2 Tasaloni’â 1:7 - Bible azumeina

⁷ Agi suma nga fagi ndakina, agi mba tugugi tagi zlapa ki sed’emiya, kayam fata Salad’a Jesus mi nde woi kur akulod’a ki malaika mam suma ad’engâ

2 Tasaloni’â 1:7 ပူးပေါင်းရင်းမြစ်များ

Buzuk ka Abud’a 19:18

Andosâ mi rip yam ahina d’a Sinai-d’a ririp, kayam Ma didina mi tchugï asem kä aduk akud’a. Andos máma mi tchol akulo d’igi andosâ halam mba ngolina na, ahinad’a ki zla tat pet ti giget ngola.

Buzuk ka Abud’a 3:2

Malaikana hi Ma didinina mi nde tam mbei iram aduk sin akud’a aduk azlupa. Moise mi nde gola. Gol wani, azlupa vakud’a, wani ti nga d’i ngal li!

Isai 57:2

Sama nga mi tit kur lovot ta d’ingêrina mba mi kal kur halasa, mba mi tuk tam yam azang mama mi.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Ezekiyel 1:13

Aduk ahle suma ari ndazina vana nga mi ngal d’igi aku d’a gordjona na, nga d’i trâ d’igi sina akud’a na. Nga d’i ngui aduk ahle suma ari ndazina, nga d’i yak kei ki wiled’a, wiled’a ti ndeï woi aduk akud’a.

Daniel 7:9

Daniel mi de kua ala: Ata yima an nga ni gol tua na, a ndjar zlumiyôna kä, ma abizei ma dedeina mi mba mi kak yam zlam mba dinga tu. Baru mam mba atamba ti hapa d’igi gagarad’a na, tumus sa kamba ti djifâ luluî d’igi tumus tumiyôna na. Zlam mamba nga d’i ngal d’igi sin akud’a na, abot ni d’igi abo pus ma akud’a na,

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Matiye 16:28

Gagazi, an nga ni dagiya, suma dingâ a nga aduk suma tchola kä wana a mba bo d’i, gak azi mba wan an Gor Sana mba ni mbeï kamul manda.

Matiye 25:31

Jesus mi had’azi kua ala: Fata an Gor Sana mba ni mbeï kamul manda zlapa ki malaikana peta, ata yi máma, an mba ni kak yam zlam man nda amul la subura.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Matiye 26:64

Jesus mi dum ala: Ang de wa da’. Wani an nga ni dagiya, ki tchetchemba agi mba wagi an Gor Sana ni sä kaka ata bik ka ndjufa hAlo ma ad’engîd’a, agi mba wan an mbeï kur d’ugula mi.

Marik 14:62

Jesus mi hulong dum ala: Ni anu. Wani agi pet mba wan an Gor Sana ni kaka sä ata bik ka ndjufa hAlo ma ad’engîd’a, agi mba wan an mbeï kur d’ugula akulo mi.

Marik 8:38

Kayam nge nge pî ma le zulona kan an ki zla manda aduk suma tcho bei d’ingêr suma kur atchogoi d’a wandina, fata an Gor Sana mba ni mbeï kur subura hAbunda ki malaika suma mi tinizi irazi vazina, an mba ni le zulona kam mi.

Wana ni Zla d’a Djivi d’a Luc mi b’irita 16:25

Wani Abraham mi hulong dum ala: Gorona, ang djib’er djiviya. Ata yima ang nga kur duniyad’ina, ang fe ni djivid’a, wani Lazar mi fe ni ndaka. Ki tchetchemba, a b’lengêm wa hurum ka hî, wani ang nga kur ndaka.

Wana ni Zla d’a Djivi d’a Luc mi b’irita 17:30

Wani bur ma an Gor Sana mba ni nde woina, mba mi le ni hina mi.

Jean 1:3

Alona mi lahlena pet ni ki ndad’u. Vama tu ma mi lum bei ndatna nga d’i.

Jean 1:51

Jesus mi dazi kua ala: Gagazi, an nga ni dagiya, agi mba wagi akulod’a mal leyo, malaikana hAlonina a nga djagï akulo a mba hulongî kä kan an Gor Sana mi.

Sunda hi suma a sunuzinid’a 1:11

a dazi ala: Agi suma Galile-na, ni kayam me ba, agi tchologi á gol akulod’a ge? Ni Jesus ma Alona hlum sä akulo adigagina, mba mi hulongî ni d’igi agi golom i mam mba sä akulod’a na mi.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

Romê-na 8:17

Ei nAlona groma. Hina wani, mba mi hei ahle suma djivi suma mi hle vunam kazi mi sum mamina zlapa tu ki Christ mi. Le ei nga fei ndaka zlapa ki Christ-zu ni, Alona mba mi suburi zlapa ki mam mi.

1 Korente-na 3:13

sunda hi nge nge pî ad’ut mba d’i nde woi ni kur bur ma ka sariyad’a. Kur bur máma a mba ndat tei ni kakud’a, kayam akud’a mba d’i kuk sunda hi nge nge pî á tagat tei abua.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

Efes-sâ 1:2

Ar Alona Abuya ki Salad’a Jesus Christ a vagi sumad’a ki b’leng nga halasa.

Kolos-sâ 1:16

Alona mi lahlena pet ni ki mamu, nala, ahle suma sä akulona kahle suma yam andagad’ina kahle suma a nga wazi ki irina kahle suma bei wazi ki irina, suma ad’enga ki suma suliyod’a ki suma te yamba ki suma te leud’a. Alona mi lahlena pet ni ki mamu, ni kam mam mi.

1 Tasaloni’â 3:13

Hina wani, mba mi siragi ngingring kur lovot ta d’ingêra bei zlad’a kagi ba avok Alona Abui kur bur ma Saleina Jesus mba mi mba zlapa ki malaika mama petna.

2 Timote 2:12

Le ei vei tei ad’enga ni, ei mba tei leud’a zlapa ki mam mi. Le ei aram mbeyo ni, mam mba arei woi mi.

Wana ni mbaktum mba Paul mi b’irit mi Tit-ta 2:13

Ti nga d’i had’ei á tini huri ki furîd’a á djup bur ma subura hAlo mei ma ngol ma sud’ina Jesus Christ mba mi nde woina.

Hebre-na 10:27

Wani vama arâ ba wana: Ei nga djubi ki mandarâ sariya d’a nga d’i mbad’a hAlonid’a kaku d’a bibiliu d’a mba d’i ngal suma bei hum vun Alonina woid’a.

Hebre-na 12:29

kayam Alo meina naku d’a nga d’i ngal ahlena woid’a.

Hebre-na 4:1

Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.

Hebre-na 4:11

Kayam ndata, ei b’ad’ei tei á kalei ata yima tuk ta máma. Ar sa adigei mi so vuna d’igi suma adjeu hur fulâ a so vuna á kid’ak kei bei kal ata yima tuk tad’a na d’i.

Hebre-na 4:9

Kayam ndata, bur ma sabat ma tuk tad’a yam suma hAlonina mi nga. Ni d’igi bur ma kid’iziya ma Alona tuk tam kuana na.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.

2 Pierre 3:7

Wani akulod’a kandaga d’a tchetchemba a nga ngomozi ki zlad’a hAlonid’a tu ndata á b’lagazi woi kakud’a kur bur ma a mba ka sariyad’a yam suma tchona á b’lagazi woina.

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!

Vama ndum mbeina 14:10

mam tamba mba mi tche süm ma ala nayîna hAlona ma mam vom kur kop mam ma ayînina. Suma pet suma a le hina na, a mba fe ndaka aduk aku d’a sufred’a avok malaikana hAlonina, avok Gor timina mi.

Vama ndum mbeina 14:13

An hum dela ti tcholï akulo, ti dan ala: Ang b’ir kur mbaktumba ala: Suma a nga bo kur sunda hi Salad’id’a ki tchetchembina, a mba le furîd’a. Muzu’â hAlonina mi de na ala: Gagazi, azi ndak á tuk tazi kur sun mazi d’a kaud’a, kayam sun mazi d’a djivid’a nga d’i tit ad’uziya.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Vama ndum mbeina 21:4

Mba mi sed’ezi simina irazi woi pet. Matna mba tchazi d’i, azi mba yor tazi d’oze a tchi tchi ma hohoud’a d’i, ta d’a ted’a nga d’uo mi, kayam ahle suma adjeuna pet a kal wa woyo.

Vama ndum mbeina 22:16

An Jesus, an sunugi malaika mana, kayam mi dagi ahle ndazina pet kur Toka. An ni David gorom ngolona, an ni avevel ma fo yina.

Vama ndum mbeina 22:6

Bugola, malaikana mi dan ala: Zla ndata ni zla d’a gagazi d’a ndak ang tin hurung kata. Salad’a Alo ma he Muzuk mama mi mam suma djok vunina, mi sunï malaika mama á tak azungeî mama ahle suma a nga mba ka tchetchema.

Vama ndum mbeina 22:9

Wani mi dan ala: Ang gol tang djiviya. An ni ndrang ma sunda d’igi ang na, d’igi b’oziyong suma djok vun Alona azi ki suma pet suma a ge yazi kä ad’u zla d’a kur mbaktum ndatid’a na. Ang kud’orî Alona hol.

Vama ndum mbeina 6:11

A he nge nge pî adigazi baru d’a fiyak ka hapa, a dazi ala a tuk tazi ndjö gak ablaud’a hi b’oziyozinid’a ki d’a hi ndrozi suma sun suma a mba tchazi woi d’igi azi na na ndak tua.