2 Sunda Hamuleinid’a 7:9 - Bible azumeina

⁹ Kur bur ma klavandi ma bugol vun tilîna a tok tok ka ngol la kala, kayam a tin yima ngal ahle suma ngat buzuna iram vam gak burâ kid’iziya, bugola, a le vun tilâ kua gak burâ kid’iziya d’ei.

2 Sunda Hamuleinid’a 7:9 ပူးပေါင်းရင်းမြစ်များ

1 Amuleina 8:2

Israel-lâ pet a tok gen amulâ Salomon á le vun tilâ hi til ma Etanim-ma, nala, til ma kid’iziyana.

1 Amuleina 8:65

Ata yi máma amulâ Salomon mi le vun tilâ hi Zlub’ud’ina zlapa ki Israel suma ablau suma mimiyâk suma a nga tokina. Azi ni suma a tcholï abo ma Hamat-na ki suma a tcholï avun toliyon nda Ezipte-d’ina mi. A le vun til máma avok Ma didina burâ kid’iziya. Bugola, a le vun tilâ kua gak burâ kid’iziya d’ei.

2 Sunda Hamuleinid’a 30:23

Ablau suma toka a ndjak vunazi tu ala a le vun tilâ kua kur burâ kid’iziya. A le bur ma kid’iziya máma ni ki furîd’a,

2 Sunda Hamuleinid’a 7:10

Kur bur ma dok mbà yam hindina hi til ma kid’iziyanina, Salomon mi tchuk suma avo hataziya. Azi le furîd’a, tazi lazi djivid’a yam djivi d’a Ma didina mi lat ki David ki Salomon ki mam suma Israel-lîd’a mi.

Nehemi 8:18

A nga ndum kur gata hAlonid’a burâ ki burâ, a tin ad’ud’a ei kur bur ma avo’â dei gak kur bur ma dabid’a. A lü vun tilâ gak burâ kid’iziya, bur ma klavandina a tok tok ka ngola d’igi Gata ti de na.

Buzuk ka Abud’a 29:37

Ang mba le burâ kid’iziya á le sun ndata yam yima ngal ahle suma ngat buzuna, ang mba tinim iram vam mi. Yima ngal ahle suma ngat buzuna mba mi ka’î yima a tinim iram vam ma kal teglesâ, vama lara ma doma mba mi mbut ni vama a tinim iram vama mi.

Joel 1:14

Agi tchagi wala yam d’el tad’a bei te tena, agi togogi tok ka a tinit irat vata, agi togogi suma nglona ki suma kur ambasina pet kur gong nga kud’ora hi Ma didina Alo maginid’a, agi tchenem tchen nda hud’a mi.

Sunda hi suma hi Levi-nid’a 23:36

Agi hagi ahle suma ngat buzu suma ngala mi an Ma didina gak burâ kid’iziya. Kur bur ma klavandina, agi togogi tok ka a tinit irat vata, agi hagi ahle suma ngat buzu suma ngala mi an Ma didina. Bur máma mba mi mbut ni bur ma agi togogi tok ka ngol la a tinit irat vat zenenda; agi lagi sun nda kaud’a kur bur máma d’i.

Ndumba 7:10

Suma nglona a he he d’a hawa mazid’a ni kur bur ma a vo mbulâ yam yima ngal ahle suma ngat buzuna á tinim iram vama.

Gat ta a hat á mbàd’id’a 16:8

Agi tagi avungô ma a lum bei angufina gak burâ karagaya kur bur ma kid’iziyana, agi togogi tok ka ngola avok Ma didina Alo magina. Ar agi lagi sun kur bur máma d’i.