2 Sunda Hamuleinid’a 34:2 - Bible azumeina

² Josiyas mi le sun nda d’ingêra avok Ma didina ki hurum pet d’igi abum ngolo David na, mi d’es nga woi kat yam bigam mba gulad’a d’oze yam mba ndjufa d’i.

2 Sunda Hamuleinid’a 34:2 ပူးပေါင်းရင်းမြစ်များ

1 Amuleina 14:8

An prut leud’a abo suma hi David-na, an hangziya. Wani ang hle nga zlad’a hazong mana David ma ge yam kä ad’u vun man ma hed’a ma mi lan sunda ki hurum tu bei mi le vama tcho avoron yam tu ba na na d’i.

1 Amuleina 15:5

ma mi le Ma didina tam djivid’a bei mi tchila vun ma hed’a ba na, wani ni zlad’a hi Uri ma Het-nid’a hol.

2 Amuleina 22:2

Josiyas mi le sun nda d’ingêra avok Ma didina ki hurum pet d’igi abum ngolo David na, mi d’es nga woi kat yam bigam mba gulad’a d’oze yam mba ndjufa d’i.

2 Sunda Hamuleinid’a 14:2

Mi to yima teteng ma ngal ahle suma ngat buzuna malona hi suma dingîna ki yam ma nding ma tetengâ woyo, mi to gongîyo suma a minizi mi fileinina kagu ma murguli ma a puma woi mi.

2 Sunda Hamuleinid’a 17:3

Ma didina mi nga ki Josafat, kayam mi tit kur lovot ta d’ingêra d’igi abum ngolo David mi tit kur lovot ta d’ingêra kid’a mi tin ad’u tamulid’a na, mi djop nga alo ma a yum ala Bäl-lâ d’uo mi.

2 Sunda Hamuleinid’a 17:4

Wani mi halî Alona habum ngolona, mi tit ni yam vun mam ma hed’a, mi le nga sun nda Israel suma abo ma norâ a lata d’i.

2 Sunda Hamuleinid’a 29:2

Ezekiyas mi le sun nda d’ingêra avok Ma didina ki hurum pet d’igi abum ngolo David-na.

2 Sunda Hamuleinid’a 34:3

Wani kur biza d’a klavandi d’a mam nga mi tamulid’a, ata yima mam nga kazongôm tua na, mi tin ad’ud’a á hal Alona habum ngolo David-na. Kur biza d’a dogo yam mbàd’a, mi nde to yima nding ma a tinim iram vama ki gong nga kud’or ra a minit malo d’a a yat ala Asera-d’a ki filei ma a tched’ema ki filei ma kawei ma a yoroma woi kur ambas sa Juda-d’a ki suma kur azì ma Jerusalem-mina woi mi.

Zla d’a d’ogolâ 4:27

Ar ang d’es sei abo ndjuf foze abo ma gula d’i. Ang hlaseng ngei ata yima tchona.

Gat ta a hat á mbàd’id’a 17:11

Agi tid’igi ni yam gat ta azi mba had’agizid’a ki sariya d’a azi mba dagizid’a, agi d’ezegi woi yam zla d’a azi mba dagizid’a á igi abo mandjuf foze abo ma gula d’uo mi.

Gat ta a hat á mbàd’id’a 17:20

Hina wani, mam mba mi hle yam akulo yam b’oziyom á wal lei ki vun ma he máma á i abo mandjuf foze abo ma gula d’uo mi, kayambala mam kandjavam a te leud’a yam Israel-lâ gak didinu d’a.

Gat ta a hat á mbàd’id’a 28:14

Ar agi d’ezegi woi yam vun ma he ma an hagizi ini wana á tchagi ta á igi abo ma ndjuf foze abo ma gula á igi bugol alo ma ding á kud’urom mbuo mi.

Gat ta a hat á mbàd’id’a 5:32

Agi ngomogiziya, agi tid’igi yam vama Ma didina Alo magina mi hagi vuna kama. Agi d’ezegi woi abo ma ndjuf fuo mi na, abo ma gula d’uo mi.

Josue 1:7

Wani ang ve tang ad’enga, ang so tangû, ang ngom gat ta pet ta Moise azong mana mi hang vuna kata, ang tit kat mi. Ar ang i abo ma ndjuf foze abo ma gula d’uo mi. Hina wani, ang mba fahlena pet suma ang mba lazina.

Josue 23:6

Agi vagi tagi ad’enga á ngom zla mamba, á tit yam ahlena pet suma a b’irizi kä kur gata hi Moise-sina bei igi abo ma ndjuf foze abo ma gula ba.