2 Sunda Hamuleinid’a 6:6 - Bible azumeina

⁶ Wani an man Jerusalem kayambala simiyên mi yi kuad’a, an manang ang David á tamula yam man suma Israel-lâ mi.

2 Sunda Hamuleinid’a 6:6 ပူးပေါင်းရင်းမြစ်များ

2 Amuleina 21:4

Mi min yima ngal ahle suma ngat buzuna teteng á kud’or fileina kur gong nga kud’ora hi Ma didina d’a Ma didina mi de kat ala: Ni kur Jerusalem ba, simiyên mba mi kak kua d’a.

2 Amuleina 21:7

Mi tin alo d’a a yat ala Asera d’a mam minita kur gong nga kud’ora hi Ma didina d’a mam de mi David azi ki goroma Salomon kat ala: Ni kur gong nga avo Jerusalem mba an manat aduk andjafâ hi Israel-lîna peta ba, simiyên mba mi kak kua gak didinu d’a.

1 Sunda Hamuleinid’a 17:5

Kid’a an buzugï Israel-lâ woi avo Ezipte dei gak ini d’a, an nga bei kak kur gonga. Wani an ni ka’î kur zlub’ud’a zlub’ud’a, an nga ni djok kaka kur yina teteng mi.

1 Sunda Hamuleinid’a 17:7

Ki tchetchemba, ang i de mazong mana David ala: An Ma didin ma ad’engên kal petna, ni dala: Ni an ba ni vangî ata yima pol tumiyôna á tining amula yam man suma Israel-lâ.

1 Sunda Hamuleinid’a 28:4

Wani Ma didina Alona hi Israel-lîna mi manan aduk suma habuna pet á kak amula yam Israel-lâ gak didin. Mi man Juda á tak lovota mi Israel-lâ. Bugola, mi man suma habuna aduk suma hi Juda-na. Bugola, aduk suma habuna mi manan an á tamula yam Israel-lâ pet mi.

2 Sunda Hamuleinid’a 12:13

Robowam mi fad’enga, mi tamula avo Jerusalem. Ata yima mi kak amulina, bizamî dok fid’i yam tu. Asum a yat ala Näma, ni d’a Amon-nda. Mi tamula avo Jerusalem bizad’a dogo yam kid’iziya. Nazì ma ngol ma Ma didina mi manam kur ambas sa Israel-la pet á kak aduk sum mama kuana.

2 Sunda Hamuleinid’a 20:8

Azi kak kua, a mining gong nga a tinit irat vata ki simiyêngû, a dala:

2 Sunda Hamuleinid’a 30:8

Ki tchetchemba, ar agi lagi yam mba ad’enga d’igi abuyogi a lat na d’i, wani agi hagi tagi mi Ma didina, agi mbeyegi kur yi mam ma a tinim iram vam ma gak didina, agi lagi sunda mi Ma didina Alo magina tala kur ayî mam ma bibiliuna hurum vat tei kagiya d’a.

2 Sunda Hamuleinid’a 33:4

Mi min yima ngal ahle suma ngat buzuna teteng mi fileina kur gong nga kud’ora hi Ma didina d’a Ma didina mi de kat ala: Ni kur Jerusalem ba, simiyên mba mi kak kua gak didinu d’a.

2 Sunda Hamuleinid’a 6:20

Ang mal irang ngei ang gol gong ndata ki djivid’a andjege ki faleya. Ni yima ang de kam ala ni yima ang mba kak kuana na. Ang hum tchen nda an azong mangâ nga ni tcheneng ata yi mámid’a.

2 Sunda Hamuleinid’a 6:5

Dedei d’a an buzugï sum mana woi yam ambas sa Ezipte-d’a, an man nga azì ma ngol tu aduk andjafâ hi Israel-lîna á min gong nga simiyên mba mi yi kuad’a d’i, an man nga sa á tak lovota mi man suma Israel-lâ d’uo mi.

2 Sunda Hamuleinid’a 7:16

Ki tchetchemba, an man wa gong ndata, an tinit wa irat vat kayam simiyên mi yi kua burâ ki burâ, an mba ni tin iran ki hurun pet kat burâ ki burâ mi.

Esdras 7:16

Ang i ki bege d’a hapa ki lora pet suma ang mba fazi yam andaga d’a Babilon-ndina, ki he d’a hawa d’a suma ki suma ngat buzuna a mba hat kur min mazid’a yam gong nga kud’ora hAlo mazina d’a nga Jerusalem-mba mi.

Sawal la giled’a 122:2

Ndak Jerusalem, ami mba tcholomi navun agrek ma’â.

Sawal la giled’a 132:13

Kayam ndata, Ma didina mi man Siyon, hurum minit á kak kuru.

Sawal la giled’a 48:1

Ni sawal la Kore groma a hlata.

Buzuk ka Abud’a 20:24

Agi minin yima ngal ahle suma ngat buzuna kandagad’a. Agi mba han ahle suma ngat buzu suma ngala kahle suma ngat buzu suma zlap darigïd’a ki d’uwar magi ma gureina ki ma nglona kamu. Ata yima lara ma human mba d’i gan yam simiyêna, an mba ni mba gevegiya, an mba ni b’e vunan kagi mi.

Isai 14:32

A hulong zla d’a ded’a mi suma Filistê suma a sunuzina nana ge? Kayam Ma didina mi gäd’u Siyon ni mamu, ni kua ba, mam suma hohoud’a a mba fe yima ngei tazina gagazi.

Zakari 2:12

Ambas sa Juda-d’a mba d’i mbut ni vana hi Ma didinina yam ambas sa mam tinit irat vata. Jerusalem mba d’i mbut nazì ma ngol ma mam manama.

Zakari 3:2

Malaika máma mi de mi Seitan ala: Ar Ma didina mi ngobongû, ar Ma didin ma man Jerusalem-ma mi ngobongû. Sama wana mi ni d’igi vun adjo ma hlumî woi aduk akud’ina na d’uo zu?

1 Samuel 16:1

Ma didina mi de mi Samuel ala: Ni mindja ba, ang mba ar bei tchi yam Saul ma an pad’am mbei ala mi kak amul ma Israel-lâ d’uo na ge? Ang hle gugur mang nga mbulâ abongû, ang tchola; an nga ni sunung avo hi Jesse ma Betelehem-ma, kayam an fe nga amul ma nde irana aduk groma.