Ad’u Tinda 19:5 - Bible azumeina

⁵ a yï Lot tei a dum ala: Suma a mba adjï fladege avo hatangâ, a nga ni lara ge? Ang buzuguzï woyo; ami burumi ki sed’eziya.

Ad’u Tinda 19:5 ပူးပေါင်းရင်းမြစ်များ

Ad’u Tinda 19:6

Lot mi nde woi avun azina, mi duk vuna blogomu,

1 Amuleina 14:24

Azi nga kandjuvei suma gaulangâ karop suma gaulangâ kur ambasa. Azi nga lahle suma lara ge pet handjaf suma Ma didina mi digizi woi adjeu á ar yina mi Israel-lîna.

1 Amuleina 22:46

Sunda hi Josafat ta ara kad’eng mam mba dur ayîna, a b’irizi nga kä kur Mbaktum mba de zlad’a yam Sunda hAmulei suma Juda-nid’a.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Isai 3:9

Irazi d’a gola nga d’i le glangâsâ kaziya. A nga de woi yam tcho mazid’a bei ngeyet kä ba d’igi suma Sodom-ma na. Ni zla d’a hohoud’a kaziya, kayam azi a nga hal ndaka yam azi tazid’a.

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Ezekiyel 16:49

Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i.

Ezekiyel 16:50

Azi mbut suma yam mba ad’enga, a le sun nda ndjendjed’a avoronu. Ata yima an wazina, an blazazi woyo.

Ezekiyel 16:51

Samari ti le nga nus tcho d’a ndak lata d’i. Wani tcho maka ablaud’a kal tcho mazid’a. Ndak mbut b’oziyok suma aropma d’igi arop suma bei zlad’a kazina na ki sun mak ka ndjendje d’a lara ge d’a ndak lata!

Sunda hi suma hi Levi-nid’a 18:22

Ar ang bur ki mandjufâ d’igi sana mi bur katchad’a na d’i, kayam ni sun nda ndjendje d’a kal teglesa.

Sunda hi suma hi Levi-nid’a 20:13

Le sana mi bur ki mandjufâ d’igi a bur katchad’ina ni, a le nahle suma ndjendjed’a; a tchazi woyo. Buzuwazi mba mi hulong kaziya.

1 Korente-na 6:9

Agi wagi tetet ala suma a lahle suma ata yazi d’uo na a mba kal kur leud’a hAlonid’a d’uo d’uo zu? Ar agi lobogi tagi d’i. Suma mizeuna, suma tuwal fileina, suma e’eûd’a, suma a bur ki ndrozi andjofîna,

Gat ta a hat á mbàd’id’a 23:17

Moise mi de kua ala: Ar mandjuf ma Israel-lâ d’oze atcha d’a Israel-la ti kak gaulang ngi.

1 Timote 1:10

yam suma mizeuna, yam suma bur ki ndrozi andjofîna, yam suma kul suma, yam suma ka zlad’a, yam suma gun tazi ir gurzulina, yam suma a lahle suma kak djangûna ki hat ta gagazid’ina pet mi.

2 Timote 3:13

Wani suma le tchod’a ki suma lop suma a mba i avogovok kur tcho mazid’a, a mba vit suma woyo, azi tazi a mba vit tazi woi mi.

2 Pierre 2:2

Suma ablaud’a a mba i ad’uzi kur sun mazi d’a mizeuna. Kayam sun mazi d’a led’a, suma a mba ngul lovot ta gagazid’a kaziya.

2 Pierre 2:7

Wani mi pat Lot ma d’ingêr ma hurum b’lak yam gaulangâ hi suma tchonina woyo.

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

Suma ka sariyad’a 19:22

Ata yima a nga le furîd’ina, gol wani, suma kur azì ma ngolîna, ni suma asa’atna, a ngui azina, a nga tum vun agre’â zazak, a nga de mi sama mamar mazina ala: Ang ndami sama kal avo hatang adjïna woi abua, kayam ami burumi ki sed’emu.