2 Tasaloni’â 3:6 - Bible azumeina

⁶ B’oziyomina, ami nga hagi vuna ki simiyê Saleina Jesus Christ ala ar agi walagi woi ki b’oziyoina pet suma azulom suma a nga tit bugol hat ta ami had’azizid’a d’uo na.

2 Tasaloni’â 3:6 ပူးပေါင်းရင်းမြစ်များ

Matiye 18:17

Le mi humuzi nga d’uo ni, ang de zla ndata woi mi Toka. Le mi hum nga Toka d’uo mi ni, ang golomî d’igi sama angeina d’oze sama tar lombod’a na.

Romê-na 16:17

B’oziyona, an nga ni gigid’egi yam suma a nga mba ki wala suma a nga vit suma a he gagazid’ina woina. Azi ni suma hat mazid’a ndjak nga ki hat magi d’a agi vat adjeud’a d’uo na. Ar agi walagi woi dei ki sed’eziya.

1 Korente-na 11:2

An nga ni suburugi kayamba agi nga djib’eregi kan kur ahlena peta, agi nga tid’igi yam hat ta an had’agizid’a mi.

1 Korente-na 5:4

Ata yima agi nga togogina, djib’er manda ti nga zlapa ki sed’egiya, ad’enga hi Saleina Jesus Christ-sa ti nga adigagi mi,

1 Korente-na 5:9

Kur mbaktum mba an b’irigizid’a, an dagi ala agi lagi darigïd’a ki suma mizeuna d’i.

2 Korente-na 2:10

Le agi vad’agi hurugi yam sa ni, an vat hurun ndei kam mi. Le an vat hurun ndei yam sa ni, an vat hurun ndei kam ni yam agi avok Christ,

Efes-sâ 4:17

Ni kayam ndata ba, an nga ni de, nga ni le glangâsâ ki simiyê Salad’a ala ar agi tid’igi d’igi andjaf suma bei wAlona a nga tit kur djib’er mazi d’a hawa yaka na d’uo d’a.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

1 Tasaloni’â 4:1

B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.

1 Tasaloni’â 4:11

Ar agi b’ad’agi tagi á kagagi tchugot, ar agi kagagi agi tinigi iragi yam ahle magina, ar agi lagi sunda kabogi á fahle magina d’igi ami hagi vuna avok na.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

2 Tasaloni’â 2:15

Kayam ndata, b’oziyomina, ar agi kagagi ngingring kur hat ta ami had’agizid’a ki zla d’a ami dagizid’a ki mbaktum mba ami b’irigizid’a mi.

2 Tasaloni’â 3:7

Kayam agi tagi wagi ala djivid’a agi tid’igi balum asemiya, kayam kak mami d’a adigagid’a ami lami nga azulomba d’i.

1 Timote 5:21

An nga ni tcheneng avok Alona, avok Jesus Christ, avok malaika suma Alona mazina mi, ang ngom ahle ndazina bei gigrita, bei le yam ma ding kal ma dingâ ba.

1 Timote 6:5

ki tuguyod’a hi suma djib’er mazid’a b’lak keina. Zla d’a gagazid’a nga kuruzi d’i, a nga djib’er ala he gagazi d’a yam zlad’a hAlonid’a ni lovot ta fe beged’a.

2 Timote 3:5

A mba golozi ni d’igi suma he gagazid’a d’igi ei na na, wani azi mba tin vunazi yam ad’eng mamba. Ang mbut azigang mi suma hina na.

2 Timote 4:1

An nga ni tcheneng avok Alona, avok Jesus Christ ma mba mi ka sariyad’a yam suma arina yam suma matna ata yima mam mba mba á te leu mambina.

2 Jean 1:10

Sama mba gevegi ki hata hi Christ-sa d’uo na, ar agi vum avo hatagi d’i, agi gum depa d’uo mi.