2 Sunda Hamuleinid’a 6:13 - Bible azumeina

¹³ Avok bur máma, Salomon mi min yima tchola ki kawei ma hleuna, mi tinim krovo kur gulumuna. Fiyagamî metred’a mbà ki nusa, bubuwamî metred’a mbà ki nusa, fiyagam mba akulod’a ni metred’a tu ki nusa mi. Mi tchol akulo kamu, mi grif kä avok ablaud’a hi Israel-lîd’a pet, mi yo abom akulo mi tchen Alona ala:

2 Sunda Hamuleinid’a 6:13 ပူးပေါင်းရင်းမြစ်များ

1 Amuleina 6:36

Mi min atranga avun gong nga ngola kahinad’a a tched’eta djirdid’a hindi, mi gägu sedre ma bebed’e ma aduburo’â kat mi.

1 Amuleina 7:12

Bugol atrang nga ngola a min gulumuna kat kahina d’a a tched’et ta djirdid’a hindid’a, a gägu sedre ma bebed’e ma aduburo’â kat d’igi a le yam atrang nga avun gong nga kud’ora hi Ma didinid’a na, d’igi a le yam gong nga djol la avunata na mi.

1 Amuleina 8:54

Kid’a Salomon nga mi tchen Ma didina ki hud’id’a, mi ni grifa kä avok yima ngal ahle suma ngat buzuna, abomî yod’a akulo hur alona. Kid’a vunam dap tchendid’a, mi hulong tchol akulo.

2 Sunda Hamuleinid’a 4:9

Mi min gulumuna hi suma ngat buzunina ki gulumun ma ngolâ, mi le bapma avun gulumun ma ngolâ, mi gulud’um ki kawei ma hleuna mi.

2 Sunda Hamuleinid’a 6:12

Salomon mi tchol akulo avok yima ngal ahle suma ngat buzuna hi Ma didinina avok ablaud’a hi Israel-lîd’a pet, mi yo abom akulo.

Esdras 9:5

Kur ler ra fladege d’a a ngat ahlena buzuna kuad’a, an tcholï ata yi man ma an mbut tan hohoud’a kuana ki baru mana ki baru man nda ngola haûd’a woi atan pet, an grif kä, an yo abon akulo avok Ma didina Alo mana,

Nehemi 1:4

Kid’a an hum zla ndatid’a, an kak kä nga ni tchiya, an le burâ ablaud’a kur djib’era, an d’el tan bei te tena, an nde tchen Alo ma akulona.

Nehemi 8:4

Esdras ma we gata heîna, mi nga tchola ata yima tchol ma a minim kaguna á ndum mbaktumbina. Matitiya, Sema, Anaya, Uri, Hilkiya ki Mäseya a nga tchola gevem yam bigam mba ndjufâ; Pedaya, Misayel, Malkiya, Hasum, Hasebadana, Zakari ki Mesulam a nga tchola gevem yam bigam mba gulid’a mi.

Sawal la giled’a 95:6

Agi mbeyegïya, agi grivigi kä, ei kud’oreigi Ma didin ma leina.

Buzuk ka Abud’a 9:29

Moise mi hulong dum ala: Ata yima an mba ni nde woi hur azinina, an mba ni yo abon akulo avok Ma didina. Alona mba mi ar bei breîd’a, mogoina ad’um mba d’i ka mi. Ata yi máma ang mba wala andagad’a doli nabo Ma didina.

Daniel 6:10

Ata yima Daniel mi wala amulâ mi tin wa abom yam gat ndata na, mi hulong avo hatamu. Mi djak akulo kur gong nga yam ndrata akulod’a, mi mal fenetre d’a irat abo ma Jerusalem-mid’a woyo. Bur ma tuna nga mi grif kä avok Alona yam hindi, nga mi tchenemu, mi gilem simiyêm mi, d’igi nga mi ladjeu dei na.

Wana ni Zla d’a Djivi d’a Luc mi b’irita 22:41

Mi wal lei ki sed’ezi dubung d’igi sana mi gahinad’a na, mi grif kä, mi tchen Alona.

Sunda hi suma a sunuzinid’a 20:36

Kid’a Paul mi de hina dad’a, mi grif kä, mi tchen Alona ki sed’ezi pet.

Sunda hi suma a sunuzinid’a 21:5

Kid’a bur ma kid’iziyana dapa, ami tcholomi á imi avogo. Azi kamiyôzina ki grozina pet, azi tinimi gak a ndami sä woi bugol azì ma ngolâ. Ata yi máma, ami grivimi kä avun alum ma ngolâ, ami tchenemi Alona.