2 Sunda Hamuleinid’a 32:8 - Bible azumeina

⁸ Suma a nga ki sed’ema a ni suma hawa, wani ma nga ki sed’eina ni Ma didina Alo meina. Ni mam ba, mba mi ndjuni kur ayî ma durâ. Ablau suma pet a he gagazid’a yam zla d’a Ezekiyas amul ma Juda-na mi data mi.

2 Sunda Hamuleinid’a 32:8 ပူးပေါင်းရင်းမြစ်များ

2 Amuleina 18:5

Ezekiyas mi tin hurum yam Ma didina Alona hi Israel-lîna kal amulei suma Juda suma tamula avoroma ki suma vrak blogoma pet mi.

2 Amuleina 6:16

Elise mi hulong dum ala: Ang ring mandar ri! Suma a nga ki sed’eina, ablau mazid’a kal suma a nga ki sed’ezina.

1 Sunda Hamuleinid’a 5:22

A tchi suma kua ablaud’a heî, kayam ayî máma mi tcholï nata Alona. A vrak kaka blangâzi gak mba kur atchogoi d’a a yozi magombid’a.

2 Sunda Hamuleinid’a 13:12

Gola! Alona mi nga ki sed’emiya, mi nga mi tit avoromiya, mam suma ngat buzuna a nga kaduvei suma tchina á bud’a á tagami lovota á dur ayîna ki sed’egiya. Agi Israel-lâ, ar agi durugi ayîna ki Ma didina Alona habuyogi ngolona d’i, kayam agi ndak á kus kam mbi.

2 Sunda Hamuleinid’a 14:10

Asa mi tchen Ma didina Alo mama ala: Ma didina, ang ndak á ndjun sama ad’engâ d’oze ma amangeîna. Ma didina Alo mamina, ang mbeï ndjunumiya, kayam ami dengêmi tami natangû. Ni yam simiyêng ba, ami mbami durâ ata suma mimiyâk suma wana wana. Ma didina, angî Alo mamina. Ar sana mi kus ayîna kang ngi.

2 Sunda Hamuleinid’a 14:11

Ma didina mi dur suma Etiyopi-na avok Asa ki suma Juda-na; suma Etiyopi-na a wet ringâ.

2 Sunda Hamuleinid’a 16:7

Kur biza ndata, ma djok vun Alona Hanani mi mba gen Asa amul ma Juda-na, mi dum ala: Ang ar zla d’a deng tang ata Ma didina Alo mangîd’a ta, ang deng tang ata amul ma Siri-na, ang he lovota mi azigar suma Siri-na á sut tazi woi abongû.

2 Sunda Hamuleinid’a 20:15

Mi de ki delem akulo ala: Agi suma Juda-na, agi suma Jerusalem-ma ki ang tang amulâ Josafat, agi humugiya! Ma didina mi dala: Agi lagi mandar ri, ar vun adigagi pat abo azigar suma mimiyâk ndazina d’i! Ni agi ba, mba durugi d’i, wani ni an Alo magina ba, mba ni dur ayîna kagiya.

2 Sunda Hamuleinid’a 20:17

Ni agi ba, mba durugi ayîna d’i. Agi minigi tagiya, agi i tchologi hina en, agi mba wagi sut ta an mba ni sud’ugid’a. Agi suma Juda-na ki suma Jerusalem-ma, agi lagi mandar ri, ar tagi tchuk lus suo mi! Ndjivin agi i ngavaziya, an mba ni i ki sed’egi mi!

2 Sunda Hamuleinid’a 20:20

A tchol ki yorogo tcholola, a buzuk á i irazi abo ma hur ful ma Tekowa-na. Ata yima a buzuk keina, Josafat mi tchol avoroziya, mi dazi ala: Agi suma Juda-na ki suma avo Jerusalem-ma, agi humunu! Agi vagi tagi ad’enga kur hur magi ma tinda yam Ma didina Alo magina. Hina wani, agi mba tchologi ad’enga ngingring! Agi tinigi hurugi yam mam suma djok vuna. Hina wani, agi mba kuzugi ayîna!

2 Sunda Hamuleinid’a 32:15

Ar Ezekiyas mi lobogi vunagi ki zla d’a ded’a hina d’a d’i. Agi tinigi hurugi kam mbi! Kayam alona handjaf ma ding ngoze ma kur leu d’a ding ma ndak á prut sum mama woi abon an kabuyon ngolona mi nga d’i. Hina mi, Alo magina mi ndak á prud’ugi woi abon nduo mi!

Wana ni mbaktumba hi Job-pa 40:9

Ata yi máma an mba ni hang ngola, kayam abong ma ndjufâ mi ndak á sud’ungû.

Sawal la giled’a 118:8

Vama kalâ, ang hal yima ngeid’a ata Ma didina, kal la ang tin hurung yam sanid’a.

Sawal la giled’a 20:7

Ki tchetchemba, an we Ma didina nga mi sut ma mam manam tinim amulina, nga mi humumï kur gong mam mba sä akulod’a, nga mi ndjunum kabom ma ndjuf ma sib’ika mi.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.

Sawal la giled’a 46:7

Andjaf suma a nga siwela, leud’a nga d’i giget teteng mi. Ata yima Alona mi de zlad’ina, andagad’a ti lau woi d’igi mbina na.

Buzuk ka Abud’a 4:31

Sum ndazina a he gagazid’a, a wala Ma didina mi mba wa gevezi á ndjunuziya, mi wazi wa ndak mazid’a. A tchuk guguvazi kä, a kud’uromu.

Zla d’a d’ogolâ 12:25

Hur ma b’laka hi sanina mi mba ki ndak ka ngola kamu, wani zla d’a djivid’a ti lumî tam djivid’a.

Isai 30:32

Ma didina mba mi tozi ki totogo d’a lara ge d’a mi ngazizi kazid’a. Ata yi máma suma a mba hum tchina hi daliyâd’ina kadingâ, mba mi dur ki sed’ezi kabom ma zid’a woi zina mi.

Isai 31:3

Ezipte-na ni suma, a nga nAlona d’i. Akulumei mazina a ni hliuna, a nga ni muzu’â d’i. Ata yima Ma didina mi hlabom akulona, sama mba á ndjundina mi ka nazlard’eid’a, sama mam ndjunuma mi pu’î kä mi, azi zla tazi djak a mba ba woyo.

Isai 36:18

Ar Ezekiyas mi zud’ugi ala: Ma didina mba mi prud’i woyo d’i. Agi wagi alona handjaf suma ding ma ndak á sut sum mama nge nge pî kur andaga mamba woi abo an amul ma Asiri-na nga zu?

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 8:10

Agi ngagi hurugiya, wani nga hur magina mba mi mbut ni vama hawa ya’â. Agi nga dagi zlad’a, wani zla ndata mba d’i le d’i, kayam Alona mi nga ki sed’emiya.

Jeremi 17:5

Ma didina mi dala: Sama mi tin hurum yam sana d’oze mi deng tam yam sana mi wal lei ki an Ma didinina, an nga ni gum vuna.

Jeremi 42:11

Ar agi lagi mandarâ abo amul ma Babilon ma agi nga lum mandarama d’i. Agi lum mandaram mbi, kayam an nga ki sed’egi á sud’ugi woi abomu. An Ma didina ni de na.

Sunda hi suma a sunuzinid’a 18:10

kayam an nga ki sed’engû. Sama ndak á vang á lang tchod’a nga d’i, kayam sum mana ablaud’a a nga kur azì ma ngol máma.

Gat ta a hat á mbàd’id’a 20:1

Moise mi de kua ala: Fata agi igi á dur ayîna ki magi suma djangûnid’a, le agi wagi akulumeina ablaud’a ki pus ma dur ayîna teteng ki suma ablaud’a kalagiya ni, agi lagi mandar ri. Kayam Ma didina Alo magi ma buzugugï woi kur ambas sa Ezipte-d’ina, mi nga ki sed’egiya.

Gat ta a hat á mbàd’id’a 20:3

mi dazi ala: Agi Israel-lâ, agi humugiya, agi mbagiya wa go ini á dur magi suma djangûna. Ar hurugi ka mbina d’i, ar agi lagi mandar ri, ar vunadigagi pat fek ki, ar agi zlagagi avorozi d’uo mi.

Gat ta a hat á mbàd’id’a 20:4

Kayam Ma didina Alo magina nga mi tit ki sed’egi á dur magi suma djangûna kagi á sud’ugiya.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

2 Timote 4:22

Ar Salad’a mi kak ki sed’engû. Ar Alona mi vagi sumad’a mi.

Josue 10:42

Josue mi hlambasa kamulei matna pet ni kur nde d’a mi ndeza durâ yam tu ndata, kayam Ma didina Alona hi Israel-lîna nga mi dur kaziya.

1 Jean 4:4

Grona, agi ni suma hAlonina, agi kuzugi wa yam suma djok vun suma ka zlad’a, kayam Muzuk ma nga kurugina, mi kal muzuk ma nga kur suma duniyad’ina ki ngola.

1 Samuel 17:45

David mi hulong dum ala: Ang mbei atan ki mbigeu d’a fiyaka ki djamba kasapa; an mba atang durâ ni ki simiyê Ma didin ma ad’engêm kal petna, Alo ma b’ranga hi Israel ma ang nguluma.