Ad’u Tinda 19:24 - Bible azumeina

²⁴ Ma didina nde mi yagï sufred’a kakud’a ei akulo yam Sodom ki Gomor.

Ad’u Tinda 19:24 ပူးပေါင်းရင်းမြစ်များ

Ad’u Tinda 13:10

Lot mi hle iram akulo, mi gol yam andaga d’a Jurdê-d’a gak Sowar, mi wat mbina nga kua ngola. Ti ni d’igi asinena hi Ma didinina na, ni d’igi andaga d’a Ezipte-d’a na, kayam Ma didina nga bei b’lak Sodom ki Gomor rei tua.

Ad’u Tinda 13:12

Abram mi ar kaka yam andaga d’a Kanan-nda. Lot mi kak kur azì ma abagei hur fulina, mi ve zlub’u mamba abo ma Sodom-ma.

Ad’u Tinda 18:17

Ma didina mi de kurum ala: An ndak á ngei Abraham vama an luma zu?

Ad’u Tinda 19:23

Kid’a afata deîd’a, Lot mi kal Sowar.

Wana ni mbaktumba hi Job-pa 1:16

Kid’a sama sun ma avo’â nga mi de zlad’a tua d’a, ma sun ma dingâ mi mba, mi de mi Job ala: Akud’a ti tcholï akulo hur alona, ti nde yam tumiyôna kazungeîna, ti ngalazi woi pet. Ni an tu ba, ni sud’a, ni mba á dang wana!

Wana ni mbaktumba hi Job-pa 18:15

Sama ding mi ndak á kak kur aziyam mala nga ni mama d’uo d’angû na, kayam a tchuk aku d’a sufred’a kur aziyamu.

Sawal la giled’a 11:6

Ma didina nga mi yagï gordjona kakud’a ki sufred’a yam suma asa’atna, nga mi gad’azi ki babar ma bibi’â; wana ni b’rau d’a mi ngazizi kazid’a.

Buzuk ka Abud’a 9:23

Moise mi hle totogo mamba akulo hur alona. Ma didina mi he vuna, alona mi breyâ, mi se ki mogoina, akud’a ndeï kä yam andagad’a mi. Ma didina mi sun mogoina mi se yam ambas sa Ezipte-d’a.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Isai 13:19

Babilon nda djif kal leu d’a dinga pet tala ni hed’eu ma djif ma sum matna, a nga subur ki taziya d’a. Ti mba d’i mbut ni d’igi Sodom ki Gomor suma Alona mi b’lagazi woi adjeuna na.

Isai 30:33

A min gring ma akud’a nadjeu dei yam amul ma Asiri-na. A minim bubud’a, zula yiyik mi, a mol aguna kua ngola, nga mi ngal akud’a ngola mi. Fo d’a avun Ma didina d’a d’igi toliyon nda sufre d’a nga d’i ngal d’igi sun akud’a na d’a, mba d’i dom akud’a.

Jeremi 20:16

Ar sa máma mi mbut ni d’igi azì ma nglo ma Ma didina mi b’lagam mbei bei mi wum hohowom ba na na, ar mi hum tchina ki yorogod’a, ar mi hum tau d’a ayîna ki falei d’ad’ar mi.

Jeremi 23:14

Wani an we sun nda ndjendje d’a kala nga aduk suma djok vun suma Jerusalem-ma. A nga le mizeuna, a nga tit ni kur zla d’a kad’a, a nga had’enga mi suma asa’atna, a nga ar lovota mi sa tu á hulongî woi kur sun mam mba asa’ata d’i. Azi pet a mbut iran ni d’igi suma Sodom-ma na, suma a nga kaka avo Jerusalem-ma a mbut iran ni d’igi suma Gomor-râ na mi.

Jeremi 49:18

Ma didina mi dala: A mba b’lagam mbei d’igi a b’lak azì ma Sodom-ma kazì ma Gomor-râ kazì ma nglo ma nguyuma woi adjeu na, a mba fe sama kak kur ri. Sa tu pî mba mi kak kua d’i.

Jeremi 50:40

Ma didina mi de kua ala: Babilon mba d’i mbut ni d’igi azì ma Sodom-ma kazì ma Gomor-râ kazì ma nglo ma nguyuzi suma an b’lagazi woi adjeuna na. Sa mba mi kak kua d’i, sa tu pî mba mi kak kua d’uo d’a.

Hor ma tchina 4:6

Tchod’a hi sum manid’a, ti ngola kal tchod’a hi Sodom mba a b’lagat tei atogo hina zak bei sa mi tin abom atat ba d’a.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Amos 4:11

An b’lagagi woi d’igi an b’lak Sodom ki Gomor rei na, agi sud’ugi ni d’igi sana mi tanï vana woi aduk akud’a na. Hina pet pî, agi hulongôgï nga geven ndi. An Ma didina ni de na.

Sofoni 2:9

Kayam ndata, an ma bei matna Ma didin ma ad’engên kal petna, Alona hi Israel-lîna, ni dala: Mowap mba d’i mbut ni d’igi Sodom na, Amon mba d’i mbut ni d’igi Gomor na. Yazi mba mi se kekerezeuna, mba mi mbut ni zul la a djugot ndjuvuna kuad’a, mba mi arî djona ki iram fafat. Sum mana ad’uzi d’a ara a mba hurumuziya, andjaf man suma a mba ar nde na a mba hlambas mazid’a mi.

Wana ni Zla d’a Djivi d’a Luc mi b’irita 10:12

An nga ni dagiya, kur bur ma ka sariyad’a, sariya d’a a mba kat yam azì ma ngol mámid’a mba d’i kal sariya d’a a kat yam Sodom-mba.

Gat ta a hat á mbàd’id’a 28:24

Ma didina mba mi ar zla d’a mi sagi nalona kagid’a ta, mba mi sagi ni simetna ki guguma; a mba se kagi hina gagak agi mba dabagi woyo.

Gat ta a hat á mbàd’id’a 29:22

Moise mi de kua ala: Kur atchogoi d’a nga d’i mbad’a hi grogi suma a mba vud’uzi blogoginid’a, andjaf suma dingâ a mba tcholï yam andaga d’a deid’a mi, a mba we tugud’ei d’a tchod’a ki b’lak ka Ma didina mba mi b’lak kambas ndatid’a, a mba wambasa mba d’i ngal lei abo aku d’a ngal ki sufred’a pet, mba d’i mbut butna,

Gat ta a hat á mbàd’id’a 29:23

a mba we sama zar awu kat ti, va mba mi deî kat ti, asu mba mi d’uf kat tuo mi, mba d’i hle tat ni d’igi Sodom, Gomor, Atma ki Seboyim suma Ma didina mi b’lagazi woi kur ayî mama ki hur mam ma zalina na.

2 Pierre 2:6

Alona mi ka sariyad’a yam azì ma Sodom-ma ki ma Gomor-râ, mi ngalam mbei kakud’a, kayam mi arî vama simata mi suma a min le tchod’ina.

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

Vama ndum mbeina 14:10

mam tamba mba mi tche süm ma ala nayîna hAlona ma mam vom kur kop mam ma ayînina. Suma pet suma a le hina na, a mba fe ndaka aduk aku d’a sufred’a avok malaikana hAlonina, avok Gor timina mi.