Ad’u Tinda 15:4 - Bible azumeina

⁴ Ata yi máma Ma didina mi dum ala: Hawa! Nga ni Eliyezer ba, mba mi tang djong ngi. Wani ni gorong ma kurungâ ba, mba mi tang djongû.

Ad’u Tinda 15:4 ပူးပေါင်းရင်းမြစ်များ

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Ad’u Tinda 17:16

An mba ni b’e vunan kad’u, an mba ni hang gorâ ki sed’ed’u; an mba ni b’e vunan kad’u, mba d’i vut andjaf suma ablauna; andjaf amuleina ablaud’a a mba buzugï ni kurud’u.

Ad’u Tinda 21:12

Wani Alona mi de mi Abraham ala: Ar hurung zal yam zlad’a hi gorâ ki magom mangid’a d’i. Vama Sara ti duma ang humumu, kayam nandjafâ hi Isa’â hol ba, a mba ndumum andjavangû.

2 Samuel 16:11

David mi de mi Abisai kazungeî mama pet ala: Gola! Goron ma kuruna tamba pî nga mi halan á tchid’a. Ma Benjamin máma zla mamba djivid’a kal luo zu? Agi aram mi ngula. Ma didina mi hum vuna ni mamu.

2 Samuel 7:12

Fata burung ndak ang mba mit i kä azulei ad’u abuyonga, an mba ni tchol andjavang ma ndeï kurungâ blogongû, an mba ni hum ad’enga á tamula.

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.

Galat-na 4:28

Kayam ndata, b’oziyona, agi ni gro suma yam vun ma hled’a hAlonina d’igi Isak na.

Filemon 1:12

An nga ni sunungzi sä, mam ma d’igi vunadigan nda gugota na na.