2 Tasaloni’â 2:12 - Bible azumeina

¹² Kayam suma pet, suma a he nga gagazid’a yam gagazid’a d’uo wani tazi d’i lazi djivid’a ni yam tchod’ina, Alona mba mi kazi sariyad’a kaziya.

2 Tasaloni’â 2:12 ပူးပေါင်းရင်းမြစ်များ

Sawal la giled’a 11:5

Ma didina nga mi hal hur sama d’ingêrâ, wani nga mi noî ma asa’atna ki ma mi min murud’umba heîna woyo.

Wana ni mbaktumba hi Oze-d’a 7:3

Azi nga lamulâ tam djivid’a kasa’at mazid’a, a nga le suma avok sumina tazi djivid’a ki zla mazi d’a kad’a mi.

Mise 3:2

Wani agi nga noyôgi vama djivina, agi nga lagi yam vama tchona, agi nga hôgi babak suma woi ki hliwizi gak arazi asogozi woi pid’agi!

Marik 14:11

Ata yi máma, azi humum ki furîd’a, a hlum vunazi á hum gurzud’a. Ni hina ba, Judas nga mi hal lovota á hazi Jesus aboziya.

Marik 16:16

Sama mi he gagazid’a a mba lum batembina, mba mi fe suta, wani sama mi he nga gagazid’a d’uo na, sariyad’a mba d’i vumu.

Jean 3:36

Sama he gagazid’a yam Alona Goromina, mi nga kari d’a didinda. Sama ge yam kä avok Alona Goroma d’uo na, mba mi fe arid’a d’i, wani ayîna hAlonina mi nga kaka kamu.

Romê-na 1:32

Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Romê-na 2:8

Wani Alona mba mi tak ayî mam ma bibiliuna woi mi suma a kak djangûna ki sed’em suma a nga ge yazi kä ad’u gagazid’a d’uo suma a nga tit kur tchod’ina.

1 Korente-na 13:6

Sama od’a tam nga d’i lum djivid’a yam tchod’a d’i, wani tam mbi lum djivid’a ni yam gagazid’a.

Gat ta a hat á mbàd’id’a 32:35

Atchugul la sad’a ni manda; ni an ba mba ni sad’azi yam sun mazi d’a led’a, kur bur ma asezi mi ka azlard’eid’ina. Kayam bur ma ndaka mba kazina mi ar go, dabi mazid’a mba d’i mba kazi atogo zak mi.

1 Tasaloni’â 5:9

Kayam Alona mi yï woi ná fe ndaka ad’u ayî mama d’i, wani ná fe suta yam Saleina Jesus Christ

2 Tasaloni’â 2:10

á lop suma a nga ba woina pet, kayam azi noî á le yam gagazid’a á fe suta.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

3 Jean 1:11

Bäna, ar ang tit bugol tchod’a d’i, wani ang tit ni bugol djivid’a. Sama nga mi le djivid’ina ni ma hAlonina; sama nga mi le tchod’ina, mi we nga Alona d’i.