Ad’u Tinda 1:27 - Bible azumeina

²⁷ Hina Alona mi le sana d’igi mam na, mi lum hle tam d’igi mam na; mi le mandjufâ katchad’a mi.

Ad’u Tinda 1:27 ပူးပေါင်းရင်းမြစ်များ

Ad’u Tinda 2:18

Wani Ma didina Alona mi de kurum ala: Nga djivid’a tala sana mi kak vam tu d’a d’i. An nga ni lum mba ndjun nda hle tat d’igi mam na d’a.

Ad’u Tinda 2:7

Ata yima Ma didina Alona mi min sana kandaga d’a gugud’upina, mi fom muzugam ma he arid’ina atchinamu, sa máma mi mbut sama arina.

Ad’u Tinda 9:6

Kayam an Alona le sana ni d’igi an na, sama tchi sanina, sama ding mba mi tchum mi.

Sawal la giled’a 139:14

An nga ni gileng kayam an ni vama ge ma ndandalâ; sun manga ni sun nda atchapa, an wat tei tetet mi.

Ma tchi wala 7:29

Vama an fuma ba wana: Alona mi le suma ni d’ingêr, wani azi pet ni suma mbut ira.

Isai 43:7

Agi mbeyegï ki suma pet suma a nga yan simiyêna, suma pet suma an lazina, suma an tchuguzina, suma an minizi á tagan subur manda woina mi.

Jeremi 29:6

agi vigigi aropma, agi vud’ugi gro andjofâ ki gro aropma; agi vigigi grogina aropma, agi hagi grogi suma aropma ndjufâ, ar azi vut gro andjofâ ki gro aropma. Agi zulugi ata yima agi nga kuana, ar agi feyêgi d’i.

Malatchi 2:15

NAlona ba, mi mbud’ugi hliu ma tuna ki muzuk ma tuna d’uo zu? Ni kayam me ba, mi le hina ge? Kayam agi vud’ugi gro suma d’ingêrâ mAlona. Agi gologi tagi djiviya! Ar sa adigagi mi wal lei kamam mba azonga d’i.

Matiye 19:4

Jesus mi hulong dazi ala: Agi ndumugi nga kur mbaktumba hAlonid’a ala: Kad’u tinda ei dei Ma lahlena petna mi ge mandjufâ katchad’a d’uo zu?

Marik 10:6

Wani kad’u tinda ata yima Alona mi lahlena petna, mi ge mandjufâ katchad’a mi.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Efes-sâ 4:24

Ar agi tchugugi sama awili ma Alona mi gum mi hle tam d’igi mam na na atagiya, ni mam ma nga mi tagagi tit ta gagazi d’a d’ingêr ra agi tinit irat vat mAlonid’a.

Gat ta a hat á mbàd’id’a 4:32

Moise mi dazi kua ala: Agi djobogi tagi yam ahle suma a le kur atchogoi d’a kala ata yima Alona mi le sana yam andagad’a dei gak inina. Agi djib’eregi yam ahlena pet suma a le yam andagad’ina, tinï ad’ud’a avun dabid’a handagad’id’a dei gak nde sä woi abo hî. Agi wagi vama ndandal hina mi le woi yam tu, d’oze agi humugi zla vama yoyou ma hina na woi yagi tu zu?

Kolos-sâ 1:15

Christ ma ei wum mi hle tam dedege d’igi Alo ma bei wum ki ira na na, mam mi Gor ma a vud’um avo’â, ni ma avok ahlena pet suma Alona mi lazina.

Kolos-sâ 1:26

nala, zla mam mba muduri d’a mi ngeyet tei ir suma kur atchogoi d’a pet ta kala. Wani ki tchetchemba, mi ndat tei mi sum mama.

Kolos-sâ 3:10

Agi tchugugi sama awilina atagi d’igi barud’a na, ni ma nga mi mbut awilid’a á we gagazid’a dedege d’igi mam ma guma na na.

Suma ka sariyad’a 21:22

Le abuyozi d’oze b’oziyozina a mba a tchi tazi gevemiya ni, ami mba dazi ala: Ami nga tchenegiya, ar agi humumi yam zlad’a hi suma hi Benjamin-nid’a, kayam ata yima ami durumi suma Jabes-sina, ami fami nga lovota á hazi aropma tutu pet tuo d’igi ni agi ba, hazi grogi suma aropma d’uo na. Sa mi ndak á tchugugi zlad’a kagi ala agi tchilagi ni yam gun ta d’a agi gunugi tagi d’a d’i.