Ad’u Tinda 2:17 - Bible azumeina

¹⁷ wani ang te vud’agu ma tak we djivid’a ki tchod’ina d’i. Bur ma ang le tum wa ni, ang mba mid’a.

Ad’u Tinda 2:17 ပူးပေါင်းရင်းမြစ်များ

Ad’u Tinda 2:9

Ma didina Alona mi deî andjaf agu ma lara ge pet ata yi máma; djivid’a á gola, djivid’a á ted’a mi. Mi deî agu ma he arid’a aduk asinena, kagu ma tak á we djivid’a ki tchod’ina mi.

Ad’u Tinda 20:7

Ki tchetchemba, ang hulong atchad’a hi sa mámid’a. Kayam mam mi ma djogon vunana, mam mba mi tchenen kangû, wani va mba mi lang ngi. Le ang hulongômzi nga d’uo ni, ang wala ang mba mit ki sum mangâ pet.

Ad’u Tinda 3:11

Ma didina Alona mi djobom ala: Sama mi dang ala: Angî gandilad’a na ni nge ge? Na ni ang te ni vud’agu ma an dang ala: Ang tum mbuo na zu?

Ad’u Tinda 3:17

Bugola, mi de mi Adam ala: Ang hum wa vun amanga, ang te wa vud’agu ma an dang kam ala: Ang tum mbuo na. Kayam ndata, an mba ni gandagad’a vuna ni kayam angû; ni ki ndaka tua ba, ang mba fe ki tena gak mat mangâ.

Ad’u Tinda 3:19

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

1 Amuleina 2:37

An nga ni dang ngei avogo, bur tu le ang nde woi kur Jerusalem, ang djak toliyon nda Kedron-nda ni, an mba ni tchangû. Zla ndata ni kang angû.

1 Amuleina 2:42

mi sun mi yumï gevemu, mi djobom ala: An zud’ung á gunun tang avok Ma didina ala ang nde woi kur azina d’i. An dang woi mbak ala le ang nde woi á tita ata yima lara ge ni, an mba ni tchangû. Ang dan ndei ala: Djiviya! An huma!

Jeremi 26:8

Ata yima Jeremi mi dap zla d’a de d’a Ma didina mi hum vuna kat á ded’a mi suma petina, suma ngat buzuna, suma djok vuna ki suma hawana pet a vumu, a dum ala: Ang ndak á tchid’a!

Ezekiyel 18:13

le nga mi he va mi sa ki mbina, le nga mi hal mbina abo sana ni, gor máma mba mi kak karid’a zu? Mba mi kak karid’a d’i. Le nga mi le sun nda ndjendje d’a hina d’a ped’u ni, gagazi, a mba tchumu. Mi tchi tamî vamu.

Ezekiyel 18:32

Tan nga d’i lan djivid’a yam matna hi sanina d’i. Agi mbud’ugi hurugiya, agi kagagi karid’a. Ni an Salad’a Ma didina ba, ni de na.

Ezekiyel 18:4

Gola! Arid’a hi suma pet ni hur abonu. Arid’a habud’id’a ki d’a hi gorîd’a dja’î hur abonu. Ma nga mi le tchod’ina ni ma mba mi mitna.

Ezekiyel 33:14

Le an de mi sama asa’atna ala: Ang mba mid’a, wani le mi ar tit mam mba tchod’a woyo, le mi tit yam d’ingêra ki gagazid’a ni, mba mi mit ti.

Ezekiyel 33:8

Le an de mi sama asa’atna ala: Ang mba mit gagazi, le ang gum nga humam á mbut hurum yam tit mamba d’uo ni, mba mi mit kur sun mam mba ata yat tuo d’a, wani an mba ni djobom mad’am natang angû.

Ndumba 26:65

Kayam Ma didina mi dala: A mba bo woi abagei hur fulâ; sa tu pî mba mi ar ri, ni Kalep Jefune goroma ki Josue Nun goroma hol ba, a mba ara.

Romê-na 1:32

Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.

Romê-na 6:16

Agi wagi nga d’ala le agi gagi yagi kä á le sunda mi sa ni, agi mbud’ugi ni magumeina hi ma agi gagi yagi kä ad’uma, d’oze ni mi tcho d’a igi kur matnid’a, d’oze ni mi ge yam mba kä d’a igi kur d’ingêra avok Alonid’a zu?

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

Romê-na 8:2

Kayam gata hi Muzu’â hAlonina d’a nga d’i he arid’a mi suma a zlap tu ki Jesus Christ-sîd’a, ti bud’un ndei kur gata hi tchod’id’a ki gata hi matnid’a mi.

1 Korente-na 15:22

D’igi suma pet a bo zlapa tu ki Adam na, hina mi, suma pet a mba fe arid’a zlapa tu ki Christ mi.

1 Korente-na 15:56

Ad’enga hi matnid’a ni tchod’a, ad’enga hi tchod’id’a ni gata mi.

Galat-na 3:10

Kayam suma a ge yazi kä ad’u gatina, Alona mi gazi vuna. Kayam mbaktumba hAlonid’a ti dala: Sama kid’ak á ngom ahlena pet suma gata dum kazi á led’ina, Alona mi gum vuna.

Efes-sâ 5:14

kayam b’od’a nga d’i ndahlena woi pet pid’agï. Kayam ndata, suma hiuna a dala: Ang ma bur senina, ang zlid’a, ang tchol lei aduk suma matna. Hina wani, Christ mba mi b’o woi kangû.

Gat ta a hat á mbàd’id’a 27:26

Sama mi ndak nga vun gat ta wanda, mi le nga sunda kat tuo na, Ma didina mi gum vuna! Ablau suma petna a hulong ded’a ala: Amin!

Gat ta a hat á mbàd’id’a 30:15

Moise mi de kua ala: Gola! An tinigi ini arid’a ki djivid’a irazi vazi avorogi wana, matna ki tchod’a irazi vazi avorogi wan mi.

Gat ta a hat á mbàd’id’a 30:19

An nga ni dagi ini, akulod’a kandagad’a ni glangâs mana, an tinigi arid’a ki matna irazi vazi avorogi wana, b’e vuna ki ge vuna irazi vazi avorogi wan mi. Agi managi arid’a kayambala agi kandjavagi kagagi ki arid’a d’a.

Kolos-sâ 2:13

Adjeu agi ni suma bogi woi kur tcho magid’ina, agi nandjaf suma bei wAlona suma bei ngat bayâd’ina. Wani ki tchetchemba, Alona mi mbud’ugi suma arina zlapa tu ki Christ, hurum vat tei yam tcho meid’a mi.

1 Timote 5:6

Wani atcha d’a modono d’a nga d’i tit yam min matid’a, le ti nga karid’a pî, ti ni matna.

Jacques 1:15

Ata yima d’od’ok ka tchod’a ti ve wirîna, ti vut ni tchod’a. Le tchod’a ti djeng wa ni, ti vut ni matna.

1 Jean 5:16

Le sana mi we wiyema mi le tcho d’a ndak á im kur matna d’uo d’a ni, mi tchen Alona kamu. Hina wani, Alona mba mi hum arid’a, nala, nga mi he arid’a mi suma le nga tcho d’a ndak á izi matna d’uo d’a. Wani tcho d’a le d’a ding nga ndak á i sana kur matnid’a ti nga. Ni kayam ndata ba, an nga ni dala: Ar mi tchen Alona kad’u d’i.

Vama ndum mbeina 2:11

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, mat ma mbàna mba mi tchazi d’i.

Vama ndum mbeina 20:14

Matna ki yina hi suma azuleinina a tchuguzi kur apo d’a akud’a, nala, mat ma mbàna.

Vama ndum mbeina 20:6

Suma tchol akulo avok kikidjina a mba le furîd’a ki hur ma hapma, kayam mat ma mbàna mi nga kad’enga kazi d’i. Azi mba mbut ni nglo suma ngat buzuna mAlona azi ki Christ, azi mba te leud’a ki sed’em gak bizad’a dubu.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Suma ka sariyad’a 3:2

Mi le hina kayam andjaf Israel suma kur atchogoi ndatina a we ayî ma durâ mi, kayam azi wum nga avok ki.

1 Samuel 14:39

An gun tan ki Ma didin ma bei matna ma suta hi Israel-lîna ala sama le tcho ndatina, le ni gorona Jonatan pî, a tchumu. Aduk azigarâ pet, sa hulongôm nga zla d’a de d’i.

1 Samuel 14:44

Saul mi dum ala: Le ang Jonatan a tchang nga d’uo ni, Alona mi kan sariya d’a ngola kanu.

1 Samuel 20:31

Wani le Jesse goroma nga ki iram yam andagad’a tua ni, ang mba kak ki halasa d’i, leu manga mba d’i kak djivi d’uo mi; ki tchetchemba, ang sun i halamïya, a mbeyendjïya, kayam mi ndak á tchid’a.

1 Samuel 22:16

Amulâ mi de mi Ahimelek ala: A mba tchang ki sum mangâ pet.