Ad’u Tinda 19:16 - Bible azumeina

¹⁶ Wani kid’a Lot nga mi le lilinga tua d’a, malaikana a vum abom kamamba ki grom suma arop suma mbàna, a ndum mbei kel azina, kayam Ma didina mi min á sud’umu.

Ad’u Tinda 19:16 ပူးပေါင်းရင်းမြစ်များ

Ad’u Tinda 19:15

Wani ki pipira, malaikana a tes Lot ped’et, a dum ala: Ang tchol akulo, ang vamanga ki grong suma arop suma mbà suma ka hina, kayam ami tchagi zlapa ki sum ndazina yam tcho mazid’a d’i.

Ad’u Tinda 43:10

Ladjï yami ve d’uo ni, ki tchetchemba, ami imi wa woi yami mbà da’.

1 Sunda Hamuleinid’a 16:34

Agi gilegi Ma didina, kayam mam mi ma djivina, kayam o mamba ni d’a didinda!

Sawal la giled’a 103:13

Ma didina nga mi le yam mam suma d’engzengâ d’igi abud’a nga mi le yam groma na mi.

Sawal la giled’a 106:1

Agi gilegi Ma didina! Agi gilegi Ma didina, kayam mam mi ma djivina, kayam o mamba ni d’a didinda!

Sawal la giled’a 106:8

Wani mi sud’uzi woi yam simiyêm á tak ad’eng mamba woyo.

Sawal la giled’a 107:1

Agi gilegi Ma didina, kayam mam mi ma djivina, kayam o mamba ni d’a didinda!

Sawal la giled’a 111:4

Mi nga mi ge hum suma yam sun mam mba ndandala. Ma didina ni ma we hohowa sumina, ni ma sumad’a mi.

Sawal la giled’a 118:1

Agi gilegi Ma didina, kayam mam mi ma djivina, kayam o mamba, ti nga ni hina gak didin!

Sawal la giled’a 119:60

An nga ni le lilinga d’i, an nga ni b’at tan á ngom vun mang ma hed’a.

Sawal la giled’a 136:1

Agi gilegi Ma didina, kayam mam mi ma djivina. O mamba nga d’i dap pi.

Sawal la giled’a 32:10

Sama asa’atna mba mi fe ndaka ngola, wani sama deng tam ata Ma didinina, mam mba mi nguyum kä ki djivi mamba.

Sawal la giled’a 33:18

Wani Ma didina iram nga tinda yam suma a lum mandarama, yam suma tin huruzi yam o mam mba didinda

Sawal la giled’a 33:19

á sud’uzi woi avun matna, á ndjunuzi á kak karid’a ata yima baktarad’ina mi.

Sawal la giled’a 34:12

Grona, mbeï humun-ngiya, an mba ni had’agi á le mandara Ma didina.

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Buzuk ka Abud’a 34:6

Ma didina mi kal avoromu, nga mi yi simiyêm ala: An ni Ma didina, an ni Ma didina, an nAlo ma we hohoud’a, an nAlo ma sumad’a, an nga ni mbut ayîna atogo d’i, an ni ma djivi manda kal teglesâ, an ni ma d’engzengâ mi.

Buzuk ka Abud’a 34:7

An ni ma nga ni ngom djivi man nda ki sumid’a gak kur atchogoi d’a dubud’ina, an ni ma nga ni vat hurun ndei yam tchilad’a, yam tchi matna, yam tcho d’a led’a hi sanid’a, wani an ni ma nga ni ar sama le tchod’a bei ka sariyad’a kam mbuo na, an ni ma nga ni ngop grod’a yam tchod’a habuyozid’ina, an ni ma nga ni ngop grozi ngolona gak kur atchogoi d’a hindid’a ki d’a fid’id’ina mi.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Hor ma tchina 3:22

Djivi d’a tetenga hi Ma didinid’a nga d’i dap pi, we hohou mamba ti dap nga d’uo tua mi.

Ndumba 14:18

An ni Ma didina! An ni ma nga ni mbut ayîna atogo d’uo na, an ni ma djivi manda kal teglesâ, an ni ma nga ni vat hurun ndei yam tchilad’a ki murud’umba hi sumid’a, wani an ni ma nga ni ar sama le tchod’a bei ka sariyad’a kam mbuo na, an ni ma ngop grod’a yam tchod’a habuyod’a gak kur atchogoi d’a hindid’a ki d’a fid’id’ina mi.

Wana ni Zla d’a Djivi d’a Luc mi b’irita 18:13

Wani ma ve lombod’a mi tchol bugol sä woi hina dei, mi min hle iram akulo d’uo ko, wani nga mi tchi abom kurum ala: Alona, ang wan hohowonu, an ni sama tchona.

Jean 6:44

Sana mi ndak á mba geven bei Abun ma sununïna mi tanamï d’i; sama mi mbana an mba ni tcholom akulo aduk suma matna kur bur ma dabid’a mi.

Romê-na 9:18

Ni hina ba, Alona mi we hohowa sama mam min wum hohowoma, mi b’al hur sama mam min b’alam huruma mi.

2 Korente-na 1:3

Ar ei lei mersi mAlona, Abu Saleina Jesus Christ, Abui ma we hohowa sumina, ni Ma nga mi b’leng hur suma ata yima lara ge petna.

Gat ta a hat á mbàd’id’a 4:31

Kayam Ma didina Alo magina nAlo ma we hohowa sumina; mba mi aragi woi d’i, mba mi dabagi woi d’i, mba mi mar yam vun ma djin ma mi gun tam kam mabuyogi ngolona d’uo mi.

Gat ta a hat á mbàd’id’a 5:15

Ang djib’er ala ang ei ni magomba kur ambas sa Ezipte-d’a, ni an Ma didina Alo mangâ ba, ni ndangî woi kabon ma ad’engâ ki bigan nda zid’a kan akulo zid’a mi. Ni kayam ndata ba, an Ma didina Alo mangâ ni hang vuna á tuk tad’a wana.

Gat ta a hat á mbàd’id’a 6:21

agi dazi ala: Adjeu ami ni magumeina hi Faron-na avo Ezipte. Ma didina mi buzugumï woi kad’eng mamba avo Ezipte.

Gat ta a hat á mbàd’id’a 7:8

Wani Ma didina mi le kagiya, mi ndak vun gun tad’a mi gun tam mabuyogi ngolod’a. Kayam ndata, mi pad’agi woi kad’eng mamba, mi tchugugi akulo woi kur yima a lagi magomba kuana abo Faron amul ma Ezipte-na.

Wana ni mbaktum mba Paul mi b’irit mi Tit-ta 3:5

mi sud’i ni yam sun nda d’ingêr ra ei lata d’i, wani ni yam we hohou mamba. Mi sud’i woi ki mbusa ata yima Muzuk ma bei tchod’a ba na mi vud’i vut ta awilid’ina, mi hei ari d’a awilid’a mi.

Josue 6:22

Josue mi de mi suma mbà suma a i á d’u ambas sa Jeriko-d’a avo’â ala: Agi igi avo hi Rahap atcha d’a gaulangâ, agi ndad’ï woi abu ki sum matna pet d’igi agi gunut tagi na.

2 Pierre 2:7

Wani mi pat Lot ma d’ingêr ma hurum b’lak yam gaulangâ hi suma tchonina woyo.

2 Pierre 2:9

Kayam Salad’a mi we lovota á pat suma a nga tit blogoma woi kur kuka, á ngom suma tchona gak bur ma ka sariyad’a mi.