2 Sunda Hamuleinid’a 5:13 - Bible azumeina

¹³ Suma bu aduveina ki suma hle sawala, a tok tu á gile Ma didina, a subur Ma didina kaduveina ki tchigiyeud’a kahle suma bu suma dingâ teteng. A nga gile Ma didina kayam mam mi sama djivina, kayam o mamba nga d’i dap pi. Ata yi máma d’ugula ti oî hur gonga, gong nga kud’ora hi Ma didinid’a.

2 Sunda Hamuleinid’a 5:13 ပူးပေါင်းရင်းမြစ်များ

1 Sunda Hamuleinid’a 16:4

David mi tin suma hi Levi suma hiuna á le suna zandu’â hi Ma didinina, á tchen Ma didina Alona hi Israel-lîna, á gilemu, á suburum mi.

2 Sunda Hamuleinid’a 20:21

Bugola, mi ndjak vunam ki suma, mi tin suma hle sawal suma a tchuk ahle suma djif suma a tinizi irazi vazina atazi a nga tit avok azigarâ á gile Ma didina ala: Agi gilegi Ma didina, kayam o mamba nga d’i dap pi!

2 Sunda Hamuleinid’a 20:22

Ata yima azi tin ad’ud’a á hle sawala á gile Ma didinina, Ma didina mi sunï suma á bur suma Amon-na ki suma Mowap-ma ki suma a tcholï yam ahina d’a Seir-ra suma a mba ata suma Juda-na á durîna kä, a tchaziya.

2 Sunda Hamuleinid’a 7:1

Ata yima Salomon vunam dap tchendina, akud’a ti tcholï akulo, ti ngal ahle suma ngat buzu suma ngala kahle suma ngat buzu suma zlap darigïd’a mi. Ata yi máma subura hi Ma didinid’a ti oî hur gonga.

2 Sunda Hamuleinid’a 7:2

Suma ngat buzuna a fe nga lovota á kal kur gong nga kud’ora hi Ma didinid’a d’i, kayam subura hi Ma didinid’a ti oî hur gong mamba.

2 Sunda Hamuleinid’a 7:3

Israel-lâ pet a waku d’a tcholï akulod’a ki subura hi Ma didina d’a yam gongid’a, a hud’o kä, a grif kä ki irazi andaga hur gonga, a kud’or Ma didina, a gilem ala: Mam mi Ma djivina. O mamba nga d’i dap pi.

2 Sunda Hamuleinid’a 7:6

Suma ngat buzuna a nga tchola ata yima sunda, suma hi Levi-na a nga kahle suma bu suma David mi lazi á subur ki Ma didinina ata yima mi tinizi á gile Ma didinina a dala: Kayam o mamba nga d’i dap pi. Suma ngat buzuna a nga bu aduveina avoroziya, Israel-lâ pet a nga tchola akulo kasezi mi.

Esdras 3:11

A nga hle sawala, a nga gile Ma didina, a nga suburum ki delezi akulo ala: Mam mi Ma djivina, kayam we hohou mam mba yam Israel-lîd’a nga d’i dap pi. Suma pet a nga gile Ma didina ki delezi akulo ki furîd’a, kayam suma sunda a gum ad’u gong mamba kä da’.

Nehemi 12:27

Kid’a a dap gulumun ma Jerusalem-ma dapa, a i halï suma hi Levi-na ata yima azi nga kaka kuana pet, a mba ki sed’ezi Jerusalem á le furîd’a á tin gulumuna iram vam mAlona, á hle sawala giled’a ki tchigiyeud’a kading ma nglona ki ma gureina mi.

Sawal la giled’a 100:5

Kayam Ma didina ni ma djivina, o mamba ni d’a gak didinda, d’engzeng mamba ti nga ni kur atchogoi d’a lara ge pet mi.

Sawal la giled’a 106:1

Agi gilegi Ma didina! Agi gilegi Ma didina, kayam mam mi ma djivina, kayam o mamba ni d’a didinda!

Sawal la giled’a 107:1

Agi gilegi Ma didina, kayam mam mi ma djivina, kayam o mamba ni d’a didinda!

Sawal la giled’a 118:1

Agi gilegi Ma didina, kayam mam mi ma djivina, kayam o mamba, ti nga ni hina gak didin!

Sawal la giled’a 150:3

Agi gilegizi kadifa, agi gilegizi kading ma ngolâ ki ma gorâ mi.

Sawal la giled’a 150:5

Agi gilegizi ki tchigiyeu d’a tchina, agi gilegizi ki tchigiyeu d’a tchi heîd’a.

Sawal la giled’a 22:4

Wan pî, angî Alo ma bei tchod’ina, ang nga kaka yam zlam manga, Israel-lâ a nga gileng teteu mi.

Sawal la giled’a 81:2

Agi hlagi sawala ki furîd’a mAlo mala nad’eng meid’a na, agi hlagi sawala ki furîd’a mAlona hi Jakob-ma.

Buzuk ka Abud’a 29:43

Ni kua ba, an mba ni ngaf ki Israel-lâ; yi máma mba mi mbut ni yima a tinim iram vama abo wile man nda wiwilika.

Isai 52:8

Mak suma ndjola a nga de zlad’a ki delezi akulo, a nga er ad’uzi akulo ki furîd’a abo tazi tu, kayam a nga we Ma didina ki irazi nga mi hulongî kur Siyon.

Jeremi 32:39

An mba ni hazi hur ma tuna á tit kur lovot ta tud’a á lan mandaran burâ ki burâ tala azi kak ki djivid’a, grozi suma blogozina a kak ki djivid’a mi d’a.

Jeremi 33:11

sawal la hur ma hapma ki sawal la furîd’a. A mba hum sawala hi ma tel atchad’a awilina ki sawala hi d’a a telet awilid’a kur ambas sa wanda. A mba hum dela hi suma a hle sawal la wandina ala: Agi gilegi Ma didin ma ad’engêm kal petna, kayam Ma didina ni ma djivina, kayam o mamba nga d’i dap pi. A mba hum dela hi suma a nga hahle suma ngat buzu suma le mersid’ina kur gong man nda kud’ora. Kayam an mba hulongî ki suma a yozi magomba kur ambas sa wandina, an mba ni kagazi blangâzi d’igi adjeu deid’a na. An Ma didina ni de na.

Sunda hi suma a sunuzinid’a 4:32

Ablau suma a he gagazid’ina, a tok huruzi tu ki muzugazi tu. Sama adigazi ma dala ihî ni va mama katama nga d’i, wani ahle mazina ni toka tu adigaziya.

Romê-na 15:6

Ni hina ba, agi pet agi gilegi Alona Abu Saleina Jesus Christ ki djib’er ra tud’a ki vun ma tuna mi.

Vama ndum mbeina 15:8

Andosâ nga oîd’a kur gong nga kud’ora hAlonid’a ki subura kad’enga hAlonid’a. Sana mi ndak á kal kur gong ndata d’i, gak tugud’ei d’a tcho d’a kid’iziya d’a malaikana vat abozid’a ti dap tua.