2 Sunda Hamuleinid’a 32:20 - Bible azumeina

²⁰ Amulâ Ezekiyas ki ma djok vun Alona Isai Amot goroma, a nde tchen Alona ki delezi akulo ala mi ndjunuziya.

2 Sunda Hamuleinid’a 32:20 ပူးပေါင်းရင်းမြစ်များ

2 Amuleina 19:1

Kid’a amulâ Ezekiyas mi hum zla ndatid’a, mi haû baru mama woyo, mi tchuk baru d’a dodora atamu, mi i kur gong nga kud’ora hi Ma didinid’a.

2 Sunda Hamuleinid’a 13:14

Suma Juda-na a mbut iraziya. Kid’a a wala ayîna mi nga avorozi ki blogozi mi d’a, a tchi yam Ma didina ki delezi akulo, suma ngat buzuna a bu aduveina mi.

2 Sunda Hamuleinid’a 14:10

Asa mi tchen Ma didina Alo mama ala: Ma didina, ang ndak á ndjun sama ad’engâ d’oze ma amangeîna. Ma didina Alo mamina, ang mbeï ndjunumiya, kayam ami dengêmi tami natangû. Ni yam simiyêng ba, ami mbami durâ ata suma mimiyâk suma wana wana. Ma didina, angî Alo mamina. Ar sana mi kus ayîna kang ngi.

2 Sunda Hamuleinid’a 14:11

Ma didina mi dur suma Etiyopi-na avok Asa ki suma Juda-na; suma Etiyopi-na a wet ringâ.

2 Sunda Hamuleinid’a 32:19

A nga de zlad’a yam Alo ma Jerusalem-ma d’igi a nga de zlad’a yam alo ma tetengâ hi suma yam andagad’a ma sana mi lum kaboma na.

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.