2 Sunda Hamuleinid’a 7:14 - Bible azumeina

¹⁴ le man suma a nga yan simiyêna a hulong wa yazi kä, a tchenenu, a hal á wan iranu, le a ar tcho mazid’a woyo ni, an mba ni humuzï akulo, an mba ni vat hurun ndei yam tcho mazid’a, an mba ni mbut ambas mazid’a djivid’a.

2 Sunda Hamuleinid’a 7:14 ပူးပေါင်းရင်းမြစ်များ

2 Sunda Hamuleinid’a 20:3

Josafat mi mbut mandarâ, mi nga hurum á djop Ma didina, mi he vuna mi suma Juda-na pet ala a d’el tazi bei te tena.

2 Sunda Hamuleinid’a 20:4

Suma Juda-na a tcholï kur azì ma nglo ma Juda-na teteng, a togï á tchen Ma didina ala mi ndjunuziya.

2 Sunda Hamuleinid’a 6:27

ang Ma didin ma sä akulona, ang huma, ang vat hurung ngei yam tcho mazid’a, kayam azi nazungeî mangâ, ni sum mangâ mi. Kal pet, ang had’azi ni lovot ta tit ta djivid’a. Bugola, ang salona yam andaga mang nga ang hazizi djonid’a mi.

2 Sunda Hamuleinid’a 6:30

ang Ma didin ma sä akulona, ata yima ang nga kaka kuana, ang huma, ang vat hurung ngei kaziya, ang le ki nge nge pî yam sun mam mba mi lata, kayam ang wum hurumu, kayam ang tu ni ma we hur suma petna mi.

2 Sunda Hamuleinid’a 6:33

ang Ma didin ma sä akulona, ata yima ang nga kaka kuana, ang huma, ang hangei máma vama mi tcheneng kama. Hina wani, suma yam andagad’ina pet a mba wangû, a mba hat á lang mandarang d’igi Israel-lâ a nga lang mandarang na mi. Ar azi wala azi tchenengî kur gong nga an minit wanda.

Sawal la giled’a 27:8

An djib’er yam zla d’a ang dat ala: Agi halagi á wan iranu d’a. Ni kayam ndata ba, Ma didina, an nga ni hal á wang irangû.

Sawal la giled’a 60:2

Mi hlat ni kid’a mi dur ayîna ki suma Siri suma Mesopotami-na ki suma Siri suma Soba-na mi d’a. Ata yi máma Jowap mi hulongîya, mi dur suma Edom-ma kur hor ra Ndjuvuna, mi tchi suma 12.000.

Zla d’a d’ogolâ 28:13

Sama mi ngei yam tcho mamba kä na, nga mi fe djivid’a d’i, wani sama mi de tcho mamba woi mi arat tei mi na, a mba wum hohowomu.

Isai 45:19

An de nga zlad’a kur yima ngeid’a d’oze kur yima nduvunda d’i, an de nga mandjafâ hi Jakob-ma ala a halan hawa yagu d’i. An Ma didina ni de ni zla d’a d’ingêra, ni de ni zla d’a irata mi.

Isai 59:20

Ma didina mi dala: Ma wurak yam suma nga mi djï kur Siyon yam suma hi Jakob suma a ar tcho mazid’a woina.

Isai 63:19

Ami lami biza d’a ablaud’a ni d’igi suma ang te nga kazi yang tu d’uo na na, d’igi suma a yazi nga ki simiyêng yazi tu d’uo na na mi! Wani ladjï ang haû nakulod’a woyo, ladjï ang tchugï naseng kä ni, ahuniyôna a giget wa avorongû!

Jeremi 14:9

Ma didina, ni kayam me ba, ang kak d’igi sama mandarâ d’oze d’igi grang ma mi ndak á sut sum mama d’uo na na ge? Wani ang nga adigamiya, a nga yami ki simiyêngû. Ang arami woi d’i.

Jeremi 33:6

Wani an mba ni hum lafiyad’a, an mba ni tchilim mbilim d’igi sana mi tchil mbilâ hi sanina na, an mba ni ar suma kuruma a kak ki b’leng nga halasa ki d’engzenga ngola.

Jeremi 50:4

Ma didina mi dala: Kur bur máma, ata yi máma, Israel-lâ ki suma Juda-na a mba mba asem taziya, a mba tit ki tchina iraziya, a mba halan an Ma didina Alo mazina.

Jeremi 51:9

Adjeu ami min á tchilimi Babilon, wani ndat tchil nga d’i. Ki tchetchemba, ei arat teyo, nge nge pî mi i yam ambas mamba, kayam sariya d’a a kattchi kata ti i akulo hur alona, gak ti doï d’ugula.

Jeremi 8:22

Na ni kuma ma mbilâ mi nga Galät tuo zu? D’oze dokdorâ mi nga kua d’uo mi zu? Ni kayam me ba, mbilâ hi sum manina nga mi tchil luo ge?

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Ezekiyel 33:12

Ang gor sana, ang de mi sum mangâ ala: Ata yima sama d’ingêrâ mi le tchod’ina, d’ingêr mam mba mi lat avoka, ti ndak á prud’um mbei d’i. Ata yima sama asa’atna mi ar tit mam mba tchod’a woina, tcho mam mba mi lat avoka ndak á tchum kat tuo mi. Ata yima sama d’ingêrâ mi le tchod’ina, a mba aram bei tchid’a yam djivi mam mba mi lat avoka d’uo mi.

Ndumba 6:27

Ni hina ba, azi mba yan ki simiyên yam Israel-lâ; an mba ni b’e vunan kazi mi.

Sunda hi suma a sunuzinid’a 9:11

Salad’a mi dum ala: Ang tchol atogo, ang i kur palum mba a yat ala D’ingêra d’a. Ang i hal sama a yum ala Saul-lâ, ni sama Tarsis-sâ. Mi nga avo hi Judas, nga mi tchen Alona kua.

Gat ta a hat á mbàd’id’a 28:10

Suma pet a mba wala a yagi ni ki simina hAlonina, a mba lagi mandaragiya.