Ad’u Tinda 10:4 - Bible azumeina

⁴ Javan groma ba wana: Elisa, Tarsis, Kitim ki Dodanim.

Ad’u Tinda 10:4 ပူးပေါင်းရင်းမြစ်များ

Ad’u Tinda 10:5

Nata azi ba, andjafâ mi b’rau woi avun mbina teteng, nge nge pî kandaga mamba ki vun mama, ad’u andjavam kadezem mi.

1 Sunda Hamuleinid’a 1:7

Javan groma ba wana: Elisa, Tarsis, Kitim ki Rodanim.

Isai 23:1

Wana ni zla d’a a dat yam azì ma Tir-rîd’a: Agi suma kur bato d’a Tarsis-sa, agi tchigiya, kayam a b’lagat tei da’. Azì nga d’uo mi na, vun agrek ma kal kuana mi nga d’uo mi. Zla ndata a humud’ï ni yam til la Kitim-mba.

Isai 23:12

Mi dala: Ndak gor wei d’a Sidon nda a b’lagaka, ndak nga d’i i avok kur furîd’a d’uo d’a. Le ndak tchol akulo, ndak i yam ambas sa Kitim-mba pî, ndak mba d’i fe lovota á tuk tak ki.

Ezekiyel 27:12

Suma Tarsis-sâ a mbut abozi ni kahle mang suma a sam mbei atang duzîna, a gus ahle mangâ ki bege d’a hapa ki kawei ma wurana ki dorona ki kawei ma anek ma a nga kahlenina.

Ezekiyel 27:25

Bato d’a Tarsis-sa nga d’i zi ahle suma kurungâ yam mbina. Ahlena a nga oîd’a kurung d’igi bato d’a hur alum ma ngolîd’a na mi.

Ezekiyel 27:6

A min prau mangâ ni kagu sen ma Basan-na, a min bang mangâ ni kagu ma kur til la Kitim-mba ma a gulud’um ki sï ahlo’îna.

Ezekiyel 27:7

A min baru mang nga yam batod’id’a ni ki baru d’a luluî d’a Ezipte d’a d’udjod’a, a mining zlub’u manga ni ki baru d’a hleu d’a sisila, ni ki baru d’a hleu d’a kekeng nga kur til la Elisa d’a.

Daniel 11:30

Azigar suma abo ma fladegena a mba mba ki batod’a á dur ki sed’emu. Tam mba d’i tchuk lus, mba mi hulong kazigam glovod’o. Hurum mba mi zal ata suma Alona mi djin vunam ki sed’ezina, mba mi ndjak vunam ki suma a nga d’engzeng yam vun ma djin ma Alona mi djinim ki sed’ezina d’uo na.

Ndumba 24:24

Wani batod’a mba d’i tcholï kur til la Kitim-mba, suma kurutna a mba hulong suma Asiri-na yazi kä, a mba hulong yam andjafâ hi Heber-râ kä mi, wani suma kur bato ndatina a mba b’lak kei mi.