2 Sunda Hamuleinid’a 7:20 - Bible azumeina

²⁰ an mba ni digigi woi kur ambas sa an hagizid’a, an mba ni ge gong nga an tinit irat vat á kud’uron kuad’a woi dei ki sed’en mi. Ata yi máma Israel-lâ a mba mbut ni vama sanda ki vama lasa aduk suma pet mi.

2 Sunda Hamuleinid’a 7:20 ပူးပေါင်းရင်းမြစ်များ

1 Amuleina 14:15

Ma didina mba mi to Israel-lâ, a mba giget d’igi ped’eu d’a avun mbinid’a na. Ma didina mba mi yozi woi yam andaga d’a djivi d’a mi hat mabuyozi ngolod’a, mba mi ndjoyôzi woi abo hî avun alum ma Efrat-na. Wana ni vama mba mi mba kazina, kayam azi yor alo ma dingâ á zal hur Ma didina.

1 Amuleina 9:7

an mba ni digigi agi Israel-lâ woi kur ambas sa an hagizid’a, an mba ni ge gong nga an tinit irat vat á kud’uron kuad’a woi dei ki sed’en mi. Ata yi máma Israel-lâ a mba mbut ni vama sanda ki vama lasa aduk suma pet mi.

2 Amuleina 17:20

Kayam ndata, Ma didina mi noî andjaf Israel-lâ woi ki zla tazi pet, mi mbud’uzi zulona mi hazi abo suma á hurumuzi ahle mazina, gak mi digizi woi dei ki sed’emu.

2 Sunda Hamuleinid’a 36:19

Suma Babilon-na a ngal gong nga kud’ora hAlonid’a woyo, a to gulumun ma Jerusalem-ma kä woyo, a ngal azì ma amula woyo, a b’lak ahle suma guzuzi kal tegles suma kur azinina woi pepet mi.

Sawal la giled’a 44:14

Ang mbud’umi vama lasa avok ndromina, ang mbud’umi vama sanda avok suma a nguyumina.

Sawal la giled’a 52:5

Ang min tchod’a kal djivid’a, ang min zla d’a kad’a kal gagazid’a mi. Tchol ndjö

Jeremi 12:17

Wani le azi humun nga d’uo ni, an mba ni yo andjaf máma woyo, an mba ni yozi ni dabazi woi mi. An Ma didina ni de na.

Jeremi 16:13

Kayam ndata, an mba ni yogi woi kur ambas sa wanda, ni tchugugi sä woi dei kur ambas sa abuyogi ngolo d’oze agi tagi wagizi nga yagi tu d’uo d’a. Ata yi máma agi mba lagi sunda malo ma teteng ma dingâ andjege ki faleya, kayam an mba ni wagi hohowogi d’uo d’a.

Jeremi 18:7

Bur ma dingâ an nga ni de zlad’a yam andjaf ma dingâ d’oze yam leu d’a dinga á pad’at teyo, á pleyêt teyo, á b’lagat tei mi.

Jeremi 22:8

Andjaf suma ablaud’a a mba kal gen azì ma ngol máma, a mba de tazi ala: Ni kayam me ba, Ma didina mi le zla ndata kazì ma ngol máma na ge?

Jeremi 24:9

An mba ni mbud’uzi vama ndjendjed’a, vama hohoud’a, vama ngula, vama sanda, vama lasa ki vama ge vuna ir suma kur leu d’a yam andagad’ina pet ata yima lara ge ma an mba ni ndjoyôzi woi kuana.

Jeremi 31:28

D’igi an tin iran kazi avok á pad’azi woi á tozi woi á b’lagazi woi á dabazi woi á lazi tchod’a na, an mba ni tin iran kazi á minizi akulo, á pazi ka hina dedege mi. An Ma didina ni de na.

Jeremi 44:8

Ni kayam me ba, agi zalan hurun ki sun nda agi lat kabogid’a á ngalagi dubang ma his djivid’ina malo ma ding ma yam ambas sa Ezipte d’a agi mba á kagagi kua á dabagi tagi woi á mbud’ugi tagi vama ge vuna ki vama zulona aduk andjaf suma yam andagad’ina ge?

Jeremi 45:4

Jeremi, ang dum ala: Ma didina mi dala: Gola! An mba ni b’lak vama an minima woyo, an mba ni pat vama an puma woi mi. Nala, an mba ni b’lak ambas sa wanda woi ki zla tat pet.

Ezekiyel 7:24

An nga ni mba kandjaf suma asa’at mazid’a kal suma petna á yozi aziyaziya, an mba ni dap vun subur tad’a hi suma nglonid’a woyo. Yi mazi ma a tinim iram vam tetengâ mba mi mbut ndjendjed’a mi.

Ndumba 32:15

Agi suma hi Ruben-na ki suma hi Gad-na, le agi lagi tchod’a avok Ma didina na ni, mam mba mi ar Israel-lâ a i avogovok abagei hur fulâ, ni agi ba, mbagi ki bad’a yam sum ndazina.

Gat ta a hat á mbàd’id’a 28:37

Agi mba mbud’ugi ni vama atchapma, vama lasa ki vama sanda aduk andjaf suma Ma didina mba mi igi adigazina.

Gat ta a hat á mbàd’id’a 29:28

Ma didina kur ayî mama ki hur mam ma zal ma gugulu’â, mi yozi woi yam ambas mazid’a, mi tchuguzi woi yam ambas sa dinga d’igi ei nga weizi ini na.

Jude 1:12

Sum ndazina a mbut ni vama dap asema ata yi magi ma darigïd’a, zulona nga lazi ki hop mazina d’uo mi. Azi ni d’igi d’ugul la bei mbina d’a simetna nga mi tchat tata d’a na. Azi ni d’igi agu ma le ni vun simetna pî nga mi vut tuo ma mi mit yam mbà ma a pad’am sideyem mbeina na.