Ad’u Tinda 18:31 - Bible azumeina

³¹ Abraham mi hulong dum ala: Salana, an ve tan ad’enga á dang zlad’a; le ang fe suma d’ingêrâ dok mbà mi na? Ma didina mi hulong dum ala: Yam suma dok mbàna, an mba ni b’lagam mbi.

Ad’u Tinda 18:31 ပူးပေါင်းရင်းမြစ်များ

Ad’u Tinda 18:27

Abraham mi hulong dum ala: Gola! An ve tan ad’enga á de zlad’a ki ang Salana, an mala nandaga d’a gugud’upa ki butna na.

Ad’u Tinda 18:30

Abraham mi hulong dum ala: Salana, le an dangû ni, ar hurung zal li; le ang fe suma d’ingêrâ dok hindi mi na? Ma didina mi hulong dum ala: Le an fe suma d’ingêrâ dok hindi ni, an mba ni b’lagam mbi.

Ad’u Tinda 18:32

Abraham mi hulong dum kua ala: Salana, ar hurung zal li, an nga ni dang zlad’a kua; le ang fe suma d’ingêrâ dogo mi na? Ma didina mi hulong dum ala: Yam suma dogona, an mba ni b’lagam mbi.

Matiye 7:11

Le agi suma tchona agi wagi á hahle suma djivina mi grogina na ni, Abugi ma sä akulona mba mi hahle suma djivina mi suma a nga tchenema kal luo zu?

Matiye 7:7

Jesus mi had’azi kua ala: Agi tchenegi Alona, mba mi hagiya; agi halagi va, agi mba fagiziya; agi dabagi vun gonga, a mba malagiziya.

Wana ni Zla d’a Djivi d’a Luc mi b’irita 11:8

An nga ni dagiya, mam mba mi tchol akulo kayambala mam mi banama d’a d’i. Wani kayam sek ka banam mi segema ped’eta, mam mba mi tchol mi hum vama mam minima.

Wana ni Zla d’a Djivi d’a Luc mi b’irita 18:1

Jesus mi dazi zla d’a d’ogola á had’azi a tchen teteu bei tazi tchuk lus ba.

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Hebre-na 4:16

Kayam ndata, ar ei hud’i go gen zlamba hAlonid’a, bei mandarâ ba, ata yima sumad’a nga kuana, kayam mi wei hohowoya, mi vei sumad’a á ndjuni ata yima ei kur kid’akina.