2 Sunda Hamuleinid’a 7:5 - Bible azumeina

⁵ Amulâ Salomon mi ngat amuzleina buzuna 22.000 kaho’â 120.000. Ni hina ba, amulâ ki suma pet a tin gonga hAlonid’a irat vad’u.

2 Sunda Hamuleinid’a 7:5 ပူးပေါင်းရင်းမြစ်များ

1 Sunda Hamuleinid’a 29:21

Tcha ndjivinda, a hahle suma ngat buzu suma zlap darigïd’a kahle suma ngat buzu suma ngala mi Ma didina, a hamuzleina dubu, gamlâna dubu ki tumiyôna dubu, zlapa ki he mazi d’a hawa d’a süm guguzlud’a kahle suma ngat buzu suma dingâ ablaud’a yam Israel-lâ pet mi.

2 Sunda Hamuleinid’a 1:6

Ata yi máma Salomon mi djak akulo yam yima ngal ahle suma ngat buzu ma a minim ki kawei ma hleunina avok Ma didina, ni ma nga avun zlub’u d’a ngaf tad’ina, mi hahle suma ngat buzu suma ngala dubu.

2 Sunda Hamuleinid’a 15:11

Kur bur máma a hahle suma a yozï hurumbina vama ngat buzuna mi Ma didina, nala, amuzleina 700 ki tumiyôna 7000 mi.

2 Sunda Hamuleinid’a 2:4

Gola! An nga ni min gonga mi Ma didina Alo mana á tinit irat vat á ngal dubang ma his djivid’ina avoromu, á ndjar avungôna avorom teteu, á hahle suma ngat buzu suma ngala yorogo ki fladege burâ ki burâ, kur bur ma sabatna, kur deîd’a hi tilîd’a, kur bur ma vun tilâ hi Ma didina Alo mamina d’igi mi he gat ta didinda mi Israel-lâ na.

2 Sunda Hamuleinid’a 30:24

kayam Ezekiyas amul ma Juda-na mi hamuzleina mi suma toka 1000 kaho’â 7000, suma nglo suma sunda a hazi amuzleina 1000 kaho’â 10.000, suma ngat buzuna ablaud’a a mbut tazi yed’et mi.

2 Sunda Hamuleinid’a 5:6

Ata yi máma amulâ Salomon ki Israel-lâ pet a tok ngui zandu’â kä, a ngat aho’â kamuzleina buzuna mAlona ablawazi kal ngola ndak á ndumba memeta.

2 Sunda Hamuleinid’a 7:4

Amulâ azi ki Israel-lâ pet a hahle suma ngat buzuna mi Ma didina.

2 Sunda Hamuleinid’a 7:6

Suma ngat buzuna a nga tchola ata yima sunda, suma hi Levi-na a nga kahle suma bu suma David mi lazi á subur ki Ma didinina ata yima mi tinizi á gile Ma didinina a dala: Kayam o mamba nga d’i dap pi. Suma ngat buzuna a nga bu aduveina avoroziya, Israel-lâ pet a nga tchola akulo kasezi mi.

Ezekiyel 45:17

Amulâ tamba mba mi hahlena he d’a hawa d’a ngala, he d’a hawa d’a afuta ki he d’a hawa d’a süm guguzlud’a kur bur ma le vun til ma ngad’a yam til ma deî awilina d’oze bur ma sabatna d’oze tok ka Israel-lâ a tok tazi peta. Amulâ mba mi hahle suma ngat buzuna yam tchod’a, he d’a hawa d’a ngala ki he d’a hawa d’a zlap darigïd’a kayambala an hurun vat tei yam tchod’a hi man suma Israel-lâ d’a.

Mise 6:7

Ma didina mi min ni gamlâ ma dudubuna d’oze mbul ma mi djang d’igi mbiyo aluma na na zu? Ei hei ni gurei suma a vut avo’â vama ngat buzu ma ngala yam tchila meid’a ki tcho meid’a zu?

Ndumba 7:10

Suma nglona a he he d’a hawa mazid’a ni kur bur ma a vo mbulâ yam yima ngal ahle suma ngat buzuna á tinim iram vama.

Jean 10:22

Vun til ma a tin gong nga kud’ora hAlonid’a irat vatna nga avo Jerusalem, ni til ma ab’lenga.