Ad’u Tinda 13:8 - Bible azumeina

⁸ Kayam ndata, Abram mi de mi Lot ala: Ar yalâ mi tchol adigei d’i, d’oze aduk man suma pola ki mang suma pola d’uo mi, kayam ei ni b’oziyo teya.

Ad’u Tinda 13:8 ပူးပေါင်းရင်းမြစ်များ

Ad’u Tinda 13:9

Andagad’a ba sä avorong wan pet tuo zu? Ang wal adigang ngei ki anu; ang le i ni irang abo ma gulana ni, an i iran abo ma ndjufâ; le ang i ni irang abo ma ndjufâ ni, an i iran abo ma gulana mi.

Ad’u Tinda 14:14

Ata yima Abram mi hum ala a ve wa wiyema goroma, a hurumum wa mi na, mi b’rau ahle suma dur ayîna mi suma a vut avo hatama, azi pet ni kikis hindi yam dogo yam klavandi; azi halazi ad’uzi gak a fazi sä avo Dan.

Ad’u Tinda 45:24

Bugola, mi de mi b’oziyoma ala: Ar agi yalagi tagi glovot tuö wö, mi arazi a iya.

Ad’u Tinda 46:34

agi dum ala: Ami azungeî mangâ ni suma ngom d’uwarâ ki gugurei tami dei gak ini d’igi abuyomi ngolo hina. Hina wani, mba mi hagi vuna á kagagi yam ambas sa Gosen-nda, kayam suma pol aho’â pet, Ezipte-na a golozi ni is.

Sawal la giled’a 133:1

Ni sawala hi David ta suma a djak Jerusalem á lü vun tilîna a hlata. Wana ni vama djivi ma le suma tazi djivid’a heî na: Ar b’oziyod’a a kak zlapa tu.

Buzuk ka Abud’a 2:13

Tcha ndjivinda mi i gevezi kua, mi we Hebre-na mbà a nga to taziya, mi de mi ma nga mi le ndrama sulu’îna ala: Ni kayam me ba, ang to ndrangâ na ge?

Zla d’a d’ogolâ 15:1

Zla d’a a hulongôt ded’a ki del la djivid’id’a, ti ve vun ayîna kä, wani zla d’a de d’a tchod’a ti tcholî ayîna akulo.

Zla d’a d’ogolâ 15:18

Sama ayîna heîna nga mi tchol ki huneîd’a, wani sama le lilinga nga mi ve vun huneîd’a kä.

Zla d’a d’ogolâ 20:3

Sama mi wal tam mbei ki huneîd’ina, suma a mba hum ngola. Wani sama lili ma lara ge pî, mi tcholot nakulo.

Matiye 5:9

Suma a nga zlap suma darigïd’ina a le furîd’a, kayam Alona mba mi yazi ala Groma.

Sunda hi suma a sunuzinid’a 7:26

Tcha ndjivinda mi i geveziya, mi fe Israel-lâ mbà a nga to taziya. Mi min á zlabazi adigaziya, mi gad’azi ala: Agi ni b’oziyo tagiya. Ni nana ba, agi lagi tagi sulu’â hina ge?

Romê-na 12:10

Ar agi lagi yam tagi d’igi b’oziyo tagi na. Ar agi lagi ad’u tagi mi.

Filip-ma 2:14

Ar agi lagi ahlena pet bei gureîd’a, bei tuguyod’a mi,

1 Tasaloni’â 4:9

Wani kayam zla d’a o d’a yam b’oziyoi suma he gagazid’ina, agi nga djup sa mi lagi mbaktum kat tuo d’a, kayam Alona mi had’agi á le yam tagi da’.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

Hebre-na 13:1

Ar agi lagi yam tagi teteu d’igi b’oziyo tagi na.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 2:17

Agi hugi suma pet, agi lagi yam b’oziyogi suma a he gagazid’ina, agi lagi mandar Alona, agi gagi yagi kä avok amul ma ngolâ mi.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

1 Pierre 4:8

Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a.

2 Pierre 1:7

agi mbud’ugi tagi d’igi Christ na, agi lagi yam b’oziyogi suma kur Christ-sâ, agi lagi od’a yam suma pet mi.

1 Jean 4:7

Buniyôn suma od’a, ar ei leigi yam teya, kayam od’a tcholï nata Alona. Sama lara pî ma nga mi le od’ina, Alona mi vud’um mi mamu, mi wAlona mi.

Suma ka sariyad’a 9:26

Gal Ebet goroma mi mba ki b’oziyoma avo Sikem; suma Sikem-ma huruzi vumu.