2 Sunda Hamuleinid’a 6:41 - Bible azumeina

⁴¹ Ma didina Alona, ang tchol akulo, ang mbeï ata yang ma tuk tad’a ata yima zanduk mang ma ad’eng manga nga kuana. Ma didina Alona, ar mang suma ngat buzuna a mbut suma d’ingêrâ, ar mang suma d’engzengâ a er ad’uzi akulo ki furîd’a mi.

2 Sunda Hamuleinid’a 6:41 ပူးပေါင်းရင်းမြစ်များ

1 Sunda Hamuleinid’a 28:2

Amulâ David mi tchol akulo adigaziya, mi dazi ala: B’oziyona, sum mana, agi humunu! An djib’er adjeu ala an min gong nga a tin zanduk ma vun ma djinda hi Ma didinina mi nga kua d’a Alo meina mi tin asem kuad’a, an min wa ahlena pet mi.

Nehemi 9:25

Azi yo azì ma nglo ma a minim ad’enga ngunguna kandaga d’a tub’ad’a mi, a yo azì ma nglo ma nga oîd’a kahle suma djivinina, golongeîna, guguzlud’a, agu olifâ kagu ma vuta ablaud’a mi. A te, a hoba, a d’ora, a kak kur duzîd’a ni yam djivi mang nga kal teglesa.

Sawal la giled’a 110:2

Ma didina mba mi hang totogo mang nga tamula kad’engid’a ei ni Siyon. Ang mba te yam mang suma djangû suma a nguyungâ.

Sawal la giled’a 132:16

An mba ni tchuk suta ata mat suma ngat buzuna d’igi a tchuk baruna atazi na, mat suma d’engzengâ a mba er ad’uzi akulo ki furîd’a mi.

Sawal la giled’a 65:11

Ang nga rap yam zum matna, ang nga blas andaga mat ta djodjohla kä, ang nga d’idjet kalo ma sed’a, ang nga hawu matna ad’enga á wula mi.

Sawal la giled’a 65:4

Tcho mamid’a kal kami ngola, wani ang vat hurung ngei kad’u.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Isai 61:6

Wani a mba yagi ala Suma ngat buzuna hi Ma didinina, a mba yagi ala Azungeîna hAlo meinina. Agi mba tagi ndjondjoîd’a handjaf sumid’a, agi mba hlagi subur mazid’a.

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Zakari 9:17

Azi mba ka’î suma djivina, suma djifâ mi. Gemena ki süm guguzlu d’a awilid’a a mba had’enga mazungeî mazina ki yugunei mazina mi.

Romê-na 1:16

Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.

Romê-na 13:14

Wani ar agi hlagi ni djib’er ra awili d’a Salad’a Jesus Christ mi hagizid’a. Ar agi djib’eregi yam ahlena hi sa magi ma adjeunina á ndak vun d’od’ok mamba d’i.

Galat-na 3:27

Kayam agi pet suma a lagi batemba zlapa tu ki Jesus Christ-sâ, agi tchugugi wa Jesus Christ atagiya.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

Josue 3:13

Ata yima suma ngat buzu suma a nga zi zandu’â hi Ma didin ma Sala andagad’ina a mba tin asezi kä kur alum ma Jurdê-nina, mbiyo alum ma Jurdê-na mba mi wal lei aduk mbà; mbiyo ma tcholï akulo yam ahinad’ina mba mi tchol lei gongzong d’igi dadamana na.

Vama ndum mbeina 19:14

B’rang nga akulod’a a nga tit ad’umu, a nga yam akulumei suma hobiyona. A tchuk baru ma luluî ma hap ma titilâ ataziya.

Vama ndum mbeina 19:8

Mi hat lovota á tchuk baru d’a hap pa luluî d’a nga d’i ngal wiwilika atat mi. Baru d’a hap pa luluî ndata ti ta’î sun nda d’ingêra hi suma hAlonid’a.