Ad’u Tinda 15:18 - Bible azumeina

¹⁸ Ni kur bur máma ba, Ma didina mi djin vunam ki Abram, mi dum ala: An hambas sa wanda ni mandjavangû; tinï ad’ud’a navun toliyon nda Ezipte-d’a dei gak mba avun alum ma Efrat-na,

Ad’u Tinda 15:18 ပူးပေါင်းရင်းမြစ်များ

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Ad’u Tinda 13:15

Kayam andaga d’a ang wat pet wanda, an mba ni hangzi ni mi ang kandjavang gak didin.

Ad’u Tinda 2:14

Alum ma hindina a yum ala Tigre, nga mi djang iram abo ma yorogona hambas sa Asiri-d’a. Alum ma fid’ina a yum ala Efrat.

Ad’u Tinda 24:7

Ma didina Alo ma lakulod’a ma vanï woi kur azina habuna yam andaga d’a an vut kur ma mi dan ala: An gunung tanu, andaga d’a wanda, an mba ni hat mandjavangû na, mam mba mi sun malaika mama avorong sä hî; ang mba veï atchad’a mi gorona.

Ad’u Tinda 26:4

An mba ni zulung andjavangî d’igi tchitchiud’a na. An mba ni hum andaga ndata pet. Ni kayam mam ba, an mba ni b’e vunan yam andjaf suma yam andagad’ina pet,

Ad’u Tinda 28:4

Alona mi b’e vunam kang kandjavang d’igi mi b’e vunam yam Abraham hina, kayam ang te yam andaga d’a ang nga kaka kat angeina wanda d’a Alona hat mi Abraham-mba.

Ad’u Tinda 35:12

Andaga d’a an hat mi Abraham ki Isak-ka, an mba ni hangziya, an mba ni hat mandjavang ma a mba vud’um blogongâ mi.

Ad’u Tinda 50:24

Josef mi de mi b’oziyoma ala: An nga ni mit ni mid’a; wani gagazi, Alona mba mi mba á ndjunugiya, mba mi yogi woi ka hî á hulongôgi kur ambas sa mam hle vunam kat ki gun tad’a mi Abraham, mi Isak ki Jakob-pa.

2 Samuel 23:5

Alona mi le hina ki sum mana d’uo zu? Mi djin vun ma didina ki sed’enu; vun ma djin ma djivi máma mi nga mi ngomomu. Sut manda kahle suma djivina pet suma an minizina, a mba tcholï natam mam mbuo zu?

2 Samuel 8:3

Kid’a Hadadezer Rehop amul ma Soba-na goroma mi hulong á hle leu mam mba avun alum ma Efrat-nid’a, David mi dur ayîna ki sed’emu.

1 Amuleina 4:21

Salomon mi te yam leu d’a ding nga nguyumba pet, tinï ad’ud’a avun alum ma Efrat-na dei gak mba kur ambas sa Filistê-d’a, gak mi yoï hagad’a ki Ezipte. Kid’a mam nga ki iram tua d’a, amulei suma kur ambas ndatina pet a ge yazi kä ad’umu, a nga hum tara mi.

1 Amuleina 5:1

Ata yima Hiram amul ma Tir-râ mi hum ala Salomon mi vrak wa tamula balum abum David’u na, mi sunï azungeî mama á ve banad’a ki sed’emu, kayam mam mi David banama.

1 Sunda Hamuleinid’a 16:16

Mi nga mi djib’er yam vun ma djin ma mam djinim ki Abraham-ma, ki gun nda mam gun tam mi Isak-ka mi.

1 Sunda Hamuleinid’a 5:9

Abo ma yorogona a kak kua gak i avun hur ful ma wal ir ambas mazid’a woi kalum ma Efrat-nina, kayam a nga ki d’uwarâ ablaud’a heî yam ambas sa Galät ndata.

2 Sunda Hamuleinid’a 7:8

Ata yi máma Salomon mi le vun tilâ hi Zlub’ud’ina zlapa ki Israel suma ablau suma mimiyâk suma a nga tokina gak burâ kid’iziya avo Jerusalem. Suma a mba ndazina ni suma tcholï abo ma Hamat-nina ki suma a tcholï avun toliyon nda Ezipte-d’a deina mi.

2 Sunda Hamuleinid’a 8:7

Suma Het-na ki suma Amor-râ ki suma Peris-sâ ki suma Hef-fâ ki suma Jebus-sâ pet suma a ar suma a nga nandjafâ hi Israel-lâ d’uo na,

2 Sunda Hamuleinid’a 9:26

Mi te yam amuleina pet, tinï ad’ud’a avun alum ma Efrat-na dei gak mba yam andaga d’a Filistê-d’a, kal gak mba ir haga d’a Ezipte-d’a.

Esdras 4:20

Adjeu amulei suma ad’engâ a nga kur Jerusalem. Ni suma a te yam suma pet suma a nga kaka abo alum ma Efrat-na woi hina, suma a nga wuragazi bege d’a a ngazizi kazid’a d’oze tara d’oze bege d’a a i kakoid’id’a mi.

Nehemi 9:8

Ang wum ni ma d’engzengâ avorongû, ang djin vunang ki sed’em á handjavam ambasa hi suma Kanan-nid’a, hi suma Het-nid’a, hi suma Amor-rîd’a, hi suma Peris-sîd’a, hi suma Jebus-sîd’a ki d’a hi suma Girgas-sîd’a. Ang le sunda yam zla d’a ang data, kayam angî ma d’engzengâ.

Sawal la giled’a 105:11

Mi dala: An mba ni hang ambas sa Kanan-nda d’igi djo mang ma ted’a na.

Buzuk ka Abud’a 13:11

Moise mi de kua ala: Fata Ma didina mi kalagi kur ambasa hi suma Kanan-nid’a d’igi mi gunugi tam kat kabuyogi ngolo na ala mba mi hagiziya d’a,

Buzuk ka Abud’a 2:24

Alona mi hum zam ta mazid’a, mi djib’er yam vun mam ma djin ma mi djinim ki Abraham ki Isak ki Jakob-ma.

Buzuk ka Abud’a 23:23

Malaika mana mba mi tit avorogiya, mba mi igi kur ambasa hi suma Amor-râ, hi suma Het-na, hi suma Peris-sâ, hi suma Kanan-na, hi suma Hef-fâ ki d’a hi suma Jebus-sîd’a; an mba ni dap sum ndazina woi avorogiya.

Buzuk ka Abud’a 3:8

An tchugï asen kä á pad’azi woi abo Ezipte-na á buzuguzi woi kur ambas sa wanda á izi kur ambas sa djivi d’a bubu d’a ambira ki mbul ayuma a nga sor kä kuad’a. Nambas sa suma Kanan-na, suma Het-na, suma Amor-râ, suma Peris-sâ, suma Hef-fâ ki suma Jebus-sâ a nga kaka kuad’a.

Buzuk ka Abud’a 32:13

Ang djib’er yam Abraham azi ki Isak ki Israel, azungeî mang suma ang dazi ala: An gun tan ki an tanda, an mba ni zulugi andjavagi d’igi tchitchiud’a na, an mba ni hazi andaga d’a pet ta an de kata, azi mba tat djona burâ ki burâ na.

Buzuk ka Abud’a 34:11

Ang gol tang djivi ki vun ma he ma an nga ni hangzi inina. An mba ni dik suma Amor-râ, suma Kanan-na, suma Het-na, suma Peris-sâ, suma Hef-fâ ki suma Jebus-sâ woi avorogiya.

Buzuk ka Abud’a 34:24

Ata yima an mba ni dik andjaf suma woi avorogina, an mba ni hud’ugi id’a avogovogo. Sama mba mi le d’od’oka yam ambas magid’a ata yima agi mba togogi avoron an Ma didina Alo magina yagi hindi kur bizad’a tud’ina nga d’i.

Buzuk ka Abud’a 6:4

An djin vunan ki sed’ezi á hazi ambas sa Kanan nda azi kak adjeu kat d’igi angoyogeina na d’a.

Buzuk ka Abud’a 6:8

An mba ni kalagi kur ambas sa an gun tan kat á hat mi Abraham Isak ki Jakob-pa, an Ma didina mba ni hagizi djona.

Isai 27:12

Kur bur máma Ma didina mba mi dut awu mama, mba mi tinï ad’ud’a avun alum ma Efrat-na dei gak mba avun toliyon nda Ezipte-d’a, mba mi dud’ugi agi Israel-lâ tutu pet.

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.

Jeremi 32:22

Ang haziya wa ambas sa ang gun tang kat mabuyozi ngolo á hazizid’a. Nambas sa ambira ki mbul ayuma a nga sor kä kuad’a mi.

Jeremi 32:40

An mba ni djin vun Ma djin ma didina ki sed’eziya, an mba ni wal lei ki sed’ezi d’i. An mba ni lazi djivid’a, an mba ni kal mandar mana kuruziya, kayambala azi wal lei ki sed’en nduo d’angû d’a.

Sunda hi suma hi Levi-nid’a 26:42

Ata yi máma an mba ni djib’er yam vun man ma djin ma an djinim kabuyozi ngolona, nala, ki Jakob ki Isak ki Abraham. An mba ni djib’er yam vun ma hle ma an hlum yam ambas mazid’ina mi.

Sunda hi suma hi Levi-nid’a 26:45

An mba ni djib’er kazi á wazi hohowozi yam vun ma djin ma an djinim kabuyozi ngolo á buzuguzi woi kur ambas sa Ezipte-d’a ir andjaf suma dingâ á kak Alo mazinina, kayam an ni Ma didina.

Ndumba 34:5

Ti tchol Asmon, ti kong gak ti i avun toliyon nda Ezipte-d’a á dabï avun alum ma ngol ma Mediterane-na.

Sunda hi suma a sunuzinid’a 7:5

Alona mi hum nga yina kurut ti, yima tin asema pî nga d’i. Wani kid’a mam bei mi vut gorâ tua d’a, Alona mi hlum vunam ala mba mi hum ambasa mba mi hat mandjavam ma mi mba blogoma mi.

Gat ta a hat á mbàd’id’a 11:24

Ata yima lara ma agi mba tinigi asegi kuana pet, mba mi arî magina, haga magid’a mba d’i tinï ad’ud’a ni hur fulâ dei gak ti mba avo Liban, ti kal gak ti i avun alum ma Efrat-na ti djak gak ti i avun alum ma ngol ma Mediterane-na abo ma fladegena.

Gat ta a hat á mbàd’id’a 12:20

Wani fata Ma didina Alo magina mi igi ambas magid’a avogovok d’igi mam de na d’a, le adjana tchagiya, le agi min mud’ugi hliuna ni, agi ndak á mud’ugizi d’igi agi min na.

Gat ta a hat á mbàd’id’a 19:8

Wani le agi ngomogi vun ma he ma pet ma an hagizi inina, le agi tid’igi kamu, le agi lagi yam Ma didina Alo magina, le agi gagi yagi kä á le min mamba teteu mi ni, mam mba mi igi andaga magid’a avogo, mam mba mi hagi ambasa pet ta mam hle vunam kat mabuyogi ngolo á hagizid’a. Ata yi máma agi mba managi azì ma nglona kua hindi yam ma avok ma hindi ma ngei ta máma.

Gat ta a hat á mbàd’id’a 34:4

Ma didina mi dum ala: Wana nambas sa an hle vunan kat ki gun tad’a mi Abraham ki Isak ki Jakob ala: An mba ni hat mandjavagiya d’a. An tagangziya wa; ang wat ki irangû, wani ang mba kal kur ri.

Gat ta a hat á mbàd’id’a 7:1

Moise mi dazi kua ala: Ma didina Alo magina mba mi kalagi kur ambas sa agi mba hlata, mba mi dik andjaf ma ablauna woi avorogiya, nala, suma Het-na, suma Girgas-sâ, suma Amor-râ, suma Kanan-na, suma Peris-sâ, suma Hef-fâ ki suma Jebus-sâ, andjaf ma kid’iziya máma, nandjaf ma ablau ma sib’ik mamba kalagina.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

Josue 13:3

tinï ad’ud’a Sihor ra nga avok Ezipte-d’a dei gak mba yo hagad’a ki Ekron. Ni yima suma Kanan-na a te kam adjeuna, ni yima amulei suma vahl suma Filistê-na a nga te kama, nala, azì ma Gaza-na, ma Asdot-na, ma Askalon-na, ma Gat-na ki ma Ekron-na ki suma Af-fâ.

Josue 15:4

ti kal gak ti mba Asmon, ti ndeza woi kur toliyon nda Ezipte-d’a. Haga mata i dabï avun alum ma ngol ma Mediterane-na. Wana ni haga magi d’a abo ma sutnid’a.

Vama ndum mbeina 9:14

Del ndata ti de mi malaika ma karagaya ma nga kadifa aboma ala: Ang but malaika suma fid’i suma a nga djinda kä ki kindjingâ avun alum ma Efrat-nina akulo.