2 Sunda Hamuleinid’a 6:30 - Bible azumeina

³⁰ ang Ma didin ma sä akulona, ata yima ang nga kaka kuana, ang huma, ang vat hurung ngei kaziya, ang le ki nge nge pî yam sun mam mba mi lata, kayam ang wum hurumu, kayam ang tu ni ma we hur suma petna mi.

2 Sunda Hamuleinid’a 6:30 ပူးပေါင်းရင်းမြစ်များ

1 Amuleina 8:39

ang Ma didin ma sä akulona, ata yima ang nga kaka kuana, ang huma, ang vat hurung ngei kaziya, ang le ki nge nge pî yam sun mam mba mi lata, kayam ang wum hurumu, kayam ang tu ni ma we hur suma petna mi.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

1 Sunda Hamuleinid’a 29:19

Ang he gorona Salomon hur ma djivina á ngom vun ma he mangâ ki gat mang nga tetenga á tit kaziya, á min gong nga an ni min ahlena pet kata mi.

2 Sunda Hamuleinid’a 6:29

le sama lara d’oze Israel-lâ pet, nge nge pî, mi we tugud’ei d’a tcho d’a mba kamba ki ndak ka mam nga kuruta ba, mi yo abom akulo, abo ma ir gong nga wandina mi tcheneng tchen nda hud’a ni,

2 Sunda Hamuleinid’a 6:31

Hina wani, azi mba lang mandarang kur burâ pet, a mba tit kur lovot manga ata yima lara ge ma azi nga kaka ki irazi yam ambas sa ang hat mabuyomi ngolod’ina.

Sawal la giled’a 62:12

Alona mi de zlad’a yam tu; an hum yan mbà mi dala: Ad’enga ni manda!

Sawal la giled’a 7:10

Ang b’lak sunda hi suma asa’atnid’a woyo, ang sira suma d’ingêrâ ngingring, kayam angî Alo ma d’ingêr ma fek hur suma ki djib’er mazid’ina.

Zla d’a d’ogolâ 15:11

Yima azuleina ki zul la yiyik ka suma a ba woi kuad’a ni pid’ak ir Ma didina d’oud’a d’igi hur suma zu?

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Ezekiyel 18:30

Agi Israel-lâ, ni kayam ndata ba, an mba ni kagi sariyad’a kagi nge nge pî yam tit mamba. An Salad’a Ma didina nga ni dagiya: Agi mbud’ugi hurugi yam tcho magid’a, agi hulongôgi tala ar tcho magid’a ti mbud’ugi vama b’lagagina d’uo d’a.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Jean 2:25

Mi min ala sana dum yam sa d’i, kayam mam tamba mi we vama nga hur sanina.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.