Ad’u Tinda 13:15 - Bible azumeina

¹⁵ Kayam andaga d’a ang wat pet wanda, an mba ni hangzi ni mi ang kandjavang gak didin.

Ad’u Tinda 13:15 ပူးပေါင်းရင်းမြစ်များ

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

Ad’u Tinda 13:17

Ang tchol akulo, ang tit yam andagad’a, ang wat fiyagat ki bubuwad’u, kayam an mba ni hangziya.

Ad’u Tinda 15:18

Ni kur bur máma ba, Ma didina mi djin vunam ki Abram, mi dum ala: An hambas sa wanda ni mandjavangû; tinï ad’ud’a navun toliyon nda Ezipte-d’a dei gak mba avun alum ma Efrat-na,

Ad’u Tinda 15:7

Ma didina mi dum kua ala: An ni Ma didin ma pad’angî woi kur andaga d’a Ur ra Kalde-d’a á hang ambas sa wandina.

Ad’u Tinda 18:18

Kayam Abraham mba mi mbut nandjaf ma ngol ma ad’engâ; andjaf suma yam andagad’ina pet, an mba ni b’e vunan kazi ni kamu.

Ad’u Tinda 24:7

Ma didina Alo ma lakulod’a ma vanï woi kur azina habuna yam andaga d’a an vut kur ma mi dan ala: An gunung tanu, andaga d’a wanda, an mba ni hat mandjavangû na, mam mba mi sun malaika mama avorong sä hî; ang mba veï atchad’a mi gorona.

Ad’u Tinda 28:13

Gola! Ma didina mi nga akulo yam agu máma, mi dum ala: An ni Ma didina, Alona habung ngolo Abraham-ma, Alona habung Isa’â. Andaga d’a ang nga burâ kat wanda, an mba ni hangzi mi ang kandjavangû.

Ad’u Tinda 28:14

Andjavang mba mi zul d’igi andaga d’a gugud’upa na, mba mi b’rau woi kakä abo ma fladegena, abo ma yorogona, abo ma norâ kabo ma sutna. Ni kayam ang kandjavang ba, an mba ni b’e vunan yam suma yam andagad’ina pet.

Ad’u Tinda 28:4

Alona mi b’e vunam kang kandjavang d’igi mi b’e vunam yam Abraham hina, kayam ang te yam andaga d’a ang nga kaka kat angeina wanda d’a Alona hat mi Abraham-mba.

Ad’u Tinda 35:12

Andaga d’a an hat mi Abraham ki Isak-ka, an mba ni hangziya, an mba ni hat mandjavang ma a mba vud’um blogongâ mi.

Ad’u Tinda 48:4

mi dan ala: An mba ni zulung andjavang ndjondjoî, an mba ni mbud’ung andjavang ades suma ablauna, an mba ni hang andaga d’a wanda mandjavang ma blogongâ gak didin.

Ad’u Tinda 50:24

Josef mi de mi b’oziyoma ala: An nga ni mit ni mid’a; wani gagazi, Alona mba mi mba á ndjunugiya, mba mi yogi woi ka hî á hulongôgi kur ambas sa mam hle vunam kat ki gun tad’a mi Abraham, mi Isak ki Jakob-pa.

1 Sunda Hamuleinid’a 16:18

Mi dala: An mba ni hang ambas sa Kanan-nda d’igi djo mang ma ted’a na.

2 Sunda Hamuleinid’a 20:7

Ni ang Alo mamina ba, dik suma a nga kaka yam ambas sa wandina woi avok mang suma Israel-lâ, ang hat mandjafâ hi Abraham ma mi le kang heîna gak didin nduo zu?

Sawal la giled’a 37:22

Suma Ma didina mi b’e vunam kazina a mba tandagad’a djona, wani suma mi gazi vunina a mba tchazi woi mi.

Sawal la giled’a 37:29

Suma d’ingêrâ a mba tandagad’a djona, azi mba kak kat gak didin.

Buzuk ka Abud’a 32:13

Ang djib’er yam Abraham azi ki Isak ki Israel, azungeî mang suma ang dazi ala: An gun tan ki an tanda, an mba ni zulugi andjavagi d’igi tchitchiud’a na, an mba ni hazi andaga d’a pet ta an de kata, azi mba tat djona burâ ki burâ na.

Buzuk ka Abud’a 33:1

Ma didina mi de mi Moise kua ala: Ang tchola, ang ki suma ang buzuguzï woi kur ambas sa Ezipte-d’a á i yam ambas sa an hle vunan kat mi Abraham azi ki Isak ki Jakob ki gun tad’a ala an mba ni hat mandjavaziya d’a.

Isai 63:18

Ami mang suma yed’etna ami kagami yam ambasa ni hina ndjö. Mami suma djangûna a miret yi mang ma a tinim iram vama kä kaseziya.

Ndumba 34:2

Ang he vuna mi Israel-lâ, ang dazi ala: Ma didina mi dala: Fata agi mba kalagi kur ambas sa Kanan-ndid’a, haga mat ta wanda mba d’i arî djo magina.

Matiye 5:5

Suma lulumana a le furîd’a, kayam a mba tandagad’a djona.

Sunda hi suma a sunuzinid’a 7:5

Alona mi hum nga yina kurut ti, yima tin asema pî nga d’i. Wani kid’a mam bei mi vut gorâ tua d’a, Alona mi hlum vunam ala mba mi hum ambasa mba mi hat mandjavam ma mi mba blogoma mi.

Gat ta a hat á mbàd’id’a 34:4

Ma didina mi dum ala: Wana nambas sa an hle vunan kat ki gun tad’a mi Abraham ki Isak ki Jakob ala: An mba ni hat mandjavagiya d’a. An tagangziya wa; ang wat ki irangû, wani ang mba kal kur ri.

Gat ta a hat á mbàd’id’a 9:5

Nga ni kayam d’ingêr magid’a ki hur magi ma tuna ba, agi mba hlagi ambas mazid’a d’i, wani ni kayam asa’ata handjaf sum ndazinid’a ba, Ma didina Alo magina mba mi digizi woi avorogi ni na, ná ndak vun vun ma hle ma mi hlum mabuyogi ngolo, Abraham, Isak ki Jakob-ma.