lak keyo ni, Alona nga mi ngomomi yami ma kak ma sä akulona, ni ma mam tam minima, ni ma mba mi kak didina, ni ma sa mi minima d’i.

1 Timote 2:13

Kayam Alona mi le ni Adam adjewe, bugol mi le Ef.

Hebre-na 12:9

Ei djib’erei yam abuyoi suma kur duniyad’a ka hina: Azi nga gad’eya, ei nga gei yei kä avorozi mi. Ei ndak á gei yei kä avok Abui ma sä kur akulod’ina á kagei karid’a kal luo zu?