Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Sunda Hamuleinid’a 32:31 - Bible azumeina

31 Kayam ndata, ata yima suma te yam suma Babilon-na a sunï suma gevem á wad’ud’a yam ahle suma yoyou suma a le kur ambas mambina, Alona mi aram mbei á kugum á we zla d’a kurumba.

အခန်းကိုကြည့်ပါ။ ကော်ပီ




2 Sunda Hamuleinid’a 32:31
24 ပူးပေါင်းရင်းမြစ်များ  

Bugol ahle ndazina, Alona mi kuk Abraham, mi yum ala: Abraham! Abraham mi hulong dum ala: An huma!


Kur atchogoi ndata Ezekiyas mi ve tugud’eid’a á matna. Mi tchen Ma didina. Ma didina mi hulongôm zla d’a ded’a, mi tagam vama simata.


Wani Ezekiyas mi hulong nga djivid’a yam djivi d’a Alona mi lumzid’a d’i, wani mi hle yam akulo. Kayam ndata, Ma didina hurum zal kam ki suma Juda-na ki suma Jerusalem-ma mi.


Sunda hi Ezekiyas sa ara ki sun mam mba djivi d’a mi lat yam Alonid’a, a b’irit nga kä kur mbaktum mba a yat ala Vama ndum mbei mi ma djok vun Alona Isai Amot goromina d’a ki kur Mbaktumba hamulei suma Juda-na kamulei suma Israel-lîd’a.


Ang ngei irang avoron ndi, ang zut azong mangâ woi kayîna d’i. Angî ma ndjununa, ang aran ndei d’i, ang gan ndei d’i, kayam angî Alo ma sud’una.


Deina ni vama a yor ki kawei ma hapmina, fürâ ni vama a yor ki lorina mi, wani Ma didina ni ma kuk hur sumina.


An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.


An ni guguzlud’a, agi nabona. Sama nga kaka zlapa tu ki sed’ena, an nga kurum mi. Hina wani, mba mi vut ngola, kayam bei an ba ni, agi ndak á lagi va yam tagi d’i.


agi humugi zlad’a hi ma djok vun máma d’oze zlad’a hi ma vana nde tam mbei iram máma d’i. Kayam ni Ma didina Alo magina ba, mi kugugi ni mam á we na ni agi nga lagi ni kam ki hur ma tuna ki tagi pet ko zu ge d’a.


Ni mam ma mi hagi man ma abuyogi ngolo a wum nga yazi tu d’uo abagei hur fulâ á ted’a á hulongôgi yagi kä á lagi djivid’a bugolâ.


Agi djib’eregi yam tit ta fiyak ka Ma didina Alo magina mi tinizi kagi á tita abagei hur fulâ gak bizad’a dok fid’id’a á hulongôgi yagi kä, á kugugi á we djib’er magid’a, na ni agi mba ngomogi vun mam ma hed’a d’oze ngomom mbuo zi ge d’a.


Ata yima sana mi nga kur kukina, ar mi dala: nAlona ba, mi kugunu d’i, kayam tchod’a ndak á kuk Alona d’i. Mam tamba mi ndak á kuk sa d’uo mi.


Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.


Ti dum ala: Samson, golï Filistê-na kang nga! Mi zlit akulo, mi dala: An nga ni nde woi d’igi avok deid’a na, an nga ni prut tan ndeyo. Wani mi we nga d’ala Ma didina mi wal lei ki sed’emu d’a d’i.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ