2 Tasaloni’â 1:5 - Bible azumeina

⁵ Wana ni simata yam sariyad’a hAlona d’a d’ingêra ala agi ni suma ndak yam leu mam mba agi nga fagi ndaka kata na.

2 Tasaloni’â 1:5 ပူးပေါင်းရင်းမြစ်များ

Wana ni mbaktumba hi Job-pa 8:3

Na ni Alona mi b’lak sariya d’a d’ingêra woi zu? D’oze Ma ad’engêm kal petna mi b’lak zla d’a d’ingêra woi mi zu?

Sawal la giled’a 111:7

Sun nda mi lat kabomba ni gagazid’a ki d’ingêra; vun mam ma hed’a pet ni ma sana mi ndak á tin hurum kama,

Sawal la giled’a 33:5

Hurum ve ni d’ingêra ki gagazid’a; od’a hi Ma didinid’a ti oî yam andagad’a.

Sawal la giled’a 50:6

Ar akulod’a ti tak d’ingêr mamba woyo, kayam mam mi ma ka sariyad’a. Tchol ndjö

Sawal la giled’a 72:2

Ar mi ka sariyad’a yam sum mangâ ki d’ingêra, yam mang suma hohoud’a ki gagazid’a mi.

Sawal la giled’a 99:4

Ar azi gileng ang amul ma min d’ingêrina. Ni ang ba, tin d’ingêra ki sariya d’a ka d’a irata aduk andjafa hi Jakob-ma mi.

Jeremi 9:24

Le sana mi min subur tam ala mam mi ma ned’a ni, ar mi wanu, ar mi wala an ni Ma didin ma nga ni le djivid’a, nga ni ka sariya d’a d’ingêra, ni Ma d’engzeng ma yam andagad’ina mi. Wana ni sama an tan lan djivid’a heî kama. An Ma didina ni de na.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Wana ni Zla d’a Djivi d’a Luc mi b’irita 20:35

wani suma Alona mi golozi ndak á tchol akulo aduk suma matna á i kur atchogoi d’a nga d’i mbad’ina, a nga vik arop pi, aropma a nga vik andjof fuo mi.

Wana ni Zla d’a Djivi d’a Luc mi b’irita 21:36

Wani ar agi burugi sena d’i, ar agi tchenegi Alona kayam agi fagi ad’enga á sud’ugi woi abo ahle suma a nga mbana, á tchologi avok an Gor Sana mi.

Sunda hi suma a sunuzinid’a 13:46

Wani Paul azi ki Barnabas a dazi zlad’a woi mbak bei mandarâ ba ala: Nata yat á tchi wal zlad’a hAlonid’a mi agi avogo. Wani agi zud’ut teyo, agi kagi sariyad’a kagi ala agi ndagagi nga ata ari d’a didinda d’i. Ni kayam ndata ba, ami nga mbud’umi irami ata andjaf suma dingâ.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Romê-na 8:17

Ei nAlona groma. Hina wani, mba mi hei ahle suma djivi suma mi hle vunam kazi mi sum mamina zlapa tu ki Christ mi. Le ei nga fei ndaka zlapa ki Christ-zu ni, Alona mba mi suburi zlapa ki mam mi.

Efes-sâ 4:1

Kayam ndata, an ma dangei ma yam Salad’ina nga ni tchenegi ki so tad’a, ar agi tid’igi ndak yam yi d’a Alona mi yagid’a

Filip-ma 1:28

Ar agi lagi mandar suma djangû magina d’i. Wana ni vama simata kazi ala azi ni suma ba woina. Wani ni vama simata yam sut magid’a ala ti tcholï nata Alona.

Kolos-sâ 1:12

Ar agi lagi mersi mAbui Alona ki furîd’a, ni mam ma mi hagi ad’enga á fagi ahle mam suma djivina zlapa tu ki mam suma mi tinizi irazi vazi kur b’o mambina.

1 Tasaloni’â 2:14

B’oziyomina, agi mbud’ugi ni suma nga tid’igi balum Tok ka tetenga hAlonid’a hi Jesus Christ-sa yam andaga d’a Jude-d’a. Kayam agi fagi ndaka abo simiyêgi d’igi azi fe ndaka abo Juif-fâ na mi.

2 Tasaloni’â 1:11

Kayam ndata, ami nga tchenemi Alo meina kagi teteu, kayam mi ndjunugi kad’eng mamba á tit ndak ata yi d’a mi yagi ki d’a á lum tam djivid’a, á le sun nda djivid’a yam he gagazi magid’a kad’eng mamba mi.

2 Timote 2:12

Le ei vei tei ad’enga ni, ei mba tei leud’a zlapa ki mam mi. Le ei aram mbeyo ni, mam mba arei woi mi.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Vama ndum mbeina 16:7

An hum del la tcholï ata yima ngal dubang ma his djivid’ina ti dala: Â, Salad’a Alo ma ad’engêm kal petna, sariya manga ni gagazi, ni d’ingêr mi.

Vama ndum mbeina 19:2

Sariya mamba ni d’a gagazid’a ki d’ingêra, kayam mi ka sariyad’a yam atcha d’a gaulang nga ngol la ti b’lak andagad’a ki mizeu matnid’a. Mi kat sariyad’a kat kayam ti tchi azungeî mama.

Vama ndum mbeina 3:4

Wani ang nga ki suma dingâ avo Sardes suma a zot nga baru mazina d’uo na. Azi mba tit ki sed’en ki baru ma hapma ataziya, kayam azi ndaga.