2 Sunda Hamuleinid’a 6:16 - Bible azumeina

¹⁶ Ki tchetchemba, Ma didina Alona hi Israel-lîna, ang ngom zla d’a ang dat mabun David-ta ala: Le andjavang nga mi ngom tam ped’et yam tit mamba, le nga mi tit yam gat manda d’igi ang nga tit avoron na ni, adigazi a mba ba bei fe sama kak yam zlam mba amula aduk Israel-lâ teteuna d’uo d’a.

2 Sunda Hamuleinid’a 6:16 ပူးပေါင်းရင်းမြစ်များ

1 Amuleina 2:4

Hina wani, Ma didina mba mi ndak vun vun ma hle ma mi hlandji ala: Le andjavangî suma d’engzengâ a le min manda ki zlat pet ki gagazid’a mi ni, adigazi a mba fe sama vrak tamula blangâng yam zlamba hi Israel-lîd’a teteu.

1 Amuleina 6:12

Ang nga min gong nga wanda mi anu. Le ang nga tit kur gat man nda teteng nga an hangzid’a, le ang nga ge yang kä ad’u vun man ma hed’a pet mi ni, an mba ni ndak vun vun ma djin ma an djinim kang ata yima an de zlad’a kabung David-na.

2 Sunda Hamuleinid’a 13:5

Agi wagi nga d’ala Ma didina Alona hi Israel-lîna mi he David amula á te leud’a yam Israel-lâ gak didinu d’uo zu? Mi djin vunam kandjavam ni djin nda sana mi ndak á mbud’ut tei d’uo d’a.

2 Sunda Hamuleinid’a 21:7

Wani Ma didina mi min á dap suma hi David-na woi d’i, kayam mam djin vunam ki sed’em mi hlum vunam ala mam mba mi aram mi tamula kandjavam gak didin.

2 Sunda Hamuleinid’a 23:3

Ablau suma a togïna a djin vunazi kamulâ kur gong nga kud’ora hAlonid’a. Jehojada mi dazi ala: Amulâ goroma Jowas wana! Mba mi tamula d’igi Ma didina mi hle vunam yam andjafâ hi David-na na.

2 Sunda Hamuleinid’a 6:17

Ki tchetchemba, Ma didina Alona hi Israel-lîna, ar ang ndak vun vun ma hle ma ang hlum mazong mangâ David-na!

2 Sunda Hamuleinid’a 7:17

Wani le ang nga tit avoron ki hurung tu d’ingêr d’igi abung David na, le ang nga lahlena pet suma an hang vuna kazina, le ang nga ge yang kä ad’u gat man nda tetenga ni,

2 Sunda Hamuleinid’a 7:18

an mba ni kagang yam zlam mang nga amula ngingring burâ ki burâ d’igi an de mabung David na ala: Ad’u andjavang ang mba ba bei fe sama mba mi vrak blangâng á kak yam zlamba hi Israel-lîd’a d’i gak didin.

Sawal la giled’a 119:1

Suma a nga tit kur lovot mazi d’a d’ingêr suma a nga tit yam gata hi Ma didinid’a a le furîd’a.

Sawal la giled’a 119:9

Ni nana ba, azongâ mba mi tit tit ta irata ge? Nata yima nga mi ngom zla mangina.

Sawal la giled’a 132:11

Ma didina mi gun tam mi David, gagazi, nga mi hulong bugol li; mi dala: Ni gorong ma kurungâ ba, an mba ni tinim á kak yam zlam mang nga amula blangângû.

Sawal la giled’a 132:12

Le grongâ ki grozina a ngom vun man ma djinda ki vun man ma he ma an nga ni had’azizina mi ni, a mba kak yam zlam manga gak didin.

Sawal la giled’a 26:3

Djivi manga nga avoronu, an nga ni tit kur gagazi manga.

Ezekiyel 36:37

Gola! Salad’a Ma didina mi dala: An mba ni ar lovota mi Israel-lâ a mba yan á ndjunda, an mba ni hulongôzi humba, an mba ni zuluzi d’igi d’uwarâ na mi.