2 Tasaloni’â 3:1 - Bible azumeina

¹ B’oziyomina, vama arâ, agi tchenegi Alona kami kayam zlad’a hi Salad’id’a ti zul avogovogo, ar suma a suburut d’igi agi suburut na mi.

2 Tasaloni’â 3:1 ပူးပေါင်းရင်းမြစ်များ

Sawal la giled’a 138:2

An nga ni grif kä kur gong mang nga kud’ora, an nga ni gileng simiyêng yam o mang nga didinda ki gagazi manga, yam vun mang ma hled’a ki simiyêng ma suma a nga yuma a kal ahlena pet akulo.

Matiye 9:38

Kayam ndata, agi tchenegi Sala awuna, kayam mi sun suma sunda á fet awu mama.

Wana ni Zla d’a Djivi d’a Luc mi b’irita 10:2

Mi dazi ala: Awu ma feta nga ngola, wani suma le sunda akid’eid’a. Kayam ndata, agi tchenegi Sala awuna, kayam mi sun suma sunda á fet awu mama.

Sunda hi suma a sunuzinid’a 12:24

Wani zlad’a hAlonid’a ti wet teyo, nga d’i zul avogovok mi.

Sunda hi suma a sunuzinid’a 19:20

Ni hina, zlad’a hi Salad’id’a nga d’i i avogovok kad’eng mamba.

Sunda hi suma a sunuzinid’a 6:7

Ni hina ba, zlad’a hAlonid’a ti b’rau woyo. Suma hata a nga zul kazi kua kua kur Jerusalem, suma ngat buzuna ablaud’a a he gagazid’a mi.

Romê-na 15:30

B’oziyona, an nga ni tchenegi ki simiyê Saleina Jesus Christ ki o d’a Muzu’â hAlonina mi heizid’a, ar agi zlabagi ki sed’en agi tchenegi Alona kan ngola.

1 Korente-na 16:9

kayam Alona mi mal lovota avoron á lum sunda ngola, wani suma djangûna a nga ablaud’a mi.

2 Korente-na 1:11

Ar agi ndjunumi kur tchen magid’a mi. Hina wani, Alona mba mi hum tchenda hi suma ablaunid’a kamiya. Kayam ndata, suma ablaud’a a mba le mersi mAlona yam djivi d’a mi lat kamid’a.

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

Kolos-sâ 4:3

Ar agi tchenegi Alona kami mi kayam mi malami lovota á tchami wal zla ndata, á vami ad’u zla d’a mudurid’a hi Christ-sa woi abu mi. Ni kat ba, a gan dangeina.

1 Tasaloni’â 1:5

Kayam Zla d’a Djivi d’a ami tchagizi walata ni ki zla d’a ded’a go d’i, wani ni kad’enga ki ndjunda hi Muzuk ma bei tchod’a ba nid’a, zlapa ki we d’a gagazid’a hi Zla d’a Djivi ndatid’a mi. Kayam agi wagi ni nana ba, ami tid’imi adigagi á ndjunugi ge.

1 Tasaloni’â 1:8

Kayam zlad’a hi Salad’id’a ti ndeï hatagi ti b’rau woi ni yam andaga d’a Maseduwan-nda ki d’a Akai-d’a hol li, wani he gagazi magi d’a yam Alonid’a, zlat nde ata yina pet. Kayam ndata, ami nga ki zla d’a ding á de kat tuo d’a.

1 Tasaloni’â 2:1

B’oziyomina, agi wagi ala mba mami d’a sä hatagi ni hawa d’i.

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.

1 Tasaloni’â 4:1

B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.

1 Tasaloni’â 5:17

Agi tchenegi Alona bei ara ba.

1 Tasaloni’â 5:25

B’oziyomina, agi tchenegi Alona kamiya.

2 Timote 2:9

Kayam zla ndata, an nga ni fe ndaka gak a djinin ki kindjingâ d’igi sama sulu’â na. Wani zlad’a hAlonid’a a djinit nga d’i.