2 Tasaloni’â 3:14 - Bible azumeina

¹⁴ Sama ge nga yam kä ad’u zla d’a ami b’irit kur mbaktum mba wanda d’uo ni, agi gologi tagi djivi ki sed’emu. Ar agi zlabagi ki sed’em mbi, kayam zulona lumu.

2 Tasaloni’â 3:14 ပူးပေါင်းရင်းမြစ်များ

Esdras 9:6

an tchenem ala: Alo mana, an nga kur tcha d’a tatad’a, an nga ki zulona á hle iran akulo á golongû, kayam tcho mamid’a ti kal ngola, ti kal akulo kamiya; tchila mamid’a ti i gak do hur alona.

Sawal la giled’a 83:16

Ang digizi ki simet mang ma ngolâ, ang mbud’uzi mandarâ ki babar mang ma ngol ma kal papana mi.

Zla d’a d’ogolâ 5:13

An le ni nana ba, an hum vun suliyona d’uo ge? An le ni nana ba, an tin human á hum suma a had’ana d’uo ge?

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Sofoni 3:2

Azi hum nga yid’a hi Ma didinid’a d’i, a nga min ngop pa mi ngobozid’a d’i, a nga tin huruzi kam mbi, a nga hut gevem mam Alo mazina d’uo mi.

Ndumba 12:14

Ma didina mi de mi Moise ala: Ladjï abut mi tuvot ayôna irat ni mamu ni, mba d’i mbut zulona gak burâ kid’iziya d’uo zu? Ar ang walat tei ki kangâ gak burâ kid’iziya. Bugol tua ba, ang hulongôd’ï kur kangâ.

Matiye 18:17

Le mi humuzi nga d’uo ni, ang de zla ndata woi mi Toka. Le mi hum nga Toka d’uo mi ni, ang golomî d’igi sama angeina d’oze sama tar lombod’a na.

Romê-na 16:17

B’oziyona, an nga ni gigid’egi yam suma a nga mba ki wala suma a nga vit suma a he gagazid’ina woina. Azi ni suma hat mazid’a ndjak nga ki hat magi d’a agi vat adjeud’a d’uo na. Ar agi walagi woi dei ki sed’eziya.

1 Korente-na 4:14

An nga ni b’irigi ahle ndazina ná mbud’ugi zulona d’i, wani ná had’agi d’igi gron suma an hurun vazi heîna na.

1 Korente-na 5:11

Wani an dagi ni yam sama yi tam ala mam mi kretiyêna na. Wani le ni ma mizeuna, d’oze ma a’arad’a, d’oze ma tuwal fileina, d’oze ma ngul suma, d’oze ma gurut ki süma, d’oze ma kula, ar agi lagi darigïd’a ki sed’em mbi, ar agi tagi va ki sed’em mbuo mi.

1 Korente-na 5:9

Kur mbaktum mba an b’irigizid’a, an dagi ala agi lagi darigïd’a ki suma mizeuna d’i.

2 Korente-na 10:6

Ami minimi tami da’. Le agi gagi yagi kä kukud’ugu ni, ami mba kami sariyad’a yam suma bei hum vuna.

2 Korente-na 2:9

Kayam ndata, an b’irigi ki mbaktum ndata á kugugiya, á we na ni agi nga gagi yagi kä ad’u ahlena pet suma an nga ni had’agizina ko zu?

2 Korente-na 7:15

Ata yima humam gum yam ge d’a agi gagi yagi kä avoromba, ata yima agi vum atagi ki mandarâ ki zlakina, hurum vagi ngola kala.

Gat ta a hat á mbàd’id’a 16:12

Ata yi máma agi djib’eregi ala adjeu agi ei ni magomba Ezipte, agi ngomogi gat ndata, agi tid’igi kat mi.

Filip-ma 2:12

Kayam ndata, buniyôn suma od’a, d’igi agi nga humun teteu na, nga ni iran hol li, wani ki tchetchemba an nga adigagi d’uo pî, ar agi lagi sunda yam sut magid’a ki mandarâ ki zlaka mi.

Kolos-sâ 4:16

Ata yima agi le ndumugi mbaktum ndata adigagiya ni, agi i ndumut aduk Tok ka Lawodise-d’a mi. Agi tagi ndumugi mbaktumba hi suma Lawodise-nid’a mi.

1 Tasaloni’â 4:8

Kayam ndata, sama noî hat ndata woina, mi noî ni sana d’i, wani mi noî nAlo ma mi hagi Muzuk mam ma bei tchod’a ba na kurugina.

2 Tasaloni’â 3:6

B’oziyomina, ami nga hagi vuna ki simiyê Saleina Jesus Christ ala ar agi walagi woi ki b’oziyoina pet suma azulom suma a nga tit bugol hat ta ami had’azizid’a d’uo na.

Wana ni mbaktum mba Paul mi b’irit mi Tit-ta 2:8

Ang de ni zla d’a irata bei sana mi vang ki zla d’a bad’a, kayam mang suma djangûna a mbut zulona tala a de zla d’a tchod’a kei d’uo d’a.

Wana ni mbaktum mba Paul mi b’irit mi Tit-ta 3:10

Sama nga mi mba ki wala aduk Tokina, ang gad’am yang tu d’oze mbà. Bugola, ang wal lei ki sed’emu.

Filemon 1:21

Kayam ndata, an nga ni b’iring mbaktum mba wanda, an we ang mba humunu, ang mba le kal yam vama an dang kama.

Hebre-na 13:17

Agi gagi yagi kä avok suma avorogina, ar agi humuzi zla mazid’a mi, kayam azi ni suma a nga ngomogi muzugagina. Ni suma a mba i ki zla magid’a avok Alonina. Agi ndjunuzi a lat ni ki furîd’a, bei yor tad’a, kayam yor tam mazid’a mba le djivid’a ki sed’egi d’i.

2 Jean 1:10

Sama mba gevegi ki hata hi Christ-sa d’uo na, ar agi vum avo hatagi d’i, agi gum depa d’uo mi.