Ad’u Tinda 17:10 - Bible azumeina

¹⁰ Vun ma djin ma an djinim ki sed’egina, agi ngomogiziya, ang kandjavang ma mba mi mba blogongâ; grogi suma andjofâ pet agi ngad’azi bayâd’a.

Ad’u Tinda 17:10 ပူးပေါင်းရင်းမြစ်များ

Ad’u Tinda 17:11

Agi ngad’agi bayâd’a; bayâ ndata mba d’i mbut ni vama simata yam vun ma djin ma an djinim ki sed’egina.

Ad’u Tinda 17:23

Abraham mi ve goroma Ismael, mi yo magumeina pet suma a vut avo hatama ki suma mi guzuzi ki beged’ina, nala, gro andjofâ pet suma avo hatama, mi ngad’azi bayâd’a kur bur máma d’igi Alona mi dum na.

Ad’u Tinda 17:27

Suma avo hatama, nala, magumei suma a vut avo hatama ki suma mi guzuzi ki beged’a abo suma dingîna, Abraham mi ngad’azi bayâd’a zlapa ki mamu.

Ad’u Tinda 21:4

Abraham mi ngat goroma Isak bayâd’a kur bur ma klavandina d’igi Alona mi dum na.

Ad’u Tinda 34:15

Le agi min ala ei ndjagei vunei tu, agi mbud’ugi d’igi ami na ni, vama agi luma ba wana: Nala, mbeî agi ngad’agi sum magina bayâd’a pet.

Ad’u Tinda 34:22

Wani sum ndazina a min ala le ei ngad’ei sum meina bayâd’a d’igi azi na d’uo ni, azi min zlap darigïd’a ki ei d’i, d’oze a mbut suma tuna ki ei d’uo mi.

Buzuk ka Abud’a 12:48

Le sama ding ma nga kaka avo hatangâ mi min á le vun til ma Pa’â á he ngola mi an Ma didina ni, ar gro andjof suma avo hatama pet a ngad’azi bayâd’a. Ata yi máma mba mi zlap ki sed’egi á le vun tilâ; sa máma mi mbut ni gor vuta. Wani ar sama bei ngat bayâd’a mi te Pak máma d’i.

Buzuk ka Abud’a 4:25

Amamba Sefora ti hlahina d’a tena, ti ngat gorotna bayâd’a, ti do Moise asem ki babak d’iwamu, ti dum ala: Angî mandjuf ma buzuna kanu.

Jeremi 4:4

Agi suma Juda-na ki suma a nga kaka avo Jerusalem-ma, agi minigi tagi yam an Ma didina, agi minigi vunadigagi tala ayî mana mi fo d’igi aku d’a sana mi ndak á tchat tei d’uo d’a na yam asa’at magid’a d’a d’i.

Jean 7:22

Moise mi hagi bayâ d’a ngata, wani ti tin ad’ud’a nata Moise si, nata abuyogi ngolo. Kayam ndata, agi nga ngad’agi sana bayâd’a ni kur bur ma sabatna.

Sunda hi suma a sunuzinid’a 7:8

Alona mi djin vunam ki sed’em á ngat bayâd’a. Kid’a Abraham mi vut Isak-ka, mi ngad’am bayâd’a kur bur ma klavandina. Isak mi vut Jakob, mi ngad’am bayâd’a, Jakob mi vut abuyoi ngolo suma dogo yam mbàna, mi ngad’azi bayâd’a mi.

Romê-na 2:28

Kayam Juif ma gagazina mi nga ni abu pid’ak hol li, bayâ mam mba ngata nga ni abu ata hliuna á wed’a ki ira go d’uo mi.

Romê-na 3:25

Ma mi ma Alona mi mbud’um vama ngat buzuna kayambala mi vat hurum mbei yam tchod’a hi suma a he gagazid’a kama d’a. Alona mi le hina á tak kei ala mam mi Ma d’ingêrâ, kayam mi ve tam bei ka sariyad’a yam tchod’a hi suma d’a a lat avoka.

Romê-na 3:28

Ei wei ala sana mi mbut sama d’ingêrâ avok Alona ni yam he gagazi mamba, wani nga ni yam ge yam mba kä ad’u gatid’a d’i.

Romê-na 3:30

Kayam Alona ni tu, ni ma nga mi mbut Juif-fâ d’ingêr yam he gagazi mazid’ina, nga mi mbut andjaf suma dingâ d’ingêr yam he gagazi mazid’a mi.

Galat-na 3:28

Ki tchetchemba, wala nga aduk Juif-fâ kandjaf suma dingâ d’i, nga aduk magumeina ki gro vuta d’i, nga aduk andjofâ karopma d’uo mi. Agi pet ni zlapa tu ki Jesus Christ.

Galat-na 6:12

Suma pet suma a min tak djivi mazid’a woi yam minda hi sa mazi ma adjeunid’a, ni azi ba, a nga lagi kad’enga á ngad’agi bayâd’a, kayam azi min fe ndaka yam agu ma b’ala hi Christ-sâ d’i.

Efes-sâ 2:11

Kid’a adjeu agi nandjaf suma dingâ tua d’a, Juif-fâ a nga yagi ala agi ni suma bei ngat bayâd’a. Ni bayâ d’a suma a nga ngad’ata. Kayam ndata, ar agi djib’eregi yam kak magi d’a adjeud’a.

Gat ta a hat á mbàd’id’a 10:16

Agi hagi hurugi pet mi Ma didina, agi lagi yam mba ad’enga d’uo d’a.

Gat ta a hat á mbàd’id’a 30:6

Ma didina mba mi mbud’ugi agi kandjavagi hurugi yed’et, kayambala agi lagi kam ki hurugi ma tuna ki tagi pet mi d’a. Hina wani, agi mba kagagi ki iragi avoromu.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Josue 5:2

Ata yi máma Ma didina mi de mi Josue ala: Ang tchet ahinad’a mbigeud’a, ang ngat andjaf Israel suma a vut danana bayâd’a.

Josue 5:4

D’op zla d’a Josue mi ngad’azi bayâd’a kata ba wana: Kayam Israel-lâ pet suma a buzugï woi avo Ezipte-na, gro andjof suma dur ayîna pet a bo woi abagei hur fulâ kur lovota bugol la azi buzugï woi avo Ezipte-d’a.