Ad’u Tinda 18:14 - Bible azumeina

¹⁴ Na ni vama hle Ma didina abod’ina nga zu? An hulongî avo hatang dama hina dedege wani, Sara nga ki gorâ abod’u.

Ad’u Tinda 18:14 ပူးပေါင်းရင်းမြစ်များ

Ad’u Tinda 17:16

An mba ni b’e vunan kad’u, an mba ni hang gorâ ki sed’ed’u; an mba ni b’e vunan kad’u, mba d’i vut andjaf suma ablauna; andjaf amuleina ablaud’a a mba buzugï ni kurud’u.

Ad’u Tinda 17:21

Wani an mba ni djin vunan ki Isak ma Sara mba d’i vud’ungzi dama hina dedegena.

Ad’u Tinda 18:10

Ma dingâ tu adigazi mi dum ala: Gagazi, an mba ni hulongî dama hina dedege wani, amanga Sara mba d’i vut gorâ. Wani Sara ti nga avun zlub’ud’a blogomu, ti huma,

Ad’u Tinda 18:13

Ma didina mi de mi Abraham kua ala: Ni kayam me ba, Sara ti san nge? Ni kayam me ba, ti dala: An mbut mamara, an ndak á vut gor ruo ge?

Ad’u Tinda 18:15

Ata yi máma Sara ti le mandarâ, ti tin vunad’u, ti dala: An san nga d’i! Mi hulong dat ala: Gagazi, ndak sana!

Ad’u Tinda 21:1

Ma didina mi djib’er yam Sara d’igi mam dadjeu na, mi le ki sed’et d’igi mam de na.

Ad’u Tinda 21:2

Sara ti ve wirâ, ti vut gorâ mi Abraham ki mamaram kur biza d’a Alona ngamzid’a.

2 Amuleina 4:16

Elise mi dat ala: Dama hina dedege wani, ndak mba d’i ve gorâ abogu. Wani ti dum ala: Hawa! Salana, nga na d’i! Angî sana hAlonina, ang dan zla d’a kad’a hina d’i!

Wana ni mbaktumba hi Job-pa 36:5

Alona ni ma sib’ika, nga mi gol sa is si, ni ma sib’ika, mi nga kad’enga á wad’ud’a pet mi.

Wana ni mbaktumba hi Job-pa 42:2

An wala ang ndak á lahlena pet, vama ang nga hurung kama, vama d’eleng kam á led’ina nga d’i.

Sawal la giled’a 90:13

Ma didina, ang mba ar ayî mangâ kami hina gagak mindja ge? Ar ang wami ami azungeî mangâ hohowomiya!

Sawal la giled’a 93:1

Ma didina namul ma ngolâ, mi tchuk subura atam d’igi barud’a na, mi djin ad’enga furum d’igi d’i’â na. Ni kayam ndata ba, duniyad’a nga kaka ngingring, nga d’i giget tuo ni na.

Sawal la giled’a 95:3

Kayam Ma didina nAlo ma ngolâ, mam mamul ma ngol ma yam alona petna.

Isai 50:2

An ni mba. Ni kayam me ba, an fe nga sa d’uo ge? An yiya. Ni kayam me ba, sa mi hulongôn nga humba d’uo ge? Na ni abon ni gid’enga á sut sa zu? Na ni ad’engên ndak á prut sa woi d’uo zu? An nga ni ngopa; alum ma ngolâ mi so woyo. An nga ni mbut alum ma gureina d’igi hur fulâ na, kuluf ma kuruma nga mi tchim mbeyo, nga mi bo woi abo vun ma sod’a mi.

Jeremi 32:17

Salad’a Ma didina, ang ma lakulod’a kandagad’a ki sib’ik mang nga kal teglesa ki bigang nga zid’a kang akulo zid’a, vama mi hlang abod’ina nga d’i.

Jeremi 32:27

An ni Ma didina Alo ma yam suma petna. Vama hlan abod’ina mi nga zu?

Daniel 6:20

Kid’a mi mba go avun zulid’a, mi yi Daniel ki hur ma hata, mi dum ala: Daniel, azongâ hAlo ma bei matna ba na, Alo mang ma ang nga lum sunda ki ve tad’ina, mi ndak á prud’ung nga woi avun azlona d’uo zu?

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Zakari 8:6

An Ma didin ma ad’engêm kal petna nga ni dala: Le ahle suma a mba le ndazina ni vama ndandalâ ir andjaf Israel suma a mba arâ ni, ni vama ndandalâ iran an mi zu?

Ndumba 11:23

Ma didina mi hulong de mi Moise ala: Na ni an kid’ak su? Ki tchetchemba, ang mba we zla d’a an data mba d’i le d’oze mba d’i le d’uo, ang mba we.

Matiye 14:31

Atogo hina zak, Jesus mi mat abom mi vum mi dum ala: Ang ma gagazi manga akid’eid’ina, ni kayam me ba, ang le hurung mbàmbà ge?

Matiye 19:26

Jesus mi golozi mi dazi ala: Ata suma, ndak kuo; wani Alona mi ndak á lahlena pet.

Matiye 3:9

Ar agi djib’eregi kurugi ala Abraham nabui ngolo hina d’i, kayam an nga ni dagi woi mbak Alona mi ndak á mbut ahuniyô suma wana grona mi Abraham.

Marik 10:27

Jesus mi golozi mi dazi ala: Ata suma, ndak kuo; wani ata Alona, nga na d’i, kayam Alona mi ndak á lahlena pet.

Wana ni Zla d’a Djivi d’a Luc mi b’irita 1:13

Wani malaikana mi dum ala: Zakari, ang le mandar ri, kayam Alona mi hum tchen manga. Amanga Elizabet mba d’i vut gorâ, ang mba tinim simiyêm ala Jean.

Wana ni Zla d’a Djivi d’a Luc mi b’irita 1:18

Wani Zakari mi de mi malaikana ala: Ahle ndazina a mba le ni nana ge? Kayam me ami kamanda djengêmi mamara da’.

Wana ni Zla d’a Djivi d’a Luc mi b’irita 1:37

Kayam vama hle Alona abod’ina nga d’i.

Wana ni Zla d’a Djivi d’a Luc mi b’irita 8:50

Wani kid’a Jesus mi hum zla ndatid’a, mi de mi Jairus ala: Ang le mandar ri, ang he ni gagazid’a d’ö, ti mba d’i sud’a.

Romê-na 4:21

Mam we tetet ala Alona mi ndak á le vama mi hlum vunam kama.

Efes-sâ 3:20

Ni mam ma nga kad’enga á lahlena pet suma kal suma ei nga tcheneizina d’oze suma ei nga djib’erei kazina, yam ad’eng mam mba nga d’i le sunda kurid’a.

Gat ta a hat á mbàd’id’a 30:3

ata yi máma Ma didina mba mi wagi hohowogiya, mba mi yogï woi kur magomba, mba mi togogï kur ambas sa lara d’a mam mba mi ndjoyôgi woi kura.

Gat ta a hat á mbàd’id’a 7:21

Ar agi zlagagi avorozi d’i, kayam Ma didina Alo magina mi nga adigagiya. NAlo ma ngol ma suma a lum mandarama.

Filip-ma 3:21

Mam mba mi mbud’i hliwi ma amangeî ma ad’u ad’enga hi matnina, mba mi mbud’i hliwi d’igi hliwim ma subura na kad’eng mam mba ndak á hulong ahlena pet yazi kä ad’umba.

Filip-ma 4:13

An ndak á lahlena pet yam ad’eng nga Christ mi handjid’a.

Hebre-na 11:19

Abraham mi djib’er ala Alona mi ndak á tchol sana akulo aduk suma matna. Ni kayam ndata ba, mi hulong mi fe Isak d’igi sama tchol akulo aduk suma matnina na.

Suma ka sariyad’a 13:3

Malaikana hi Ma didinina mi nde tam mbei ir atcha ndata, mi dat ala: Gola! Nda’î gendreged’a, ndak nga d’i vut ti. Wani ndak mba d’i ve wirâ, ndak mba d’i vut gor mandjufâ.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.