Ad’u Tinda 18:8 - Bible azumeina

⁸ Kid’a mi mba ki hliunid’a, mi tinizizi kä avorozi zlapa ki mbul ambira kambir ra arid’a; azi te. Wani Abraham mi nga tchola gevezi ad’u aguna.

Ad’u Tinda 18:8 ပူးပေါင်းရင်းမြစ်များ

Ad’u Tinda 18:7

Bugola, mi ring kur kangâ mama, mi man namuhl ma tum ma djivi ma d’orâ, mi de mazong mama ala: Ang i ngad’am atogo.

Ad’u Tinda 18:9

Azi djop Abraham ala: Amanga Sara ti nga ni lara ge? Mi dazi ala: Ti nga kur zlub’ud’a.

Ad’u Tinda 19:3

Wani vunam kal kazi gak azi i avo hatamu, mi lazi tena, mi yazi avungô ma bei angufina, a te.

Nehemi 12:44

Kur bur máma a tin suma ngom gongîyo suma a tchuk ahle suma hazi he d’a hawad’ina, nala, awu ma ne avo’â ki dima, a dazi ala a i veï awu ma hur azinina mi suma ngat buzuna ki suma hi Levi-na d’igi Gata ti de na. Kayam suma Juda-na tazi lazi djivid’a yam sun nda suma ngat buzuna ki suma hi Levi-na a nga lata,

Isai 7:15

Mba mi te mbul ambira ki mbul ayuma, gak mi djeng mi noî tchod’a, mi man djivid’a.

Isai 7:22

Ambir mazid’a mba d’i zula, gak suma a mba te ni mbul ambira. Kayam mbul ambira ki mbul ayuma a mba arî tena hi suma a mba ar kur ambasina.

Wana ni Zla d’a Djivi d’a Luc mi b’irita 12:37

Azungeî suma salazina mba mi fazi ndjola ata yima mi hulongîna, a le furîd’a. Gagazi, an nga ni dagiya, mba mi djin d’ik mama furumu, mi kagazi kä avun tena, mba mi lazi sunda.

Wana ni Zla d’a Djivi d’a Luc mi b’irita 17:8

Mi ndak á dum hina d’i, wani mba mi dum ala: Ang minin tena. Ang mbut baru manga, ang hanï tena, an te ni tche. Bugol tua ba, ang te, ang tche mi.

Wana ni Zla d’a Djivi d’a Luc mi b’irita 24:30

Kid’a mi kak avun tena ki sed’ezid’a, mi hlavungôna, mi le mersi mAlona kamu, mi mbrugum kä, mi haziziya.

Wana ni Zla d’a Djivi d’a Luc mi b’irita 24:43

Mi vumu, mi tum avoroziya.

Jean 12:2

Ata yi máma, a lum tena. Marta nga d’i lazi sunda, wani Lazar nga aduk suma a nga kak kä ki Jesus avun tenina.

Sunda hi suma a sunuzinid’a 10:41

wani nga ni ir suma pet ti, wani ni mi ami suma Alona mi manami avok dei á le glangâsâ kama. Bugol la Alona mi tcholom akulo aduk suma matnid’a, ami tami ki sed’emu, ami tchami ki sed’em mi.

Galat-na 5:13

B’oziyona, Alona mi yagi mi pad’agi woi da’, wani ar pat ndata mbut ni vama le sun nda yam minda hi sa magi ma adjeunid’a d’i, wani agi sunugi tagi ki od’a.

Gat ta a hat á mbàd’id’a 32:14

A te mbul ambir amuhla kambir aho’â zlapa ki mbul tumiyôna ki mbul gamlâ ma Basan-na ki ma hi mbekmberinina. A tawu ma djivi ma kalâ, a tche süm guguzlu d’a gurud’unga.

Vama ndum mbeina 3:20

Ar ang huma! An nga ni tchola avun gonga, nga ni dap vun gonga. Le sana mi humun delen mi malan vuna ni, an mba ni kal avo hatamu, an mba ni te ki sed’emu, mam mba mi te ki sed’en mi.

Suma ka sariyad’a 13:15

Manowa mi de mi malaikana hi Ma didinina ala: Ang humumiya, ang ve tang kei, ami ngad’ang gor ahu b’ëna tu.

Suma ka sariyad’a 5:25

Sisera mi tchenet yam mbina, wani ti humî ambira, ti hum mbul ambira kur kop ma subura.