2 Sunda Hamuleinid’a 32:28 - Bible azumeina

²⁸ Mi min yima tchuk awuna ki yima vo süm guguzlud’a ki mbulâ, mi min gongîyona yam andjaf d’uwar mama teteng, mi ge kangâna yam tumiyô mama mi.

2 Sunda Hamuleinid’a 32:28 ပူးပေါင်းရင်းမြစ်များ

Ad’u Tinda 49:14

Isakar ni d’igi koro ma ad’engâ na, mi nga burâ kä aduk kangâna hi d’uwarîna mbà.

2 Samuel 7:8

Ki tchetchemba, ang i de mazong mana David ala: An Ma didin ma ad’engên kal petna ni dala: Ni an ba ni vangî ata yima pol tumiyôna á tining amula yam man suma Israel-lâ.

1 Amuleina 4:26

Salomon mi min yima tchol akulumeina hi pus mam ma dur ayîna 40.000, mi nga ki suma djang akulumeina 12.000 mi.

2 Sunda Hamuleinid’a 26:10

Mi min gong nga fiyak ka ndjola abagei hur fulâ, mi ka golongeîna ablaud’a mi, kayam mam nga ki d’uwarâ ablaud’a kur andagad’a kä ata yima ligitimid’a, a nga abagei hur fulâ mi, mi nga ki suma zuma ablaud’a ki suma ngom guguzlud’a abagei yam ahina d’a Karmel-la mi, kayam mam mi sama hurum ve zuma heîna.

2 Sunda Hamuleinid’a 32:27

Ezekiyas mi mbut sama ndjondjoîna, suma a nga suburum ngola mi. Mi min yima tchuk kawei ma hapma, yima tchuk lora, yima tchuk ahina d’a guzut kal teglesa teteng, yima vo mbul ma his ma afufuîna, yima tchuk mboriyona ki yima tchuk andjaf ahle suma djivi suma kal teglesâ teteng mi.

2 Sunda Hamuleinid’a 32:29

Mi min azì ma nglona teteng, mi min kangâna yam d’uwar ma nglona, yam d’uwar ma gureina mi, kayam Alona mi hum ahlena ngola kal kamu.