2 Sunda Hamuleinid’a 6:14 - Bible azumeina

¹⁴ Ma didina Alona hi Israel-lîna, alo ma hle tam d’igi ang na ma sä kur akulod’a d’oze ma ka hî yam andagad’ina nga d’i. Ang nga ngom vun mang ma djinda, ang mba le o d’a bei dabid’a kazungeî mang suma a nga tit avorong ki hur ma tunina.

2 Sunda Hamuleinid’a 6:14 ပူးပေါင်းရင်းမြစ်များ

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 33:20

mi min yima ngal ahle suma ngat buzuna, mi yum ala El, Elohe Israel.

Ad’u Tinda 35:10

mi dum ala: Simiyêng ala Jakob; a dok yang ala Jakob puo d’a, wani a mba yang ala Israel. Ni hina ba, Alona mi yum ala Israel.

Ad’u Tinda 5:24

Enok mi tit zlapa kAlona; sa fum nga d’i, kayam Alona mi hlum sä akulo gevemu.

2 Samuel 7:22

Ma didina, Alo mana, angî Ma ngol ma kal papana, kayam ma hle tam d’igi ang na na nga d’i. Alo ma ding ma gagazina nga d’i, d’igi ami nga humumi ini ki humami na.

1 Amuleina 18:36

Kur ler ra fladege d’a suma a hahle suma ngat buzuna mAlona kuad’a ndaka, ma djok vun Alona Elie mi hut gen yima ngal ahle suma ngat buzuna, mi dala: Ma didina, Alona hi Abraham-ma, Alona hi Isa’â, Alona hi Jakob-ma, ar ang tak Israel-lâ ini ala angî Alo mazina, an nazong mangâ, a wala an lahlena pet ni yam vun mang ma hed’a mi.

1 Amuleina 3:6

Salomon mi hulong dum ala: Ang le yam azong mangâ abun David ngola, mam tamba mi kak sama d’engzeng ma nda’â avorong d’ingêr memet mi. Kayam ndata, ang nga le kam tua, ang vragan an goroma ini amula blangâm wana.

1 Amuleina 6:12

Ang nga min gong nga wanda mi anu. Le ang nga tit kur gat man nda teteng nga an hangzid’a, le ang nga ge yang kä ad’u vun man ma hed’a pet mi ni, an mba ni ndak vun vun ma djin ma an djinim kang ata yima an de zlad’a kabung David-na.

1 Amuleina 8:23

mi dala: Ma didina Alona hi Israel-lîna, alo ma hle tam d’igi ang na ma sä kur akulod’a d’oze ma ka hî yam andagad’ina nga d’i. Ang nga ngom vun mang ma djinda, ang mba le o d’a bei dabid’a kazungeî mang suma a nga tit avorong ki hur ma tunina.

1 Sunda Hamuleinid’a 29:10

David mi subur Ma didina avok ablaud’a pet ala: Ma didina Alona habumi ngolo Jakob-ma, ang ndak á giled’a kur atchogoi d’a kala ki d’a tchetchemba gak didin.

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

2 Sunda Hamuleinid’a 20:6

Mi dala: Ma didina Alona habuyomi ngolona, ni ang ba, nAlo ma sä kur akulod’ina, ni ang ba, te yam leud’a handjaf sumid’a pet tuo zu? Ni ang ba, nga kad’enga ki sib’ika d’uo zu? Sama ndak á tchol avorong á durungâ nga d’i!

2 Sunda Hamuleinid’a 6:17

Ki tchetchemba, Ma didina Alona hi Israel-lîna, ar ang ndak vun vun ma hle ma ang hlum mazong mangâ David-na!

Nehemi 1:5

An dum ala: Ma didina Alo ma akulona, Alo ma ngol ma kal papana, ang nga ngom vun ma djin mangâ ki suma a nga ge yazi kä ad’u vun mang ma hed’ina, ang nga we hohowa suma a nga le kangâ mi.

Sawal la giled’a 86:8

Salad’a, alo ma ding ma d’igi ang na na nga d’i, sun manga a nga ngat ki ndrat ti.

Sawal la giled’a 89:28

Anu, an mba ni mbud’um goron ma avo’â, an mba ni tinim amul ma ngol ma kal amulei suma yam andagad’ina.

Sawal la giled’a 89:6

Ma didina, ar ahle suma ang lazi sä kur akulod’ina a gileng yam sun nda atchap pa ang lata, ar mang suma akulona a gileng d’engzeng manga kur tok mazid’a mi.

Sawal la giled’a 89:8

Angî ma ngol ma kal tegles ma de d’alâ aduk toka hi malaikanid’a, angî ma kal papana aduk suma akulo suma a nguyungâ.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Buzuk ka Abud’a 3:15

Alona mi de mi Moise kua ala: Ang i de mi Israel-lâ ala: Ma didina Alona habuyogina, Alona hi Abraham-ma, Alona hi Isa’â, Alona hi Jakob-ma, mi sununï gevegi ni mamu. Wana ni simiyên ma a mba yan ki kur atchogoi d’a lara ge petna.

Buzuk ka Abud’a 8:6

Faron mi hulong dum ala: Navini. Moise mi dum ala: Mba le na, kayam ang wala vama hle tam d’igi Ma didina Alo mamina na na nga d’i.

Jeremi 10:16

Wani ma ala ni ndjondjoîd’a hi Jakob-pa na, mi nga na d’i. Mam mi ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Jeremi 10:6

Ma didina, sama hle tam d’igi ang na na nga d’i. Angî ma ngolâ, angî ma simiyêng mi nde yina ki sib’ik mangina mi.

Daniel 9:4

An tchen Ma didina Alo mana, an dum mbei yam tchod’a, an dum ala: Salad’a, angî Alo ma ngol ma suma a nga lang mandarangâ, angî ma nga ngom vun mang ma djindina, ang nga le o d’a bei dabid’a yam suma a nga le kang suma a nga ngom vun mang ma hed’ina mi.

Wana ni Zla d’a Djivi d’a Luc mi b’irita 1:50

Kur atchogoi d’a lara ge pet mam mba mi we hohowa suma a nga lum mandarama.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Wana ni Zla d’a Djivi d’a Luc mi b’irita 1:72

Mam mba mi tak we hohou mamba woi mabuyoi ngolo, mba mi djib’er yam vun mam ma djin ma bei ka zlad’a ba na mi.

Gat ta a hat á mbàd’id’a 3:24

Salad’a Ma didina, ang nde tagan an azong mangâ ngol manga ki sib’ik manga. Nalo ma lara ma kur akulod’a d’oze ma yam andagad’a ma ndak á le sunda kahle suma ndandalâ d’igi suma ang nga lazi wa na na ge!

Gat ta a hat á mbàd’id’a 4:39

Agi wagi ini woi tetet, agi vagi zla ndata kurugi ala Ma didina tu nAlona; sä akulo hur alona d’oze yam andagad’a ka hî, alo ma ding nga d’i.

Gat ta a hat á mbàd’id’a 7:9

Agi wagi ala Ma didina Alo magina nAlona, nAlo ma d’engzeng ma nga mi ngom vun mam ma djinda ki djivi mamba yam suma a nga le kam suma a nga ngom vun mam ma hed’a gak kur atchogoi d’a dubud’ina.

1 Tasaloni’â 2:12

Ami gigid’egiya, ami b’lengêgi kurugiya, ami zud’ugi kam kua kam kua ala agi tid’igi ndak ata minda hAlo ma nga mi yagi á igi kur leu mamba ki subur mambina.