Ad’u Tinda 16:13 - Bible azumeina

¹³ Agar ri djop tat ala: Gagazi, na ni an we ni Mam ma nga mi wana zu? Ti yi simiyê Ma didin ma dat zlad’ina ala Angî El-Royi, Alo ma nga mi wana.

Ad’u Tinda 16:13 ပူးပေါင်းရင်းမြစ်များ

Ad’u Tinda 16:7

Malaikana hi Ma didina mi fat avun mbiyo ma laud’a kur lovot ta i yam ambas sa Sur-rid’a.

Ad’u Tinda 22:14

Abraham mi yi yi máma ala Ma didina nga mi he. Kayam ndata gak ini suma a nga dala: Ni yam ahinad’a hi Ma didinid’a ba, mam mba mi he.

Ad’u Tinda 28:17

Mi le mandarâ, mi dala: Yi máma ni yima mandarâ; gagazi, nazina hAlonina, ni vun azì ma akulona mi.

Ad’u Tinda 31:42

Ladjï Alona habuna Alona habun ngolo Abraham ma abun Isak lum mandarama mi nga ki sed’en nduo ni, ang aran an i nabon hawa. Wani Alona mi wan ndak manda ki sun nda an lat kabonda, mi kan sariya manda kama andjege.

Ad’u Tinda 32:30

Jakob mi yi yi máma ala Peniyel, kayam mi dala: An wAlona ki iranu, an nga karid’a mi.

Ad’u Tinda 32:31

Kid’a afata deîd’a, Jakob mi djak Peniyel, nga mi tit dileîd’a yam ir tchugulum mba pata.

Buzuk ka Abud’a 24:11

Alona mi le nga suma nglo suma Israel ndazina va d’i. Azi wumu. Bugola, azi të azi tchë.

Zla d’a d’ogolâ 15:3

Ma didina iram nga ata yina pet á gol suma asa’atna ki suma djivina mi.

Zla d’a d’ogolâ 5:21

Kayam Ma didina iram nga tinda yam tita hi sumid’a pet, nga mi gol sun mazid’a pet mi.

Suma ka sariyad’a 6:24

Zedeyon mi min yima ngal ahle suma ngat buzuna mi Ma didina ata yi máma. Mi yi yi máma ala Ma didina ni halasa. Yi máma mi nga gak ini avo Ofra d’a hi Abiyezer-ra.