Ad’u Tinda 17:16 - Bible azumeina

¹⁶ An mba ni b’e vunan kad’u, an mba ni hang gorâ ki sed’ed’u; an mba ni b’e vunan kad’u, mba d’i vut andjaf suma ablauna; andjaf amuleina ablaud’a a mba buzugï ni kurud’u.

Ad’u Tinda 17:16 ပူးပေါင်းရင်းမြစ်များ

Ad’u Tinda 1:28

Alona mi b’e vunam kaziya, mi dazi ala: Agi vud’ugiya, agi zulugiya, agi oyôgi yam andagad’a; agi tagi kad’u, agi tagi yam kulufâ, yam aluweina, yam ambureina, yam azurei suma a nga tit yam andagad’ina pet mi.

Ad’u Tinda 12:2

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.

Ad’u Tinda 15:4

Ata yi máma Ma didina mi dum ala: Hawa! Nga ni Eliyezer ba, mba mi tang djong ngi. Wani ni gorong ma kurungâ ba, mba mi tang djongû.

Ad’u Tinda 17:15

Alona mi de mi Abraham kua ala: Ang dok yi amanga ala Sarai d’uo d’a, wani ang yat ala Sara.

Ad’u Tinda 17:19

Alona mi de mi Abraham ala: Nga na d’i! Amanga Sara mba d’i vut gor mandjufâ, ang mba yum ala Isak. An mba ni djin vunan ki sed’em kandjavam ma blogoma; ni vun man ma djin ma didina.

Ad’u Tinda 17:6

An mba ni arang ang mba vut grona ablaud’a, azi mba vut andjaf suma teteng; amuleina a mba buzugï nad’u andjavangû.

Ad’u Tinda 21:1

Ma didina mi djib’er yam Sara d’igi mam dadjeu na, mi le ki sed’et d’igi mam de na.

Ad’u Tinda 24:60

Azi b’e vunazi kad’u, a dala: Wiyemid’a, ar andjavak mi zul dudubud’a dogo, ar andjavak mi hlazina hi mam suma djangûnina.

Ad’u Tinda 25:23

Ma didina mi hulong dat ala: Andjaf suma mbà a nga kurugu; andjaf suma mbà ndazina a mba wal woi ni kuruk dei. Ma dingâ mba mi kal ndrama kad’enga, ma ngolâ mba mi ge yam kä ad’u ma gorâ.

Ad’u Tinda 35:11

Mi dum kua ala: An nAlo ma ad’engên kal petna; ang vud’a, andjavang zul ngola; andjaf suma kablaud’a hi sumid’a a mba buzugï ni kurungû, amuleina a mba buzugï ni kurung mi.

Ad’u Tinda 36:31

Wana namulei suma a tamula yam andaga d’a Edom-mba avok bei Israel-lâ a tamula tua d’a:

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Romê-na 9:9

Kayam Alona mi hle vunam mi Abraham ala: An mba ni hulongî dama, hina dedege wani, Sara mba d’i vut gorâ.

Galat-na 4:23

Wani ma magomba vud’uma ni ata minda hi sanid’a, wani ma gor vuta vud’uma, a vud’umî yam vun ma hled’a hAlonina.

1 Pierre 3:6

d’igi Sara ti ge yat kä ad’u Abraham ti yum ala Salana na. Le agi nga lagi djivid’a, le vama vunadigagi mba d’i tumugi abom nga d’uo ni, agi ni grotna.